"كلو لي خير " 💙

الجزء العشرون

حلقه 20
*كلو لي خييير* 💜
بقلمي انا : اسراء حسين

رجعت البيت اول شيء بمشي لي سندس في غرفتها عشان اشيل حسين 😻 الولد اب خدود ال بشبه ابو دا 😂💜 حبيب عمتو ي ناااس 💜 قلت لي سندس عامله لينا شنو اليله انا جعااااانه .. قالت لي ما طبخت  اليله انا عملت الاكل ماما ندى وعملت قراصه بدمعه 🤤 نفسيااااات وأحمد زاتو اتاخر انا جعااانه استحمي وظبطي امورك اكون ختيت الاكل قلت ليها طيب حلو .. مشيت ظبطت اموري وجيتها جججري ماما كانت نايمه وحسين نام 💜.. ختت الاكل وبقينا ناكل 🤤 قالت لي ابرار اتصلت عليك .. قلت ليها ااااي ي حليلها يااخ 😻 قالت بكره جايه .. قالت لي اي  كلمتني بس قالت عاوزاك ضروري ي ربي تكون مالا 😅 .. قلت ليها بري ما عارفه يختي احتمال جايبه لي عريس اصلا شايفني بايره انتو كلكم عرستو خليتوني ي حيوانات 😂💔 .. ضحكت وقالت لي براك مابيه العرس ال بتقدمو ليك ما بسيطين 😑 .. قلت ليها انا خلوني كدا مبسوووطه عايشه على زكريات ابراهيمي 💜😻 .. قالت لي ياخي يعني حتوقفي حياتك عليهو .. قلت ليها هسه انتي شايفه حياتي واقفه 😏 ما اهو اتخرجت  وشغاله احسن شغل الحمد لله وبي عربيتي وباخد احسن مرتب وبفكر اسافر عشان اعمل ماستر 😻 .. قالت لي ياخي قصدي العرس اصلا سنه الحياه ولازم تتزوجي .. قلت ليها سندس 😏 اسمعيني تسكتي ولا اقوم اخلي الاكل 😒 .. قالت لي ي زوله قاعده تاكلي لي انا 😐 مش لي بطنك انتي .. قلت ليها كلام جميل يبقى اقوم اصحي حسيين .. قالت لي وحت الله خخشمي ما بفتحو تاني ااههااا 🤐🤐 .. قلت ليها حيواااااانه 😂 وما بتجي الا بالعين الحمره .. قالت لي ولد اخوك المعااط دا 😐 عامل زي ابو كرهوني زاتو .. قلت ليها وأقسم بالله اخوي ما معاط زيك 😂 .. وبقينا نكاوي في بعض ونأكل لحد ما جى احمد ومعاهو ايمان وآسيل اتضح انو اتاخر لانو مشى ساقهم من الجامعه هم بقرو في نفس الجامعه 💜 جو ومع الجوطه صحو  حسين 😂 طبعا سندس دايره تموت من المغصه وتنقنق 😂 وامي صحت وختو ليهم اكل وتاني انا اكلت معاهم 😌 ..

                         ....

تاني يوم الصباح قمت نضفت البيت مع اسيل وايمان 😴 وماما وسندس كانو في المطبخ بعملو في الفطور عشان ابرار في الطريق 😻 .. شويتين والجرس رن فتحت ليها الباب انا ياخ كنت متحمسه اشوفها بعد عرست 😻 .. فتحت الباب انا قبل ما اسلم ليها جات سندس جاريه  ببررروووووو 😻😻 وننطت فيها  وهي حاضناها وتضضحك قالت ليها بقيتي بي ولدك ولسه ما عقلتي 😂😂💜💜 .. قلت ليها  يحليك ياخ سندس منو التعقل كرهتنا زاتو 😂😂 .. فكتها بعد مسافه الهبله 😂 حتى سلمت ليها انا بعدين حضنتني وقعدت تبببكي 😪 بقيت حاضناها شديد حسيتها مضايقه وبالجد عاوزاني 💔 ما قدرت اتحمل دموعها بكيت معاها 😭 .. فصلتنا المعاقه مرت اخوي دي قالت ليها يعني مشتاقه لي اسراء اكتر مني ولا كيف 😑😒💔 .. طبعا بقينا نضحك فيها ونقشقش دموعنا 😂 .. حتى ركزنا لي البنت والولد ال معاها 😻 ي زينهم 💜 طبعا الولد بشبه لي زول 💔💔💔 انا اول ما شفتو لما قلبي عمل شححح 😭  لونو اسمر 💜 وحواجبو غزيره لما جيت حضنتو وبستو  عقدهم لي ومسح بي يدو على خدودو  ..  كدا يلا بقى نفس الزول ال انا مشبه بيهو عديل كدا  قربت ابكي 😭😭 .. ابرار قالت لي هههه ثقيل ما بحب زول يبوسو 😂💜 ..أما البنت ف كانت في عربيه البيبي ماشاء الله عليها حلبيه شدييييييد 😅💜 ومع أنها صغيره بس شعرها اسود وطويل 💜 وما بتشبه لا ابرار لا اخوها 😅 شلتها قعدت تصرخ لي اعلى صوت طوالي رجعتها قلت ليها دا شنو عيالك ديل مالم ي زوله 😂 .. قعدت تضحك قالت لي اسكتي ساي ديل نجاااض ..  دخلناهم جوه وسندس جابت ليهم مويه وعصير 💜 .. ابرار قالت ليها جيبي حسين اشوفو .. قالت ليها ناايمين هو وابو خليهم عليك الله لو صحيتهم هسه بشغلوها لي وما بخلوني اقعد اتونس معاك 😪 لما يصحو اشبعي منو شيلي معاك عديل لو عاوزه 😂💜 .. قالت ليها لا بالجد انتي حتعقلي بتين .. قالت ليها احمد وولدو واخواتو بخلو لي عقل 😑😏 الله يخيلي لي ماما ندى بس ي يمه 💜😑 .. اتونسنا وضحكنا وختينا الفطور وأكلنا ..  ولما وقت الصلاه  قرب احمد صحى ونادى سندس عشان تجهز لي حجاتو جابت لي حسين قالت لي امسكو ليها .. ابرار بقت تبوس في وتجضمو وتجضمو قالت لي زي عمتك 😂💜 بس هسه حقينها اختفو شويه .. قلت ليها كبرنا 😎 .. ابتسمت كدا وسكتت مسافه بعدين  قالت لي ممكن ادخل في الموضوع 😪 .. قلت ليها ايوا طوالي احكي سامعاك  💜.. قالت لي عاوزه اسالك سؤال اول .. قلت ليها احكي ..  ولدها قاعد جنبها مسكتو من  يدو  ونزلتو وشالتو على رجلها وعاينت لي في عيوني وقالت لي ما بشبه ليك زول ؟! .. في اللحظه ديك انا جسمي تلج وقلبي بقى يضرب شدييييييد وسكت ما رديت وبقيت اعاين ليها .. قالت لي اتكلمي 🙂 .. قلت ليها  اي بشبه لي زول 💔 .. قالت لي منوو .. قلت ليها ابرار ما تركزي 😅 ولي سالتيني كدا .. قالت لي لانو دا ولدو  ي اسراء 💔 .. قلت ليها ولد  منوو 😲 .. قالت لي ولد ابراهيم ي اسراء .. بقيت اضحك بي صدمه كدا  وما قادره اتكلم حاسه نفسي لساني مربوط ما قادره بالجد ما قادره 💔 ودموعي عاوزه تنزل بس ابييييت انزلها قدامها قلت لازم اعمل عادي ولازم اظهر ليها اني ما عندي ليهو شيء وإني نسيتو وكدا عشان مهما كان دي مرتو هسه وانا ماضي 💔🙂  قلت ليها سبحان الله شبهه شديد ربنا يحفظوو أن شاء الله ..  ابرار بقت تعاين لي جوه عيوني وقالت لي بتحبي لسه صح .. قلت ليها احب منو 😅 لا حولاااا ي بنت انا من سبتو لي 5 سنين حب شنو وقمت على حيلي قلت ليها امشي اودي حسين لي امو واجيك دقائق عاوزه تقول لي حاجه طلعت سريع قبل ما دموعي تنزل قدامها لقيت اسيل في وشيء اديتها الولد وجريت الحمااام وقفلتو وشغلت المويه كلها وقعدت ابكي ابكي ابكي ابكي وببعضي في يدي  عشان صوتي ما يطلع 😭😭💔💔💔 وقلبي حسيتو حينقلع من مكانو من الوجععع تاني صبرت نفسي وغسلت وشيء ورسمت لي بسمه مزيفه وطلعت .. رجعت لي ابرار وقعدت جنبها قلت ليها اها ابدي في الموضوع .. قالت لي خلصتي بكى ؟! .. سكت وعاينت ليها .. قالت لي ابكي قدامي عادي 😴 انا حاسه بيك على فكرا هو كمان بحبك لسسسه ي حلم حياتو💜 .. ختيت ايديني في وشيء ودموعي بقت تنزل وانا بهز في رجليني وبهززز  بي طريقه سريعه شديد جات قعدت جنبي وحضنتنيي قالت لي اسراء عايني ريلااااكس على الاخر طيب ارفعي راسك وعايني لي .. انا ما قدرت ككرررت لي الكلام تاني  برضو ما قدرت قامت رفعتو لي وبقيت تعاين لي ممكن نتكلم مع بعض وانتي تنسي اني زوجه ابراهيم واتذكري بس هسه اني ابرار صحبتك 🙂.. انا ساكته بس وبسمع فيها وبعد مسافه قلت ليها ابرار انتي هسه عاوزه شنو يعني 😭💔 .. قالت لي عاوزاكم تتزوجو .. قلت ليها ابرار انا  لما ابراهيم رجع لي وهو كان متزوج وقال عاوز  يتزوجني انا رفضت  عشان ما اوجع قلب مرتو وخصوصا انو كان عندهم طفل ما حبيت ادخل في النص واخرب ليهو بيتو 💔 دا وانا لسه ما كنت عارفه هو متزوج منو لما هسه عرفت انو متزوج صحبتي وانتي كمان ي ابرار 💜  عاوزاني ارضى اتزوجو مستحيل طبعا بعدين كيف انتي قادره تفكري في حاجه زي دي وانتي بتحبيه وعندك كمان منو طفلين ..  قالت لي طفلين ؟؟!  اسراء انتي ما عارفه حاجه ممكن تسمعيني من البدايه للنهايه من غير ما تقاطعيني .. قلت ليها طيب ما ح اقاطعك ..