"كلو لي خير " 💙

الجزء الخامس عشر

حلقه 15
*كلو لي خييير* 💜
بقلمي انا : اسراء حسين

قمت الصباح مع الاذان صليت تاني ما نمتت 😍احمد قال لي برلومه فرحانه بس كلو بطير ليك اسالي مجرب 😂 قلت لي اسكت بليييز ما عاوزه طاقه سلبيه من الصباح دا 😴 .. اول محاضره كانت الساعه 9 لما جات 7 دي انا كنت لابسه وجاهزه قلت ساعتين توصلني الجامعه بي مزااج وامشي افتش قاعتي براي من غير ما اسال زول عشان لا يبرلموني لا بتاع 😅 مشيت لي ماما اشيل منها القروش قالت لي هسه لو كان خليتيني امشي معاك اوصلك كان احسن وبعدها ترجعي براك تاني وتمشي من بكره براك .. قلت ليها لااا كفايه خوفك علي دا المخليني انا زاتي اخاف  عاوزه امشي براي عشان احس بالجد انو دي بدايه جديده وكدا 😍 وبعدين انا مشيت ليها ايام التقديم مع احمد  وعرفت الموصلات وحفظتها ما تخافي علي  .. قالت لي طيب ربنا يوفقك ي بتي ويسترك .. بستها في راسها وطلعت من الاوضه شربت عصير واتصلت لي ابراهيم كلمتو وهو برضو انا مفهمه من امبارح بليل انو عاوزه امشي براي 😅 هو كان خايف علي شديد بس هو كان كمان نفسو يشوفني معتمده على نفسي وقويه وما اخاف من شيء عشان كدا وافق بس كان متابع معاي شديد وكل شويه يتصل بس انا وصلت السوق ومشيت عاوزه اركب الموصلات ال بتوديني الجامعه لقيت الحته فاضيه سألت الراجل قال لي حولوها ودوها الميدان الكبير ومشى خلاني 😴 بقيت اسال نفسي الميدان كبير دا وين وامشي بي وين وخلاص اتوترت 😭 وبقيت اتلفت عشان اسال لي زول تاني لقيت ولد بعاين لي شديد وشكلو ما طمني نهائي خفففتت شديد قلت امشي قدام شويه بعدين اسال لقيتو ماشي وراي 😐 طوالي دموعي نزلت من الخوف الموضوع غريب انا في حته اول مره اجيها براي 😭  وشبه ضايعه في اللحظه ديك ابراهيم اتصل عليا 😭💜 رديت لي وانا بشهق من البكى اتلخع وبقى يسالني في شنو حكيت ليهو الحاصل قال لي امشي خشي اقرب كافتريا ووريني اسمها واستنيني انا ربع ساعه بالكتير ح اكون عندك  وما تبكي حبيبتي خليك  بتقري سوره يس مافي شيء بجيك .. سمعت كلامو ودخلت كافتيريا ووريتو اسمها وقعدت اقراء في سري و واقراء وهديت شويه وأقل من ربع ساعه ابراهيم وصل اول ما شفتو قعدت ااابكي 😭 جى باس رأسي ومسك يدي بقى يفرك لي في باطن يدي ويقول لي .. روقي روقي حصل شنو ما حصل  شيء كنا بنقول شنو  امبارح مش انتي قويه .. قلت لي لا لا انا ما قويه انا ما بعرف اتصرف وغلطانه لاني ما سمعت كلامكم انت وماما وخليتكم تجيبوني 😭 ..  ي الله سرو ما تكبري الموضوع كل الحكايه انو المواصلات لانو مكانها اتحول لخبطتك وكلو لي خير 💜 حبيبي انتي بس هدي والمكان زاتو غريب عليك لأنك ما قاعده تطلعي ووشفتي  تاني كل يوم انا ح اخلي عربيتي في البيت  ح اجيبك بي موصلات وارجعك بي موصلات لما تحسي نفسك براك حتقدري تمشي .. كلامو بالجد هداني شويه رفعت رأسي بقيت اعاين لي .. فك يدي وبقى يمسح دموعي وقال لي يلا وريني وجنتك المدمراني دي لو سمحتي 🤤 .. طوااللي فصلللت 🙈💜 .. قال لي ايواا كدا بس انا عاوزك تكوني 24 ساعه كدا ما تحرميني منها بليز 😉 .. قلت لي بابا خلاص يااا 🙈 .. ضحك وقال لي اموت في البخجل المهم قومي ارح المحاضره حقتك فضل ليها اقل من ساعه .. طلعنا ركبنا العربيه واتحركنا اول ما وصلنا اخد لي مويه وماذا 💜 وكروسون قال لي اول ما المحاضره تخلص اكليهم عارفك حتكوني قاعده متوتره وما حتجيبي اكل 😐 لحد ما المحاضره التانيه تخلص واجي اسوقك نمشي ناكل بعدين ارجعك البيت .. ابتسمت وقلت لي حاضر 😂 .. قال لي اسمعيني خلي بالك من نفسك وحاولي اتعرفي على نااس وبنات بالله لو سمحتي ما اولاد 😐 .. قلت لي واااي حفظت كلامك دااا طبعا هو خايف علي شديد وما عاوزني اكون براي عاوزني  اتعرف على ناس بسرعه  لاني ما بخش في الناس سريع الا اعرف شخصيتهم كويس حتنفع معاي ولا لا عشان كدا لو ملاحظين في المدرسه ما كان عندي صحبات غير اتنين 😴 يعني تقدر تقولو ما اجتماعيه  .. المهم ابراهيم سلم لي ومشى وانا دخلت القاعه وقلت سلام عليكم ال سمعوني ردو غايتو 💜 مشيت قعدت في البينش الرابع لانو كان فاااضي كانو الناس مركزين على البينشات الاولى والاخيره 😴 بقيت اعاين واستكشف في الناس مافي زول دخل رأسي لا بنت لا ولد 😴 ركبت سماعتي وبقيت اسمع اغاني فجاءه جو قعدو جنبي تلات بنات جميلات كدا ابتسمت ليهم وزحيت على جنب وقعدو وما طلعت سماعتي مواصله 😂 شويه والدكتوره جات داخله قالت السلام عليكم اتخيلووو انا عملت شنو 😴😂 اتخيلووو 😂 طلعت سماعتي وقمت على حيلي قلت وعليكم الس... 😀  قبل ما اتمها اتذكرت انو انا اتخطيت المرحله دي وووب علي ي اسراء  دا شنو السويتي دا انتي في جامعه ما مدرسه 😭 المهم نص القاعه بقت تضحك فيني 🙂 احراااج احراج ما طبيعي اتجاوزتهم غايتو وقعدته مع الاحراج داك لا اتلفت يمين لا شمال بعاين للدكتوره لحد ما خلصت المحاضره 😂💜 الدكتوره اول ما طلعت طوالي رجعت ركبت السماعه وبسمع اغاني بعد كم دقيقه كدا اتصل لي ابراهيم 💜 اطمن علي وسألني الحاصل شنو وحكيت لي اي شيء بي قصه السلام هو التاني قعد يضحك لما عقدني 😂 وقال لي طلعي اكلي وبتصل عليك بعد شويه تاني .. قلت لي حاضر قفلته وطلعت اكلي قعدت ااكل من مكاني خالص ما طلعت سااعه كامله انا قاعده 😂 بس بسمع اغاني تاني ابراهيم رجع لي اتكلمت معاهو شويه االدكتور جى فصلت منو وانتبهتتت تركيز شديد  لحد ما خلص وطلع تاني ما عندي محاضره اتصلت لي ابراهيم قال لي قرب  يصل لملمت حجاتي وطلعت وقفت شويه كدا جى 💜 اول ما شافني قال لي سلام عل.... وقعد يضحك حمرت لي قلت لي ابراهيم بطل هبل 😂😒 قال لي طيب طيب سكته اركبي مشينا البيت السوري 😂 ابراهيم قال لي انا كرهتو بي سببككك قلت لي انا مستحيل أكرهوو 🤤💜 .. خلصنا اكل ورجعني البيت دخل سلم لي ناس ماما وطلع بعد طلع استلموني ليك اها احكي كيف اول يوم حكيت ليهم كانو  بضحكو بسس 😂💜 احمد جى داخل من الجامعه غضبان كدا سلم ودخل الاوضه .. مشيت وراهو قلت لي ما عاوز تعرف يعني حصل لي شنو اليله 😒 .. قال لي تعبان شويه اخد راحه  واجيك .. قلت لي احمد مالك في شنو ما على طبيعتك .. قال لي مافي شيء خليتو وطلعت عامل زي سندس وابراهيم والله نفس الطينه لو من الاول ما عاوزين يحكو تاني لو شرحت ليهم نفسك ما بحكو 😒 .. قلت  اتصلت لي سندس  اشوف في شنو لانو هي كمان شالوها طب جامعه الخرطوم يعني مع احمد ومشو الصباح مع بعض يعني مفروض يكونو رجعو مع بعض  اتصلت ليها ردت سلمت عليها واتونست معاها شويه قلت ليها مالو احمد اتشاكلتو قالت لي يعني نقاش عادي .. قلت ليها في شنو .. قالت لي  اضارب مع بتاع الركشه كان بعاين لي بي المرايه وبعمل حركات المهم اخوك أنفعل .. قعدت اضحك قلت لي زاتو كان يقتلو 😂😂 هو احمد ما مالي عينو ولا شنو  عشان كدا اتناقشتو ؟.. قالت لي بطلي سخافه اخوك دا عصبي شديد قرب يقتل الولد ياخي انا خفت منو بقى زي الحمار 😐 .. قلت ليها بخوفك شنو انتي كمان بالعكس عشان يحميك بعدين بغار ي زفته يعمل شنو يعني .. قالت لي عايني ما تحامي انتي لو كنتي شفتي وهو بضربو كنتي حتخافي بعدين ما صح يضربو قدامي انتي عارفه مصطفى كان لو في زول شاغلني بيوصلني حتى برجع بيتصىرف معاهو عشان عارفني بخاف من المشاكل وبتوتر 😐 .. قلت ليها سندس اول شيء ما تغارني ما عشان اخوي بس المغارنه ما كويسه اي زول وتصرفاتو وطبعو وبعدين هو ما عارف انك بتتوتري من المشاكل .. قالت لي امممم خلاص ي اسراء يروق شويه وبتصل لي .. قلت ليها عاقله حبيبتي هو اي غلطان شويه بس اعذري عصب 😪 .. قالت لي لا اصلا ما بعرف ازعل منو بتصل لي بعدين .. قلت ليها طيب اقفلي ساره دي  داخله لي بي مكالمه .. قالت طيب سلام وقفلت .. رديت لي ساره قالت لي سلااام علي.... وقعدت تضحك 😂 .. قلت ليها لا هو بتين لحق يحكي ليك 😒 اصبرو لي انتو ليكم يوم اها وتاني  حكى ليك شنو .. قالت لي كل حاجه وحياتك وما انا براي بي امي واخواني 😂 ..قلت ليها  خلي يصبر لي 😂 .. قالت لي وبعدين عامله فيها معلمه ماشه تروحي انا الحمد لله اختصرت المواضيع دي وقريت في جامعه قريبه ركشه بس توديني ..قلت ليها بالجد حظك صحي كيف يومك .. قالت لي ووووبعليااااااا من المزززز 🤤🤤 .. قلت ليها  شكلك ح تبيعي خالي 😂 .. قالت لي بري والله 🙈 ما امز منو  😂 قلت ليها انا اصلا بسالك من الجامعه والمحاضرات تقولي لي مزز 😂 .. قالت لي والله يوم حلو غايتو واخدنا تلات محاضرات 💜 قلت ليها حلوو اتونسا مسافه وقفلت عشان عاوزه اخد لي نومه 😴 ..  صحيت قبل المغرب لقيت مكالمات من ابراهيم رجعت لي حبينا بعض شويه 💜🙈 المغرب اذن قال لي نقوم نصلي 😴 .. قمت صليت واتغديت وقعدت مع ناس ماما وجى احمد مروق شكلها المزه اتصلت لي 😂💜 قعد يسالني الحصل شنو عملت فيها زعلانه ابيت احكي لي ايمان ما قصرت حكت لي بالتفاصيل الممله قعد يضحك الكريه العشاء اذن قمت صليت وجيت طلعت لبستي بتاعت  بكره وكويتها  اتصل لي ابراهيم اتكلمنا لحد 10 وقال لي ننوم عشان عندنا صحيه بدري 😴 ..