"كلو لي خير " 💙

الجزء الرابع عشر

حلقه 14
*كلو لي خييير*💜
بقلمي انا : اسراء حسين

قالت لي ابراهيم عمل حادث وفي المستشفى 😥 .. انا رأسي بقى تقيييل و قعدت في الكرسي وسكتت مساافه للا قادره ابكي لا  قادره اتكلم حسيت نفسي اتجمدت  بس   استجمعت قوتي  قلت ليها ماما ودوني ليهوووو ودموعي دي بقت تنزل بي كثثثره ماما جات حضنتني عليها وقالت لي سرو روقي هو كويس قومي السبي وحنمشي بس من سمعت حنمشي دي قمت دخلت الغرفه لبست لاكن لبست كيف وشنو ما عارفه 💔 وطول الطريق  ما واعيه ولا مركزه بس بس شغاله اردد ي رب خير ي خير ي  رب خير لحد ما وصلنا المستشفى لقينا منذر قال لينا كويس وفتح عيونو قبل شويه قلت لي يعني هو كان ما واعي قال لي اي من الظهر وكلنا مستنينو وحضرت سيادتو  اول ما فتح قال اسراء طبعا قعدت ابكي 😭😭😭 وقلت لي هو حاصل علي شنو هو كيف انا ما بقدر اشوفو كدا والله امشي انتي ي ماما وأحمد منذر قال لي روقي والله كويس الحمد لله لازم تخشي هو منتظرك انا ما رديت لي بس دموعي تنزل احمد قال ليهو انت سوق امي وامشي انا خمس دقائق وبجيبها  ساقها ومشو وأحمد ساقني قعدني وقال لي اسراء انتي هسه بتبكي كدا مالك 😒 انتي لي ضعيفه كدا !!؟ قلت لي هو قوتي 😭 قال لي طيب ايه رايك انو هو كمان معتبرك قوتو .. قلت لي بس والله ما بقدر اشوفو صايبو مكروه ح انهار واقعد ابكي قدامو .. قال لي طيب جايه من بيتكم لي .. قلت لي احمد ياخ خليني .. قال لي لا لازم تخشي وتشوفي بعدين والله شينه منك وبعدين الولد هسه بالجد بكون محتاجك وبعدين الراجل بحب البنت القويه ال يقدر يتسند عليها م ممكن اقل شيء تنهاري  وتضعغي كدا لازم تكوني قوتو زي ما هو قوتك .. وقفت بكى وكلامو اثر فيني وعاينت ليهو .. قال لي بعدين اختي اقوى من كدا انا ياخ اتذكري انو دا اختبار بسيط من ربنا وكلو لي خير 💜 ..  ابتسمت ليهو لانو كلو لي خير دي بتذكرني ابراهيم قلت لي طيب ارح 😪 .. مشينا  لقيناهم كلهم قاعدين بره قالو الدكتوره ادتو مسكن قال يرتاح  شويه لانو قال مصدع شديد قلت ليهم وينه عليكم  الله خلوني ادخل ما  بفتح خشمي بس اشوفو ساي بتكلم كدا جات ماره قالت لي انتي اسراء قلت ليها ايوا قالت لي تعالي خشي بس حاولي ما تتاخري هو حلفني وقت تجي ادخلك وبقت تتبسم قالت لي مالك  اتاخرتي عليهو كدا  عذبنا 😂 انا ما رديت ليها اصلا كان كل همي بس اشوفو  اول ما دخلت لقيت ليك الرقبه ملبسه واليد مجبصه والرجل ملفوفه بي شاش 😭 وااي انا دا شنو دموعي عاوزه تنزل اتذكرت كلام احمد بلعت ريقي ومشيت عليهو لقيتو بعاين لي المروحه ال في  السقف قلت لي بابا 😥 قال لي بي صوت مبحوح  زعلان بس .. قلت لي اسفه بالجد اسفه وبست راسو وكان اول مره اعمل كدا قلت لي ربنا يرفعك ي رب وفيني ولا فيك ي رب 😭 قال لي تفي من خشممك ي غبيه بعدين والله انا كويس رجلي دي فيهها ظليط بس عشان كدا لافينها لي  ويدي كسر بسيط في الكف حفك الجبص بعد ٦ اسابيع .. قلت لي طيب مالا رقبتك انكسرت😭 .. قعد يضحك وهو ما عندو حيل يضحك قال لي رقبتي لو انكسرت بكون عايش كيف ي غبيه 😂😂 .. قلت لي ياخ ما عارفه 😭 بابا يعني انت كويس .. قال لي كويس حبيبي روقي وما تتجرسي كدا انا بكره بطلععع و بعدين انتي شغاله امتحانات ما تتوتري سامعاني والله ما تجي الاولى اطلقك😐  .. قلت لي هسه الجاب الطلاق شنو  والله اضربك في يدك 😏 .. قال لي شريره وتعمليها .. قعدنا نضحك ونتونس لما جات الدكتوره قالت لينا شنو يعني 😉 بالنسبه للصدااعع قال ليها رااااااح🙈 ضحكت فيهو قالت لي ماشاء الله نفسياتك اتعدلت يلا 😂💜 .. شويه وابراهيم قال لي الا ارجع طردني عديل عشان المدرسه والامتحان وقال لي اسوق ساره معاي عشان نراجع سواء لانو في البيت بدوني وبدون امي حتكون متوتره ما حتقدر تقعد مع التؤام ديل سقتها فعلا .. وتاني يوم كان عندنا امتحان خلصنا ومشيت معاها بيتهم  لانو ابراهيم خرجو كان حالتو احسن من امبارح بكتير قعدت معاهوو لحد العصر جى احمد ساقني  ورجعت البيت استحميت وواكلت لي شيء واكلت الكتاب اكل الامتحان رياضيات وآخر امتحان ومتوتره وبكره ابراهيم ما حيكون معاي بس يلا ما مشكله متزكره كلامو حيكون في رأسي وانا كنت بتصل لي كل شويه من ماما عشان اطمن عليهو لحد ما نمت 💜..