"كلو لي خير " 💙

الجزء السابع عشر

حلقه 17
*كلو لي خييير* 💜
بقلمي انا : اسراء حسين

بعد طلعت اشوف ليك ابراهيم واقف وبيتلفت كدا زي كانو بفتش على زول  عرفتو  بفتشني 💔 اضايقت شديد والله من تصرفو دا .. اللبنات قالو بعد دا نمشي قلت ليهم انتو امشو انا ابراهيم رسل لي رساله قال انو في المول وبعد نخلص اتصل ليهو نرجع مع بعض ..  قالو لي خلاص تمام .. هم مشو كدا و انا مشيت على اتتجاه ابراهيم وهو بيتلفت بيتلفت 😪💔 مشيت وقفت ليهو قدام وشو لما اتخللععع بقيت بس بعاين لي وانا ساكته وهو يعاين لي وما عارف يقول شنو وحسييتو بفتش ليهو في عذر ولا كذبه يقولها صعب علي شديد اول مره اشوفو في الموقف دا 💔😭 دموعي بقت تنزل وانا بحاول اتحكم فيها بس والله ما قدرت 😭😭💔 ..  ابراهيم قال لي لا لا  اسراء عليك الله دموعك لا .. قلت لي جيت لي ؟😭 .. قال لي طيب ممكن نمشي نتكلم في العربيه احسن .. قلت لي ما راكبه اي زفت عربيه وريني جيت لي ابراهيم انت جنييت؟ انت بقيت تشك فيني لي درجه تراقبني ؟!😭 .. قال لي بس انا م مم مراقبك اا ان انا قلقت عليك لانك قافله تتتتلفونك ع عع ععشان كدا جيت .. قلت لي ما بتعرف تكضب ياخ اسكت ي ابراهيم م ملاحظ انك بتمتم 💔😭  .. قال لي انا ما قاعد اكضب وشو بقى كدا 😠و فجاءه مسك يدي بي قوه وبقى ماشي وجاريني انا طبعا من الخلعه  الدخلت فيها وقفت بكى وبقيت مصدومه في الحركه وبقيت اقول لي انت موديني وين وعاوزه اصرخ بس خفت الناس يلمو فيهو ويضربو 😭💔 كان ماسكني بي قوووه لما يدي وجعتني ما فكاها الا لما حصلنا العربيه وفتح لي  الباب عشان اركب 💔😭 ركبت وقعدت زي الجماد مصدومه وخايفه خفت منو 😭 ركب وأمن العربيه وبقى سائق بي أقصى سرررعه لما فجاءه وقفهااا .. قال لي قلتي معاك صحباتك لي انا شفتك براك !؟😠 .. انا في اللحظه ديك الرد غلبني بقيت بعاين لي بي حيييره وزعل وخوف وما قدرت ارد بس ماسكه يدي و ببكي .. قال لي ياخي ما تتباكي ليااا انا سالتك سؤال ردي كانو معاكم الاولاد صح وبكري اكيد في صحح  وم بتردي وقفلتي تلفونك  عشان ما ازعجكم صح عشان ما اعرف  ؟؟ .. قلت لي انت ابراهيم متاكد ؟؟  لا لا ياخ مستحيل تكون ابراهيم والله ما عارفه اقول ليك شنو بس ما تعمل كدا انا ما عاوزه اكرهك 😭💔 انت كنت حتكسر لي يدي هسه انت جنيت والله جنيت .. قال لي  تكرهيني ليه تكرهيني عشان بغير عليك 😠 انتي بس عاوزه سبب صح؟؟ .. قلت لي تلات سنين انا بحترم غيرتك واي شيء بضايقك بمنع نفسي منو 😭  بس يشهد ربي دي ما غيره دا شككك دا جنن .. قال لي اي ي اسراء انا مجنون اي جنيت ما عاوز زول يكلمك ما عاوز زول يشوفك ولا يعاين ليك ولا اي شيء بغير ياخ ما قادر والله بضايق اعمل شنو انا زاتي ما عارف بتصرف كدا ليه بس والله من غير ما احس اننتي فاهماني حاسه بي انتي ي اسراء .. واشوف ليك دموعو دي تننزززل 💔💔 انا اول مره اشوف دموعو معقوله هو بغير لي االدرجه دي نسيت اي شيء عملو ووقفت بكى انا ومسحت دموعي ومسكت يدو ال كان بضرب بيها رجلو وهو بتكلم ومسكتها بين ايديني الاتنين وضغطت عليها .. وبقيت اقول لي روووق روووق انا حاسه بيك ابراهيم انا حقتك براك  والله حقتك براك انا اسفه خلاص ما حكلمهم تاني لا بكري لا غيرو ولا واحد تاني في الشله 😭 بس لو بتحبني ما توريني دموعك دي تاني عليك الله .. فك يدو مني ومسح دموعو وقال لي  ي اسراء انا واثق فيك بس ما واثق فيهم  بتوجع لما اتخيل انو في واحد فيهم ممكن يفكر فيك بي طريقه غير انك صحبتووو بموت عديل انا ما متعود زول يشاركني فيييك ولا متعود تطلعي مع زول غيري وغير ناس البيت اي مفروض اتاقلم مع الوضع الجديد بس ما قادر ما قادر 💔💔 .. قلت لي بس بالجد انا كنت مع البنات ي ابراهيم وأسفه بالجد لاني قفلت التلفون بس انت كنت بتتصل كتير واتصالك واضح انو ما خوف علي انت خايف من شيء وحتى البنات انزعجو  واحرجتني معاهم  و انا اضايقت وقفلت التلفون وخشيت السينما اول ما  طلعت شفتك قدامي .. قال لي احرجتك ؟؟ اسراء انا بقيت بالنسبه ليك احراج خلاص بس تمام ي اسراء كلو لي خييير 💜 .. قلت لي ي الله ي ابراهيم ياخ ما تبقى ممل ما تمسك لي في ال حاجه الكعبه من كلامي  .. قال لي بي خلعه كدا اسراء انتي ملاحظه لي كلامك ممل واحراج وبتتكلمي معاي بنبره صوت عاليه .. قلت لي ياخ اي ملاحظه لي اي شيء انت ال وصلتني لي كداااا  ما ممكن التصرفات دي انا اعمل شنو وريني اخلي الجامعه ؟ ومن دون الاولاد ال في الشله خاتي بكري في راسك مع اني تعاملي معاهم كلهم واحد مافي شيء انت قلتو لي وانا ما سمعتو عاوز تجنني انت صح ؟ قلت طلعه معاهم لا قلت ما مشكله  خليت الطلعه عشان اطلع مع البنات بعد تحانيس حتى وافقت وبعد دا كلو لاحقني وكمان شويه وحتضىربني وتقول لي ما عاوز اكبت حريتك ما عاوز اكبت حريتك ابشششرك انت كدا ساجني عدييييل ..  وبعدها سكتت مسافه قال لي اسراء خلصتي قلت لي ما خلصت وبالمناسبة عاوزه اقول ليك حاجه انا عرفتك عاوز تتزوجني ليه عشان تحبسني في البيت 😠 واحتمال عادي ما تخليني اقرراء جامعه عشان كدا انا ما عاوزه اتزووووجك ي ابراااهيم ما عاوزاااااك انا زهههجتتت منكك .. قال لي اسراء انتي هبله صح هههه ما حرد على كلامك دا كلو ولا ح اسالك لأنك معصبه ح ارجعك البيت واخليك تهدي ونتكلم بليل  ..  قلت لي عاااين ما عاوزه اتكلم معاك خاالص  وما عاوزاك قلت ليك علاقه بقت تاخد مني مجهود اكتر ما اكون مبسوطه فيها بلاش منها .. قال لي عاوزه تسيبيني ؟؟! لي لحظه نسيتي كل الحاجات ال حلوه وحتسيبيني .. قلت لي اهاااا عاوز تزكر لي جمايلك ال عملتها عشاني خلاااص كتر خيرك وبااارك الله فييييك وربنا يختها في ميزان حسناتك .. قال لي انتي قلتي انا جنيت بس انتي اتحولتي ههههه اتغيرتي ي اسراء بالجد اتغيرتي دا شنو الكلام ال بتقولي فيهو دااا انتي واعيه .. قلت لي اسمعني مش قبل كدا قلت لي ما حخليك الا تقولي ما عاوزاني .. عاين لي بي خلعه كدا وقال لي بس انتي قلتي لي حته لو قلت ليك كدا ما تخليني .. قلت لي ياخ انااا غلطاااانه كنت بس اسمعني انا مااا عاااوزااااك فاهم يعني شنو ما عاوزاك وعليك الله نزلني .. قال لي  اسراء دا شنو ياخ ما تعملي كدا خلاص انا اسف ما حيحصل شيء تاني والله اسف .. عاينت لي كدا وقلت لي اسمعني افتح التأمين خليني اننزل عاوزه امشي براي انا .. قال لي لا لا خلاص حسكت خالص انا وح اوصلك ونتكلم  وقت تروقي وان شاء خييير💜  ودور العربيه وبقى سائق .. عاوزه اقول لي ما ح اروق وما عاوزه اتكلم معاك بس سكت وانا من الغضب بطني قبضتني وبقيت اهز في رجلي ومخلوعه انو انا كيف قدرت اقول كلام قدر دا وكيف ما بكيت  بس بالجد وصلت حدي يعني كونو تكون بتحب زول وبتنفذ ال بقولو ليك  بالححرررف وما شايف نفسك بتعمل في شيء غلط عشان يتصرف معاك كدا وفجاءه  يتغير توووتلي ويبقى زي المجنون قدامك لي درجه انت تبقى ما عارف تفسر الموضوع دا كييف اصلا معقوله دا حب ولا غيره ولا شك ولا دا شنو دا .. قعدت افكر واهز رجلي لحد ما وصلني البيت ونزلت ورزعت الباب حق العربيه وخشيت جووه .. جدعت التلفون وخشيت استحميت وجيت نمت .. ما حسيت نفسي زعلانه ولا عاوزه ابكي بس كل العارفه اني غضبانه شدييييييد وما عاوزه اكمل مع البني ادم دا ولا اسمع سيرتوو 😠 ..