"كلو لي خير " 💙

الجزء العاشر

حلقه 10
*كلوو لي خييير* 💜
بقلمي انا : اسراء حسين

قال لي ي حللللم 💜 .. طبعا كالعاده سكتتت 😭 .. قال لي سرو  مشتاق ليك شديد ما تسكتي ياخ .. قلت لي هسه لو كان دي ماما الفتحت الخطط .. قال لي وماما  مشتاقه لي لدرجه ترد من الجرس الاول ولا شنو😉 .. قلت لي بكررررهككك بكرهك ما مشتاقه ليك 😭 لي عملت كدا ما شفت حالتي كانت كيف ي ابراهيم💔 .. قال لي حبيبي انا كنت تعبان اكتر منك بس لو ما عملت كدا ما كان حصل الحصل امبارح دا ومش قلت ليك كلوو لي خييير💜  وهسه انسى الحصل واعرفي اني تاني ما حسيبك تحت اي ظرف نهائي ما ح اسيبك الا لو انتي ال قلتي لي ما عاوزاك خلاص  .. قلت لي انت اهبل انا مستحيل اقول ليك كدا ولو قلت ليك سيبني  ما تسيبني ي ابراهيم انا بحبك ياااخ 😭 .. قال لي عاااارف😉 .. قلت لي غيااااظ 😂 .. قال لي ايوا كدا ياخ اضحكي شويه ما ممكن كدا تشوفيني تبكي تتكلمي معاي تبكي شنو هو انا بحسسك بالاكتئاب ولا حاجه وشي نحس ولا حاجه 🤨 .. قعدت اضحك من جوه قلبي ولله و حاسه نفسي طااائره من الفرحه 💜 قلت لي بس انا كدا دموعي دي بتنزل  لما انبسط لما  ازعل لما اتوتر .. قال لي دلاله على طيبه قلبك حبيبي بس انا عاوزك قووويه انا دموعك دي نقطه ضعفي ما تضعفيني خليك قوتي 😪💜.. قلت لي لا لا انت ال قوتي والله 😥 .. قال لي لا ااانتي انتي🤫 .. قلت لي لا انت انت 😠 .. قعدنا نتاهبل انتي انت لما نسينا اصلا بنتناقش في شنو  😂😂 .. قال لي اصلك شافعه  ولازم كلمتك تكون الاخيره ولا حتتهابلي لي كتير خلاص انا ي سرو انطمي 🤫😒 واحكي لي اي شيء حصل من سبتك لي هسه  بالتفاصيل .. قلت لي مافي شيء غير اني كنت بنوم وببكي وبصلي وبدعي وبتزكرك وبسرح ومرات باكل كنت حاسه يومي بتككر 💔  بس الحاجه الوحيده ال عمري ما انساها اني رجعت احب يوم ميلادي واتفاءل بي بعد ما كنت بتشام منو وبالجد بحس ربنا بعوضني بيك عن ابوي ابراهيم ممكن اقول ليك بابا ؟؟ .. سكت مسافه قال لي بس الكلمه دي كبيره علي وانا ما قدرها ومافي زول بقدر يعمل البعملو ال بابا بس بالجد على قدر ما اقدر انا ببسطك .. قلت بالجد مافي زول بقدر يعوض الحاجه دي بس انا مشتاقه اقول الكلمه دي عاوزه احس انو عندي اب 💜 .. قال لي قولي ي اسراء مدام بتبسط قولي لي اي شيء ببسطك 💜 .. اليوم دا بالجد كان راحه راحه عجيبه كنت مبسوطه شديد قعدنا نتلكلم ساعتين ولسه بنتكلم مع انو كان في الشغل وكل شويه بنادو بس بالجد كنت مبسوطه قفلنا واتفقنا انو حيتصل لي بكره برضو وانو كل يوم حنتكلم مره واحده عشان دا ما تلفوني وما حلوه كل شويه يتصل لي ماما وكدا 💜 ما كنت زعلانه المهم حسمع صوتو واطمن علي 💜 قفلت الخط وطلعت بره الغرفه لقيت  خالتو اعتماد في وشيء قالت لي ما ممكن لاكن  دا كلو بتقولو في شنووووووو😉😂 .. قلت ليها خالتو جريت حضنتها وقلت ليها زعلانه منك لي ما جيتي امبارح 😪 .. قالت لي لو بتسالي مني كان عرفتي اني عيانه 😒 ..  قلت لي بالجد 😲 والله ما عارفه سلامتك حبيبتي .. قالت لي الله يسلمك زكام تقيل كدا  وكان عامل لي حمه كرهني  حياتي بس اليله احسن ومبروك سرويتي بسطني الحصل وابراهيم ما فيهو ولا كلمه 💜 .. قلت لي الله يبارك فيك بي خجله كدا 😂💜 .. مسكتني من اضاني  وقالت لي لو الموضوع دا اثر في دراستك بقتلك .. قلت ليها لا لا وعد ما بياثر بس انتي فكيني 😂💔 .. قالت لي اممم طيب عندي ليك خبر حلووو اوراقنا انا وعصام حقت السفر طللعت 😍 .. طبعا الخبر نهايي ما حلووو😭 عارفين تعلقي بي خالو كيف 😪 بلعت ريقي وابتسمت ليها ابتسامه صناعيه وقلت ليها مبروك تمشي بالسلامه وربنا يوفقكم 💜 ..