"كلو لي خير " 💙

الجزء الخامس

حلقه 5
*كلو لي خييير*💜
بقلمي انا : اسراء حسين

.. انت عندك عربيه بتركنها عشان تمشي وراي بي رجولك ..!!

٠٠٠ هو انتي انا ماشي بي رجولي رضيتي تكلميني بعد خراج روح لما اجيك بالعربيه !!؟🐸

.. اممممم 😑 اها خير الجابك شنو مش قلت ما حتتبعني تاني ؟!😒💔

٠٠٠ انا عاووز اطمن عليك ما تتخيلي مقلق عليك قدر شنو ي اسراء 💔😪

.. انا كويسه الحمد لله ما فيني شيء وما قصرت معاي🙂💛

٠٠٠ الحمد لله طيب جاهزه لي الامتحان؟

.. ايوا الحمد لله

٠٠٠ الحممد لله .. اسراء ممكن اخد رقمك 😪💔

.. ما معاي تلفون انا

٠٠٠ طيب اكتب ليك رقمي انا

.. لا ما عاوزاهو وح اعمل بيهو شنو😒

٠٠٠ عاوز وسيله تواصل بيني بينك على الاقل تطمني عليك عشان ما اقيف ليك في الشارع واضايقك💔😪

.. امممم

٠٠٠ طيب عايني هاتي الدفتر دا وانا حسجل ليك رقمي ووقت ما حسيتي انك عاوزه تتصلي لي اتصلي أن شاء الله لو بعد سنه تلقيني منتظرك ولو ما عاوزه انا مستحيل اجبرك على حاجه ما عاوزاها😪💔

.. بشيل الرقم بس بشرط ما تتبعني تاني ؟!😒

٠٠٠ غالي والطلب رخيص 😍💗

٠٠٠

سجل الرقم ومشى وهو جواهو عارف ومتأكد انو ح اتصل لي في يوم من الايام .. وانا كنت مبسوطه شديد وفي نفس الوقت خايفه وشايفاها مخاطره عديل 😪💔شايفه نفسي صغيره على اني اكلم ولد 💔 وإحساس الخوف ال بجيك لما تكون بتعمل حاجه لي اول مره احاسيس ملخبطه جدا جدا 💗😣..

٠٠٠

خلصت امتحاناتي كلهاا في اسبوعين انا ابراهيم ما شفتو 😭💔 وانا كل يوم تفكيري فيهو يكتر 💔 😪 وصراع مع نفسي عشان اقراء وما افكر فيهو كل يوم وحتى بقيت اتعمد امشي بشارع بيتهم احتمال الاقي 💔 كل يوم اقول اتصل بس بمنع نفسي اخر شيء قررت انو بعد اخلص امتحان لو ما شفتو ح اتصل 😪💔 انا من كترت بعاين لي الرقم حفظتو 🙂 مشيت غرفه حبوبه الله يرحمها وانا عارفه انو تلفونها في الدولاب طلعتو وكلمت خالتو انو حخلي التلفون معاي محتاجه في المنبه والإله الحاسبه اصلا قبل ما حبوبه تموت كنت بشيلو للأسباب دي 😴 جريت على غرفتي وقفلتها😥 وكتبت الرقم واتصلت دخل جرس وانا حاسه قلبي حيطلع من مكانو من الخوف 😭💔 الخط فتح وعدت ١٧ ثانيه وهو بقول الو الو وانا اتبكممت ما قادره ارد😭💔 قفلت الخط بعدها ثانيتين ورجع لي رديت ..قال لي اسراء ؟! ..قلت لي وعرفت كيف .. قال لي ما حرام عليك اسبوعين انا مستني ما اشتقتي لي !؟.. انا من غير ما احس قلت لي اشتقت ليك شديد 💔😭.. طبعا هو اتخلع وسكت مسافه اظنو بحاول يستوعب في ردي 😂 قال لي انا كنت بموت في الدقيقه الف مره عشان اقدر امسك نفسي وما استناك في الشارع كنت حموت عليك واخر شيء بقيت اطلع في سطوح بيتنا واعاين ليك بي فوق 😪.. قلت لي انت اصلا بتعمل كدا ليه يعني عاوز مني شنو .. قال لي سرو مالك هسه ما كنا كويسين 🙁 .. قلت ليهو لا مافي شيء بس بسال بجد والله وما تقول لي خير 😒.. اول حاجه كل شيء بحصل لي خير وانا بحبك وعاوزك وبس عاوز موافقتك واول ما توافقي انا حكلم عصام .. انا اول ما سمعت كلمه بحبك منو اتجمدت والله 😭 احساس غريب اول مره اسمع الكلمه دي كان عندها تأثير قوي شديد علي ضربات قلبي زادت وبطني اتلوت وكنت حاسه اني انا كمان عاوزه اقول لي انا كمان بحبك بس ما كنت عارفه الحب دا كيف معناهو شنو 😪💔ياها الاحاسيس ال انا حاسه بيها دي ولا شنو هو ما عارفه شيء رأسي جاااط ومفاصلي ساحت وما عرفت ارد قفلت الخط وقفلت التلفون ورجعتو وجيت بتقلب في السرير مسااافه طويله جدا حتى قدرت اغمض عيني وانوم 😴 صحيت الصباح ظبطت اموري ومشيت على المدرسه لقيت البنات قاعدين من غير ما احس حضنت ابرار وقعدت ابكي😭💔 اتخلعت وبقت تسالني في شنو وحكيت ليهم من قبل البكى حصل شنو مع ابراهيم لحد ما قفلت ال تلفون ورجعتو 😴ابرار قالت لي دخلتي نفسك في حتات زي دي وانتي عارفاها بتأثر في قرايتك 😒.. قلت ليها قسما بالله الموضوع خارج ارادتي ي ابرار ما قادره اطرد الاحاسايس دي من رأسي 😭💔.. سندس قالت لي وتطرديها ليه قالت لي اسراء انتي بتحبيهو وبتحبي شديد كمان وبعدين هو ولد حلال واول ما اعترف ليك قال ليك عاوز يتزوجك ..قلت ليها سندس عرس شنو أنا عمري ١٤😭 اي هو صح مجرد أرقام بس انا م حاسه نفسي قدر المسؤليه دي انا حتى علاقه حب حاسه نفسي ما قدرها😭 .. ابرار قالت لي بالظبط ما قدرها عشان كدا شيلي الموضوع دا من راسك وركزي في قرايتك ي اسراء 💔😒 وبعدين انتي بتصدقي اي زول شوفي فرق العمر بينك وبينوو ي بنت ديل من نوع الاولاد ال بستغلو البنات الصغار وهو لو عاوز يتزوج ما يدق الباب طوالي سسسكسكك كدا 😒.. سندس سكتتها وقالت ليها ي ابرار حرام عليك كميه الطاقه السلبيه ال اديتيها للبنت😑 هي براها جايطه براحه ياخ والله الموضوع ما مستاهل دا كلو ي سرويتي حاضر ما تسمعي كلامي ولا كلام ابرار اسمعي كلام قلبك بسس .. انا في الوقت داك بالجد كلام ابرار اثر فيني شديد وخوفني وملانني من ابراهيم شدييييييد وقلت ليهم خلاص ما عاوزه انسو أنا حطرد الاحساس دا 😭 اصلا هو بالجد عاوز بي شنو أنا بي اعتباري شافعه جنبو😭 خلاص انسو وقمت منهم مشيت الحمام وغسلت وشيء وحاولت اكون عاديه لحد ما اليوم خلص 😴💔..