"كلو لي خير " 💙

الجزء التامن

حلقه 8
*كلو لي خيير* 💜
بقلمي انا : اسراء حسين

كنت مبسوطه لاني خلاص حستقر في بيتناا 💗 وزعلانه على ابراهيم ال ما حشوفو يوميا  💔😭  وزعلانه برضو على خالتو اعتماد وخالو عصام لانو البيت بقى ليهم فاضي شديد 💔 امي كان قررت نقعد معاهم هناك بس عمامي وحبوبه اعترضو وقالو انو عاوزين اولاد اخوهم يكونو قدام عينهم وأنو لو عاوزه تمشي تمشي براها وتخلينا وماما طبعا لانها ما عاوزه مشاكل وجوطه سكتت ونست الفكره  بس اصلا خالو عصام قرر انو هو وخالتو اعتماد عاوزين يسافرو امريكا يعملو الماستر هناك ويقعدو خمسه سنين عشان ياخدو الجواز ويرجعو 💔 وهو بيعمل في الترتيبات دي ...  اسبوع كامل  وانا ما سمعت صوت ابراهيم 😭💔  حاولت اشيل تلفون ماما بي حجه عاوزه اكلم صحباتي بس هي بتكون قاعده وقتها ولو مشيت الاوضه اخواتي ما قادره اتكلم معاهو 😭💔 ..

                          ٠٠٠
جى يوم النتيجه وخالو عصام جى عشان يوديني انا وماما كان في تكريم  الاحتفال خلص وبدا التوزيع حق فصلنا سنه اولى والمديره بدت تذيع ولما فجاءت قالت الاول مشترك وقالت اسراء حسين 😭😭😭💜💜💜 طبعا انا من الفرحه الاسم التاني ما سمعتو ال هو اسم ابرار💗 اتخيلوووو معاي ي جماعه 😭😭كميه الانبساط ال انا فيهو ما وقفت بكى لحد ما طلعت المسرح وجيت وامي مبسوطه وخالو وسندس جات التالته كان انجاز واول مره 💜 فرحت ليها شديد وخالت ابرار جات استلمت نتيجتها مشينا سلمنا ليها واتصلت لي ابرار كلمناها وقعدنا نبكي خالو عصام قال لينا وأقسم انتو شوم وعارض😂💔.. رجعنا وانا عاوزه اكلم ابراااهيم يااخ 😭😭 عاوزه اشاركو  فرحتي فجاءه جى في  رأسي ريان بنت عمي في اولى  هي صحبتي وظريفه وبيتهم لصقنا😍 حتى في  شباك في اوضتها بفتح  في الهول حقنا لاكن ما قاعده تفتحو نهاي🐸💔 بس قمت  مشيت ليها واتونسنا كدا وكلمتها بي اي شيء وادتني التلفون اتصلت لي واول ما قلت الو عرفني 😢 كان زعلان شديد قعدت نص ساعه احنس فيهو ما عارفه انو نقطه ضعفو في كلمه بحبك 😂💗 اول ما قلت لي بحبك فصل وقال لي انا بس مشتاق ليك 😭💔 واتكلمنا  كتير ووريتو اني جيت الاولى وكان  مبسوط شديد ياخ 🙈  قفلت منو وقلت لي ريان يلا انا بمشي بعد دا ماما بتكون عاوزاني اساعدها قالت لي .. ظابط وبالمناسبة لاني عندي امتحانات بنوم بدري زي الساعه ٩ كدا انا بخت ليك التلفون في  الشباك وبلزو لما ناس بيتكم يبنومو تعالي شيلي 😉 بس ما تنسي رجعي في مكانو عشان لما اصحى اشيلو قلت ليها ياخ انا بحبك للابد ي ريري 😍 قالت لي يلاا ي بنت من هنا بطلي بكشش😂💔 ..  بقيت كل يوم بليل بتكلم معاهووو 😍  وهو كان بزن لي كتير في موضوع اكلم اهلك وانا بقول لي لا انا اهلي مستحيل يعرسو لي هسه  ي إبراهيم بقو يقول لي خلاص تجي نتقدم ساي برضو يقول لي لا ومرات من الخوف لما ببكي  كنت حاسه أنهم حيدقوني ويقولو لي بتعرفي من وين وكلام زي دا طبعا على حسب عقلي في الوقت داك😭خصوصا انو ولي امري وقتها عمي الكبير وانا دا بخاف منو مووت  وهو كان مقدر ظروفي وبقى يقول لي خلاص اكلم عصام بس لانو صحبي وحاسي نفسي بطعنوو قلت لي طيب شويه كدا ما هسه ي إبراهيم بليز  💔😭 برضو مشاها لي مع انو بنتاقش كتير بي سبب الكلام دا بس برجع بصالحني لانو ما بقدر 😍  واستمرينا تلفونات  في تلفونات شهر عدا وهو لا شافني لا شفتوو 😭💔 يوم  قال لي بي إمكاني  اخليك تكضبي وتقولي ماشه لي صحباتك 💔 بس لا ما حعمل كدا ولو كنت هسه  خليتيني وريت عصام ولا اي زول من أهلك كان ممكن استاذنو واطلعك بس انتي راسك قوي واتناقشنا كتير ووصلنا لي  موافقه مني انو يكلم خالو عصام 😁 قفل مني وهو حيطير من الفرحه وقال لي انو حييمشي لي بكره بعد المغرب ولما اتصل علي بليل حيفهمني ال حصل كلو  وقفلنا على كدا ورجعت التلفون مكانو ونمتت😴 .. صحيت ومستنيه اليل يجي بفارق الصبر عشان اعرف الحصل شنو .. الساعه 10  بليل   كان اي زول دخل غرفتو عشان ينوم  أما اخواتي  اصلا بنومو من بعد العشاء اتسحبت وشلت التلفون ودخلت الغرفه واتصلت لي اول ما رد و قال لي الووو انا قلبي اتشلعع وعرفت انو في شيء ما تمام لانو دائما اول ما يفتح الخط بقول لي الو ي حلم 💗 يلا الليله ما قالها وصوتو  متغير 😢💔 قلت لي ابراهيم مالك 💔😢 طوالي انفصم وبي صوت عالي مااا عااارف بس نتحمل نتيجه غلطناا اول ما كلمت عصام بي كل الحصل من اول ما شفتك لحد مكالمه امبارح انفعل فيني وقال لي جاي اكلمو بعد شنو هو اي انا غلطان لاني ما كلمتو اول ما عرفتك بنت اختو بس والله كنت خايف اعمل الخطوه دي وانتي كنتي بتكرهيني تقومي ترفضيني قبل ما تعرفي عني حاجه ف قمت قلت اتقرب ليك اول واخليك تحبيني وطوالي اكلمو بس انتي رفضتي ي اسراء وهسه عصام زعلان شديد وقال لي ما اكلمك تاني خالص لحد ما هو يعرف حيعمل شنو مع أهلك أن شاء الله لو بعد تلاته سنين المهم ما اكلمك خالص وأنو انا لو عاوزك بالجد استحمل وقال لي انو انتي صغيره وكلااام كتييير وأنو لو حصل كدا لي ساره ح اعمل شنو ياخ ما عارف بس المهم خلي بالك من نفسك لحد ما ربنا يقدم ال فيهو ال خير وتكوني حلالي لو بينا لي خطوه رسميه وقفل الخط على كداااااا💔 انا اتجمدت ودموعي بقت سييل  وبتصل لي ما برد رسلت لي رساله وقلت لي ابراهيم ما تخليني اتكلم معاي هو ما حيعرف بس عليك الله ما تخليني انا ما حقدر اكون طبيعيه انا اتتعود عليك   شديد رد لي بعد مده قال لي انا قبل كدا قلت ليك بخاف الله فيك وعشان ربنا يسهل لينا خلينا ماشين صحح ي اسراء قريت رسالتو وزدت البكى ودخلت في دنيا تانيه خالص واليل كلوو ما نمته لي الصباح صاحيه وحاسه بي اي حركه وكان يوم الجمعه حتى التلفون ما رجعتو  بس متغطيه ودموعي نازله ما عاوزه اتكلم مع زول 💔😭 قايليني نايمه لحد ما جات ريان فتحت الباب وقفلت المكيف والمروحه  وجرت البطانيه وانا غمضت شديد وهي قايلاني نايمه بقت تقول لي قوم ي جميل شنو يعني ساهرتي قدر شنو لما نايمه لي الساعه 1 فتحت عيوني عاينت ليها وبقيت ابكي ابكي وبي صوت ما قادره امسك نفسي قامت جري قفلت الباب وفتحت المروحه والتكيف عشان صوتي ما يطلع بره 😪 وحضنتني وخلتنني اكمل بكى وجابت لي مويه شربت وقالت لي يلا بعد دا احكي لي  في شنو حكيت ليها اي شيء حصل وبقت تواسيني وقالت لي يلا ما تشيلي هم ياخ ما بقدر يببعد منك هسه بعدين بتصل قلت ليها انتي ما بتعرفي ابراهيم والله ما حيتصل😭💔  قالت لي خلاص قولي بسم الله وقومي  استحمي وافطري وتعالي صلي الظهر بكون اذن واقري قراءن ونومي واي شيء لو ما فيهو خير ربنا ما بعملو قلت ليها أن شاء الله وسمعت الكلام وقمت استحميت وصليت وقريت قراءن  💜ارتحت شويه ووقفت بكى بس كنت مصدعه شديد ما قدرت اكل شرب شاي احمر تقيل ونمتت صحيت بعد العشاء زعلانه زععللل لاني نمت قدر دا وفوت صلاتي واتذكرت لما ابراهيم مره بطل يكلمني عشان الصلاه مشيت قلت لي ماما تاني عليك الله ما تخليني انوم قدر دا لو ابيت اصحى كبي فيني مويه 😪💔 ومشيت صليت صلواتي كلها وجيت  قعدت معاهم في التلفزيون زي الصنم 😪 هم  بحضرو  وبضحكو  وانا سرحانه وبعد شويه نعسو ومشو نامو وانا قاعده في التلفزيون بس ولا عارفه اصلا الشغال شنو فجاءه ريان فتحت الشباك وعاوزه تخت لي التلفون جيت قلت ليها لا لا ما اختي لي ما حيرد لي اصلا .. قالت  لي حاولي ي عبيطه .. قلت ليها ابراهيم وبعرفو مش اتخذ قرار 💔😪 تاني بدوس على قلبو زي الحجر عادي صدقيني .. قالت لي عنيد زيك 😪😪 قلت ليها انا معاها بطلت عناده عشان ما لما يكون في حبل وانا أشد وانتي تشدي بنقطع عشان كدا انا بخيت من زمان ي ريان😭😭 .. قالت لي خلاص روقي واقفلي وامشي اوضتك حاولي نومي بلييز .. قلت ليها حاضر .. مشيت فعلا بس نوم وين البجيني بتين انا بنوم بليل وعندي شيء شاغلني 😭 اليومين الاوائل كنت بنوم بالنهار احسسن لحد ماجى يوم ال جمعه وخالو عصام وخالتو اعتماد جونا وانا لاني خجلانه وخايفه من نظره خالو عصام ما طلعت من اوضتي بس خالتو اعتماد جات لحد عندي وسلمت لي وشاكلتني قالت لي البيت كلو يشكي من عدم اكلك ونومك الكتير وقعادك براك مالك ي عبيطه .. قلت ليها لا مافي شيء ي خالتو مرهقه وتعبانه ومافي موضوع وزهجانه شويه ومشتاقه ليكم وحضنتها  قالت لي خلاص الاسبوع الجاي جهزي حجاتك وتمشي تقعدي معانا كم يوم قلت ليها انشاء الله وطلعت 💔😪 بقيت اقول شويه وخالو يجيني شويه ويجيني لحد ما طلعوا مشو بيتهم خالو ما جاني 😭💔 قلت لانو زعلان وبقيت ابكي ودخلت في نفسيات اكتر وانا الله خلقني كدا حساسه شديد وأقل شيء دموعي ينزلو واكلي كعب و مع هم خالو عصام وابراهيم اكل بقيت ما باكل خالص ماما دي غلبها التعملو معاي مستشفى ما عاوزه امشي  عصير بعد تحانيس اتصلت لي سندس عشان تجي تطلعني من الحاله دي جاتني يوم الخميس مع العصر كدا قعدت معاي كداااااا وحكيت ليها اي شيء وواستني شويه وصبرتني واكلت معاي عشان اكل وكدا فعلا اكلت عيشه وشربت كبايت  عصير كامله وطلعتني بالجد من الجو دا شويه وقعدت تديني محاضره  في اني لازم اكون قويه شويه لانو كدا ما صح بعد المغرب طلعت مشت خلتني براي💜😪 وانا خلاص تاني بقيت قاعده براي لي التفكير ماما جات لفتني سرحانه قالت لي يخسي عليكي احنا ما عاجبنك يعني نلم ليكي ملابسك وتمشي تقعدي مع سندس ولا كيف 😒بي طريقه كدا مضحكه وهي خاته يدها نصها ابستمت ليها من جوه والله 💗 جات قعدت جنبي واتونست معاي شويه وضحكتني الله يخليها لي (طبعا هي كانت شايله لي هم شديد لانو دا نهايه شهر تلاته وانا اتولدت يوم  5/4 كان عاملين لي عيد ميلادي كنت حعمل 11 سنه وكان في سكريات كتيره وبابا ما بقدر يقاوم حجات زي دي وكنا حتى احنا مانعنها في البيت عشان عارفنوو ضعيف قدام الحجات دي ويوم عيد ميلادي لما يمد يدو على حاجه واشاكلو يقول لي يعني ما عاوزاني اكل حجات عيد ميلادك خلاص زعلان وماف هديه 😒 كان مرح شديد ويعمل فيها زعلان وكدا كنت بضحك وبخلي واخد راحتو اليوم داك 😭💔 بس بليل تعب شديد وودو المستشفى وقعد فيها لحد يوم 7 واتوفى وانا من اليوم داك شومت الشهر وعيد ميلادي وبقيت ما بعملو ولا بحب زول يعايدني فيهو) .. ف كانت ماما متوقعه دا السبب وكانت خايفه علي شديد وفعلا كان برضو سبب مع موضوع ابراهيم وزعل خالو مني 💔 ..شويتين  كدا العشاء اذن صليت وقلت انوم ما قدرت اتذكرت لما ابراهيم بقول لي لما ما تقدري تنومي ارقدي على الجنبه اليمين واقعدي اقرب قراءن 💜 لحد ما تحسي نفسك بقيتي تلخبطي في الآيات اسكتي بعدها حتنووومي عملت كدا وفعلا نمت بي ارتياااح💜

يتبع .. 🖤