"كلو لي خير " 💙

الجزء التاسع عشر

حلقه 19
*كلو لي خييير* 💜
بقلمي انا : اسراء حسين

ماا عارف اقول ليك شنو أنا استنيتك لي اتاخرتي كدااا💔ما قدرت اتحمل كلام ناس البييييت💔 ولحد اخر لحظه كنت مستنييك بس بالجد بعد الولد دا اتكلم معاي بالطريقه دي وانتي ما فكرتي ترسلي ولا تتصلي تعتذري انا ندمت على اي لحظه استنيتك فيها اسراء انا عقدي كان تالت يوم في العيد واتزوجت زواج تقليدي ي اسراء 💔 عشان ارضي امي ال كانت حتموت  وتشوفني عريس وتشوف عيالي 💔 ال رضت تستناك لما تخلصي جامعه عشان سعادتي كانت شايفاها معاك💔 انا للاسف فقدت املي فيك ي إسراء مع اني لسه ميت فيك 💔 والله يسامحني اتخيلي اني اخترتها براي عارفه اخترتها ليه بتشبهك ي اسراء فيها ملامح منك 😭 عشان اشوفك فيها ي اسراء .. انا اسف لاني خزلتك بس بالجد حتلقي الاحسن مني وربنا يحفظك 💔..

                       .....
ههههه ايوا دي رساله ابراهيم ال خلتني لا عارفه اضحك لا عارفه اابكي 🙂 قريتها اكتر من 5 مراااات بفتش في كلمه انا بهظظظر لما ما لقيتها بقيت مستنيه يرسل لي انو هو بهظر ماسكه التلفون زي نص ساعه مستنيه رساله تانيه تجي ما جات شلت التلفون .. كتبت لي ما تهظر معاي كدا 😂 قلت ليك اسفه وندمانه وسافهه التراب خلاص ياا سامحني ي بابا .. رسل وقال لي  اسراء دي ما حاجه بهظرو فيها بالجد انا اتزوجت .. تاني ما حسيت بي شيء .. لما فتحت عيني لقيت جنبي ماما وأحمد واخواتي 😭 بس حضنت ماما وبقيت ااابكي وبصرخ بي اعلى حس عنديي😭💔 موووجوووعه شديد انتو حاسين بي 💔💔 هو بالجد خلاني يعني 😭💔 لا يااااخ لا لا هو قال بستناني ليه ما استناني 😭 .. وبس بصرخخخ وماما مخلوعه وبتقراء لي قراءن وشويه توقف تقول لي احمد احمد بنتي مالااا مالا ي احمد اسراء جنت ي احمد وبتبكي معاي .. انا صرخت كتير شديد لي درجه ناس ريان جوو 💔 كنت ما مصدقه حاسه نفسي بحلم والله بس ماما فضلت تقراء لي كدا لحد ما تاني هديت ونمتت😭💔 .. بعد صحيت لقيت جنبي ماما وأحمد  .. ماما قالت لي في شنو ي بنتي خلعتني وقفتي قلبي 😭 .. احمد قال لي اسراء انتي كويسه ولا نمشي المستشفى .. قلت لي لا ما كويسه ي احمد انا ندمانه شديد ي احمد ندمانه 😭😭💔 ي ريتني سمعت كلامكم ي ريتني بالجد ما ح القى زيو لما اموت تاني .. احمد قال لي بتتكلمي عن شنو انتي مالك .. قلت لي ابراهيم عرس ي احمد عرسس .. عاينت لي بس شفتو كدا ما اتفاجى زي كانو كان عارف اصلا بكون عارف لانو  ابراهيم متواصل معاهم 😭💔 .. حضني عليهو وبقى يقول لي اهدي اهدي ما تعملي كدا ربنا يعوضك ي اسراء الله يرضى عليك روووقي .. ماما دي بس بتبكي معااي 💔 .. هديت شويه وقلت ليهم انا عاوزه اقعد براي معليش  طلعو خلوني اتوضيت صليت وبقيت ادعي انو ربنا ينسيني ليهو ي رب 😭 .. حياتي بقت هادئه شديد ومممله 💔 نوم واكل وصلاه وقراءن ياخي كنت بنووم كتير شديد كان النوم ارحم لي من اقعد اتخيل انو ابراهيم مع واحده تانيه غيري 💔 اول مره يكون عندي مشكله انوم كد 💔 بس لاني كنت قنعانه شديد قنعانه من اي حاجه ..  مرت الايام والأسابيع  والجامعه فتحت وعده منها تلات أسابيع وانا ما فكرت انزل ولا حابه انزل مافي زول ما اتكلم معاي احمد و ماما و سندس وخالو عصام وبيكو كانو بس بقنعوني اني انزل لما زهجو مني .. لما يوم براي قررت امشي واطلع من ال انا فيهو دااا خلاص ربنا عاوز كدا ح اعترض على حكم ربنا يعني 💔 .. نزلت اللجامعه ولقيت فايتني ككتييير ولازم اضغط نفسي عشان احصل ساعدوني كتييير شديد بكري والبنات 💜🙂 .. كنت كل ما اشوف وليد بلعن نفسي اني ارتبطت بالبني ادم دا كان مبسوط وعايش حياتو وبقى ما بقعد معانا  حتى ارتبط كمان مع بنت من القاعه كان نفسي امشي اقول ليها سيبي  احسن عشان ما تندمي🙂💔.. ربنا قواني شديد الحمد لله لاني كنت قريبه منو شديد واجتهاد من ناس البيت .. وسندس كانت بتجيني كتير عشان تطلعني من الحاله دي لاكن الحممد لله شبهه  اتجاوزت الموضوع بقيت فتره لي فتره بتزكرو .. والإمتحانات قربت واننشغلت بالقرايه كتييير كنت بنتقم من نفسي فيهااا  بدت الامتحانات وخلصصصت وواجزنا تاني الاجازه ال ممله دي 🙂💔 .. وهي شهر طبعا بتكون ال بين ال سمسترين  .. يوم كدا وانا بلعب في التلفون وزهجاانه جاني اشعار رساله عاينت فوق لقيت مكتوب فيها تتزوجيني ؟؟ .. اتخلعت 😲 وفتحتها سريع سريع كان الرقم م مسجل لما عاينت لي كداا لقيتو رقم ابراهيم 😲💔 دا شنو دا تاني رجعت عاينت الرقم اكتر من مره اتاكد كويس .. ورسلت لي شنوووووو؟ .. رجع رسلها تاني تتزوجيني ؟ .. انا جسمي كلو بقى يرجف  وبقيت ما عارفه افكر في شنو واخلي شنوو  🙄 انا بحبو اي بس هو حاليا متزوج وكيف انا اتزوج واحد متزوج لا وانا بغير كمان 😭 دا شنو دا لااا .. رسلت لي   ططوالي لاااا طبعا انت بي مرتك 💔 .. قال لي كن على مرتي ف هي عارفه اي حاجه وما عاوزه غير سعادتي ال باقي والدور عليك انتي فكري براحتك وما تردي هسه انا بحبك ياخ .. انا بقيت مصدومه والكلام غلبني والتفكير غلبني وحسيت رأسي حيطققق من التفكير 😭 لبست عبايتي سريع سريع وجريت لي ريان بنت عمي .. ووريتها الرساله جيتها عشان تنقذني هي بقت مصدومه معاي 😂😂💔 .. قلت ليها هو كيف بقول لي كن على مرتي ما عندها مشكله 🙁 .. قالت لي اممم ما عارفه  لاكن اساليهو .. طوالي رسلت لي رساله قلت كيف يعني مرتك ما عندها مشكله .. قال لي ايوا ما عندها مشكله عارفاني بحبك ونفسي اتزوجك وانك ال حلم حقي 💜 .. وهي عادي يعني دا شنو أنا ما فاهمه حاجه انتو متزوجين على اي اساس .. قال لي طيب ممكن اتصل عليك افهمك .. قلت لي ريان اخلي يتصل  ؟؟ .. قالت لي مدام هو العاوزز خلاص خلي يتصل ويفهممك حاجه  .. قلت لي طيب اتصل .. اقل من دقيقه اتصل رديت بعد مسافه كنت خايفه  ومتوتره وجسمي بنفضض 😂💔  رديت  قلت لي الو سلام عليكم .. قال لي حاسي قلبي حيقيفف انا اقسم بالله .. قلت لي سلامت قلببك 💔 .. قال لي ي ححلم 💜💜 .. سكتت مسافه وضربات قلبي كانت عاليه شديد قلت لي ابراهيم ال بتعمل فيهو دا  غلط  انت متزوج .. قال لي ربنا حلل مثنى وثلاث ورباع وانا والله قلبي معاك ما قادر عديل اشيلك من رأسي ولا من قلبي بحبك ياخ  انتي  عندك مشكله تتزوجيني ؟!.. قلت لي  بس مرتك ما فكرت فيها وما حتتوجع وانا زاتي والله ما بقدر زول يشاركني فيك 😭 .. قال لي طيب اسمعيني انا اتزوجت كيف .. قلت لي اها سامعاك .. قال لي اول حاجه انا  قبلت اتزوج بعد  كلام كتييير من امي وساره والله كانو مكرهني ي اسراء ساره كان كلامها جارح شدييييييد دائما بتقول لي ال بنت ال انت حارق دمك عليها وموقف حياتك دي عايشه  حياتها ومبسوطه وارتبطت وامي تقول لي عمرك ماشي انت قايل نفسك صغير وياخ كلام وانتقادات وصراحه انا بعد فقدت الامل فيك 💔 فكرت تفكير غبي شدييييييد قلت عشان انساك لازم اتزوج واستقر .. قلت لي امي موافق بس اسافر معاكم انا واختار براي سافرنا في نص رمضان كدا وكان  نتعزم عند مكان طبعا لانو عارفني جاي اعرس 💔 والله ما كنت بركز معاهم اصلا ما شايف غيرك انا كنت 💔..  للحد ما يوم امي قالت عندها بنت خالتها كدا متوفيه وبنتها عايشه مع ابوها قلت ليها طيب نمشي اول ما مشينا انا لما شفت البنت دي خلاااص اتوترت شديد ياخ لقيت واحده من شبيهاتك ال ٤٠ 😭 كنت بتململ لحد ما خلصنا ورجعنا  والله بقيت زي الشافع بس بقيت اقول لي امي دي انا بس عاوز دي ما عاوز غيرها بسس ساره كانت رافضه شديد لانو عارفاني عاوزها عشان شبهك وامي ما كانت شايفه شيء بس كانت مبسوطه شديد 💜 .. اليوم التاني طوالي رجعنا اتقدمنا ليها وابوها بدون مشاوره طوااللي وافق لاكن انا اصريت اسمع رأيها وخلوني معاها براي .. كانت ساكته وخجلانه شديد ومدنقره على الأرضض سلمت ليها وقعدت وانا كمان متوتر  شديد وبلعب في اصابعي استجمعت قوتي وقلت ليها انتي موافقه اكيد .. قالت لي ههه اصلا ما حتفرق  مش ابوي اداك كلمتو .. قلت ليها لا عايني دا بيني وبينك بالجد لو ما عاوزه انا ال ح اقول لي غيرت راي 💔 .. قالت لي ابراهيم لو هسه رفضتك حيجي زول غيرك وحيتزوجوني ليهو بالغصب  عشان كدا انا موافقه بس ممكن اطلب منك طلب .. انا سرحت فيها وحسيتها قنعااانه وشايله كتييير  قلت ليها تامري .. قالت لي بتقريني  ..  قلت ليها نعممم بس كدا ي ريت انتي قاريه لي وين اصلا .. قالت لي وقفت في تالت ونفسي اخش الجامعه حلمي بس اكمل قرايتي .. قلت ليها انا موافق وما عندي اي اعتراض اكيد طبعا  وأقسم بالله ي اسراء لو شفتي تعابير وشها كيف اتغيرت وفرررحت وانبسطت وقالت لي انت جااادي حتخليني اقراء .. قلت ليها ايوا ..  والله وقفت على حيلها وقالت لي موافقه وطلعت وهي بتضحك ومبسسوطه شديد انا لما انبسطت .. انا قمت قاطعتو قلت لي ابراهيم شكلك بتحبها ولا حبيتها ما عارفه 💔 .. ضحك وقال لي ما حبيت غيرك ولا ح احب ي هبله .. قلت لي طيب كمل .. قال لي بس ي ستي اتزوجتها طوالي اول ما رمضان خلص وسقتها ورجعنا عشان سجلتها طوالي بتقراء طب هسه بالجد كنت كويس معاها لحد ما ظهرتي تاني في حياتي وانا طشيييت وجططط وبقيت ما طبيعي وهي حست بي وكانت مستعده تسمع اي شيء لانو اصلا هي ما اتزوجتني عشان بتحبني اتزوجتني عشان تطلع من قرف مرت ابوها وتصرفات ابوها الغياظه وأنها تحقق حلمها وتخلص قرايه مع انها بالجد ما فيها كلام وانسانه مطيهه ومحترمه ومسكينه .. قلت لي ابرااااااهيم ياخ هي لو كامله كدا داير بي شنو ما توجع قلبي .. قعد يضحك قال لي احححا الجميل بغير طيب طيب خلاص يكمل باختصار 😂 حكيت ليها اي شيء حصل من شفتك لحد اخر رساله بينه بس هي اي اضايقت شويه لاكن قالت انو ما عندها مشكله لو اتزوجتك ورفضت انا بس هي اصرت علي انو اتزوجك بس اهم شيء اكون مبسوط وهي ما زعلانه وراضيه عني وبس ي ستي دي كل القصه .. قلت لي امممممممممم والله ما عارفه اقول ليك شنو .. قال لي انا قلت ليك روقي ما عندي مشكله والله ابدا اخدي راحتك في التفكير .. قلت لي طيب هسه عن اذنك عاوزه اقفل .. قال لي اتفضلي 💜.. قفلت منو وبقيت اعاين لي ريان وانا ما عارفه اعمل شنو قلت ليها ريان انا جايطه شدييييييد قالت لي روقي واخدي راحتك في التفكير .. قلت ليها حاضر ورجعت بيتنا .. بليل كدا ابراهيم رسل لي .. قلت لي انت مرتك وين بتتكلم معاي باقي اليل دا .. قال لي حاليا هي سافرت البلد عند اهلها ممكن اتصل عليك .. قلت لي ابراهيم والله قاعده احس بالذنب وانا بتكلم معاك بحس ربنا  حيحاسبني .. ضحك قال لي دا في حاله اكون بكضب على مرتي وما عارفه بس ي بنت انا عاوز اتزووووجك قلناااا .. قلت لي طيب اتصل .. اتصل واتكلمنا وبقينا نتونس ونحكي لي  بعض الحجات ال حصلت لينا ووضحنا لي بعض اي سوء تفاهم كان حاصل والمكالمات كانت طويله شديد وحلوه شديد 💜💜..