"كلو لي خير " 💙

الجزء الثاني عشر

حلقه 12
*كلو لي خيير* 💜
بقلمي انا : اسراء حسين

دخلت البيت استحميت واكلت لي شيء ونمت طوالي لاني صليت في المدرسه طبعا اول يوم وارهاق وكدا صحيت قبل ال مغرب  بي شوويه اتغديت وظبطت اموري وقلت اراجع احسن لي 💜 منو وانا عاوزه أنوم خلاص الساعه 10 قلت افتح التلفون دقيقتين بس اطمن على ابراهيم لاكن استأذن من ماما اول مشيت لقيتها نايمه خليت الموضوع كنت مشتاقه لي 😭 عملت رايحه ونمتت 💜 .. صحيت كالعاده بنفس الروتين حق امبارح حصل اي شيء .. والايام عدت لحد ما جى الامتحان الشهري الاول وكالعاده ابراهيم واقف معاي وبراجع لي وما مقصر معاي في شيء امتحنت والنتيجه طلعت وجيت التانيه 😍 قسمو الفصل لي اتنين وساره مشت الفصل التاني  قلت الحمد لله كنت متازمه منها عشان كلامها ال في الحصه دا 😑 بس ابراهيم كان بتازم من مستواها  ونفسو تكون متفوقه وقال لي انو احاول اساعدها واعرف مشكلتها مع انو هو ما مقصر بس هو قال كدا لانو بقينا أصحاب شديد وهي بتحبني وترتاح لي جدا لانو قالت ما عندها اخت ولقت فيني الاخت  وانا كمان بحبها وبحترمها جدا والله 💜 .. ابراهيم وعدنا بطلعه كلنا انا واخواتي وأحمد وساره عشان نتايجنا  طلعت وكلها نجاح وكانت يوم الجمعه مع العصر كدا طلعنا اول شيء مشينا اتغديناا💜 بعدها مشينا مدينه الطفل ودا طبعا بي طلب من إيمان قالت مشت ليها في المدرسه وعجبتها عاوزه تمشي تاني ابراهيم وافق طوالي ومشينا طبعا انا شبعت اسكريم😂💜 ابراهيم يشاكلني فيهو اعمل زعلانه يشتري لي😂😂 اشترى لي اخواتي وساره غزل البنات  بس انا ما بحبو  😣 اشترى لي فشار وشوكلاتات 🤤 لمن جى دور اللعب قال ما عاوز  يلعب معاي 😑 قال هو كبير 😒 قلت لي طيب خش معاي غرفه الأشباح برضو قال ما عاوز😭 خشيت مع احمد اخوي وكرهتو بي العض😂 طيب الطبق الطائر برضو قال ما عاوز خليتو😒 قلت ليهم خلاص اركبو انتو انا ما عاوزه 😑 وصريت ليهو وشيء وقعدت معاهو  كنت عاوزه يلعب معاي 😭💔 اصلا ما فيها شيء المنتزهات دي رجال بي أطفالهم بركبو معاهم 😪 المهم يتكلم معاي شغاله برد لي على حسب السؤال 😹 اصلا ما زعلانه شديد لاكن بدللع 🙈 هو بقى شغال يقول لي ي حلم 💜 وكلام كتير وحلو هو نفس  الكلام ال بقولو لي في التلفون لاكن اول مره يقولو لي في وشيء 🙈 انا طبعا خلاص خدودي دي  حمررت من الخجل وعاوزه الواطه تنشق وتبلعني😹💜💜 فصلته وبقيت اضاحك وحلف الا اقول لي بحبك وانا ما قادره 😹😹 بنتهابل كدا فجاءه اسمع زول بكورك لي شدييييييد طبعا من الصوت عرفتها دي سندس 😹💜 حبيبتي ي ناس انقذتني من المصيبه دي 😑 جات جاريه نطت فيني وحضنتي ابت تفكني عديل لما زهجت 😹😹 ووقعت في خدودي بوس وجضيم بوس وجضيم لما زهجت منها 😑 ابراهيم قال ليها براحه ياخ حرام عليكي 😪 كان ظاهر عليهو الجديه 😹😹 طوالي قبلت علي ابرااااااهيييييم 😍 هو زاتو لما اتخلع 😑 .. قال ليها اهليين .. سلمت لي وقالت لي انا سندس ياخ ما عرفتني 😍 قال ليها اهااا سندس كيفك اي بسمع بيك عند اسراء كتييير انتي وابرار 😊 .. حمرت ليهو قالت لي وسلمت ليك اخر يوم في المدرسه السنه الفاااتت😒 .. قال ليها اهااا صح والله 😁 معليش بنسى بسرعه شويه انا .. قالت لي بتنسى ولا عشان كانت اسراء في تاني ما بتقدر تركز مع زول 😉.. قال ليها حرفيا كدا 😉 .. انا طبعا خجللللت🙈💜 ..  قلت ليها انتي جابك هنا شنو اتجاوزتني عرفتها بتكون جات مع  مصطفى 😹 قعدت معانا  المجنونه الجواطه ياخ صوتها عالي ونهاااي ابراهيم ما بتفق مع الصوت العالي بس اتفق ليها لذيذه ضحكتو 😹😹 قعدنا نتونس وتحكي لي وقالت ابرار مكرهاها الوقت كلو لازم نراجع قالت احسن انا كنت بتونس معاها حبه 😹 قلت ليها انتي عارفه ديك مهوسه  قرايه الله يوفقها 💜 شويه كدا وديل خلصو وجو اخواتي  سلمو عليها وقعدو يتونسو معاها وأحمد اخوي ما عندو شيء للبنات خالص لاكن سندس دي عاجبه شديد ما قال لي بس ظاهر من الفصله ال بفصله  لما يشوفها ولا نجيب سيرتها 💜😉 يشيل ويعاين ليها شويه كدا وماما ضربت لي ابراهيم قالت لي ارجعو بعد دا الزمن فات 💜 طلعنا وودعت سندس رجعنا البيت بعد يوم جميل جدا 😍  .. شلت تلفوني فتحت  الواتس رسلت لي الزفته سندس دي قلت ليها كان معاك مصطفى صح 😒 قالت لي اي .. قلت ليها انتي خلاص جنيتي صح بقعدك معاهو شنو لي بعد المغرب برا مع الولد براك 😒 وطبعا امك ما عارفه .. قالت لي ي بنت مصطفى جو كلهم ناس بيتو وانا اختوو صحبتي بقت  طلعت معاهم على الاساس دا كلمت ماما وبابا اني جايه بس مع اهل صحبتي واهل مصطفى عارفني على أساس اني صحبت  بنتهم 😁 .. قلت ليها غايتو جنس لفف ودوران اصبري الا اكلم ليك ابرار 😑 .. قالت لي لا لا بليييز ي سرو خلاص توبه البنت دي معاطه هسه تديني محاضره نص ساعه .. ضحكت فيها واتونسنا شويه قلت ليها يلا انا عاوزه اتصل لي ابراهيم عشان عاوزه انوووم😴 قالت لي تمام .. طلعت منها اتصلت لي حبينا بعض شويه 💜🙈 قلت لي مرهقه عاوزه أنوم ولازم اقفل تلفوني اليليه .. قال لي ليه بكره السبت اقفلي بكره بليل .. قلت لي لا ما ينفع انا يومي اليله ما أنجزت فيهو اي شيء عندي واجبات وقرايه بكره لازم اخلصهم .. قال لي طيب حبيبي خلي بالك من نفسك وخلصي لو قدرتي اتصلي كلميني دقيقتين بس قبل تنومي .. قلت لي حاضر بابا💜 وقفلت ونمتتت 💜  .. صحيت الصباح بس كنت مضغوطه شديد ويومي ملان وجونا ضيوف ما قدرت اتصل لي بس لقيتو الصباح في المدرسه واعتذرت لي واتفهني حبيبي 💜