انطفاء بركان

اللقاء الثاني

استقل خالد سيارته وهو يسير إذ به يرى حياة وهي تنزل من العمارة وتستقل سيارتها قرر خالد مراقبتها من بعيد ولاحظ ان سيارة حياة لا تعمل فقرر مساعدتها وذهب اليها
خالد:اي مساع ايه ده ...انتي تاني
حياة:هو مش حضرتك
قاطعها خالد قائلا:ايوه انا اللي قابلتيه الصبح هي ايه حكايتها العربيه دي
حياة مش عارفه كل شويه تعطل
خالد:يبقى المرة دي لازم اوصلك
حياة:مالوش لزوم هي شويه وتشتغل
خالد:اولا مينفعش تقعدي في العربيه لوحدك في وقت زي ده ثانيا ممكن لقدر الله متشتغلش
حياة :طب والعربيه هنوديها فين
خالد متقلقيش هاكلم الميكانيكي ييجي ياخدها يشوف مالها
حياة:بجد ميرسي أوي على ذوقك
خالد:العفو أي حد مكاني كان ممكن يعمل كده
وبالفعل استقلت حياة العربيه ولكنها مازالت خائفه فركبت في الخلف فلاحظ خالد هذا :متخافيش انا مش هاعملك حاجه
حياة: لا لا انا مش خايفه انا بس بحب اقعد ورا
خالد بعد تصديق:ماشي ساكنه فين
حياة: في(....)
خالد: اوكيه هو انتي اسمك ايه
حياة:حياة وانت
خالد:بركان
ضحكت حياة وابتسم خالد لمجرد رؤيه ضحكتها ولكنه افاق وتذكر انها ضحكت على اسمه فتلاشت ابتسامته وحل محلها الغضب فلاحظت حياة ذلك
حياة: اسفه بس اصلي استغربت
خالد:لا عادي ولا يهمك اصل دا لقبي مش اسمي اسمي الحقيقي خالد
حياة:امال ايه بركان ده
خالد:بركان ده ناس طلعوا عليا عشان انا هادي ولكن ساعة الغضب بنفجر زي البركان
حياة بضحك:على كده المفروض اني أخاف صح
خالد:لوعصبتيني
حياة:وصلنا ده بيتي سلام يا استاذ خالد
خالد:استني انسه حياة ممكن اخد رقمك
حياة:ليه
خالد:عشان اقولك لما العربيه تتصلح
حياة:اه صح نسيت اتفضل
خالد:طيب انا هارن عليكي دلوقتي سجليني بركان عشان متتلخبطيش وتقولي خالد مين
حياة:اوكيه ايه ده دا بابا اتصل بيا كتير لازم اطلع  بسرعه
صعدت حياة ووجت والدها جالسا وعندما رأها سألها:انا عمال اتصل بيكي مبترديش ليه
حياة:معلش يابابا اصلي مسمعتوش
مصطفى:ايه اللي أخرك كده
حياة : العربيه عطلت
مصطفى:يا نهار اسود وعملتي ايه
حياة:في واحد محترم شافني قام اتصل بالميكانيكي بتاعه وقاله ياخدها
ووصلني ومتقلقش انا قعدت ورا
مصطفى: طب وهتعرفي ازاي انها اتصلحت
حياة :مانا اديته رقمي يا بابا عشان حضرتك تليفونك بيعلق وهو هيبقى يتصل واديك تكلمه
مصطفى:حياة اوعى يكون عاكسك او ضايقك بكلمه
حياة:لا يا بابا دا كان شاب محترم جدا
مصطفى:كلهم يابنتي بيبقوا في الاول كدا على العموم هتروحي الكليه بكره
حياة:بكره السبت يابابا اجازة
مصطفي:صح صح نسيت خشي نامي
حياة:تصبح علي خير يابابا
مصطفى:وانتي من اهله يا حبيبتي
في اليوم الثاني اتصل خالد بيوسف وقاله انه لن يأتي الشركه اليوم وذهب إلى الميكانيكي واخبره الميكانيكي ان العربيه جاهزة وتم تصليحها فاتصل بها خالد فوجدت حياة المتصل بركان فرحت ولكنها اعطت الهاتف لوالدها رد والدها :الو
خالد:الو اكلم الانسه حياة
مصطفى:ايوا انا ابوها
خالد:طب حضرتك العربيه اتصلحت حضرتك ممكن تستلمها بس متشغلهاش فترة كبيره استنى عليها حوالي اسبوع
مصطفى :طب انت فين يابني
خالد:انا في (.....)
مصطفى:طب احنا جايين
اخبر مصطفى حياة بان تغير هدومها واخذ معه نفود ثمن التصليح ونزل هو و حياة وركبوا التاكسي ووصلوا
حياة:اهو يابابا اللي واقف هناك
مصطفى:اهلا يابني انتا اللي كلمتني في التليفون مش كده
خالد:ايوه يا حاج العربيه اهيه
نظر اليها مصطفى ثم نظر للميكانيكي قائلا:كام يابني تصليحها
الميكانيكي:لا يا باشا ما خلاص بركان بيه دفع
مصطفي:مين بركان ده
حياة:بركان ده خالد يا بابا
نظر مصطفى إلى خالد وجده واقفا بعيد ويتحدث في الهاتف ثم أغلق وذهب اليهم مصطفى:بكام يابني اتصلحت
خالد:من غير فلوس ياحاج
مصطفى:يابني انت كده بتحرجني
خالد:لا ابدا ياحاج والله بس الميكانيكي ده صاحبي وتبعي وياما صلح عربيات من غير فلوس
مصطفى:طب متشكرين يابني بس خلي بالك انت ليك عندي عزومه تمن العربيه واوعى تفرض
خالد : مقدرش ارفض يا حاج
كاد مصطفى ان يركب السياره
لكن اوقفه خالد قائلا:لكن يا حاج مصطفى العربيه لسه محتاجه حوالي اسبوع عشان تشتغل فحضرتك ممكن تسيبها واوصلكوا انا وبعد اسبوع ابقى اجيبها لحضرتك
مصطفى :مش بنتقل عليك كده يابني
خالد:لا طبعا يا حاج انا في الخدمه دايما
مصطفى:ربنا يحميك يابني
وهما في السيارة تحدث مصطفى مع ابنته عن كليه هندسه وعرف خالد ان ابنته في هندسه
خالد:هو حضرتك في هندسه
حياة:اه
خالد :وهتدربي امتى
حياة :السنه دي
خالد:يبقي انتي الدفعه اللي هتيجي تضرب عندي في الشركه
مصطفى:هو انت يابني عندك شركه
خالد:اه شركه بركان الشاذلي للمقاولات والمعمار
حياة:ايوه انا سمعت عنها وفعلا هتدرب فيها
مصطفى:بس وصلنا متشكرين اوي يابني لذوقك وهاتصل بيك نأكد عليك العزومه الجمعه الجايه ماشي
خالد: حاضر ياحاج
وانتظر حتى صعدوا وانطلق بسيارته