انطفاء بركان

بركان أم جنة (الصدمة)

خالد:يلا يا حياتي أصحي من النوم
حياة:صحيت اهو يا حبيبي
خالد:صباح النور يا حياتي
حياة:صباح الفل يا بركاني
خالد:لا بلاش موضوع بركان ده انا أصلا كان نفسي يسموني زلزال
حياة:أشمعنا زلزال
خالد:عشان اقول زي محمد رمضان (أنا زلزال كابوس الأندال) لكن للأسف هيقولوا أن أنا بقلدوا
حياة:طيب يا حبيبي أنت رايح فين دلوقتي
خالد:رايح الشركة زمان يوسف هينتحر من كتر الشغل
حياة:طب أنا هاجي معاك
خالد:ليه
حياة:أصل مريم موجودة كلمتها وقالتلي أنها عايزة تشوفني ولقيت أحسن مكان الشركة أتمنى متكنش متضايق من وجودنا
خالد:الشركة تنور بيكي انتي ومريم
حياة :لأ تنور بيا أنا بس
خالد:أيه دا حياتي بتغير ولا ايه
حياة:اه لسببين اولا لأني بحبك ثانيا لأنها ممكن تكون مرات صاحبك يوسف
خالد:اولا أنا كمان بحبك ثانيا والله أنا نفسي يتجوز وإلا هينتحر ممكن بقى نفطر بسرعه ونروح الشركة
ذهبوا إلى الشركة وجلست حياة مع مريم في كافيتريا الشركة وذهب خالد إلى مكتبه ثم سمع طرق على الباب
خالد :ادخل
الرجل :أزيك يا خالد
خالد بصدمه:مستحيل أمجد