انطفاء بركان

الخدعة

ذهب خالد ويوسف إلى فيلا أمجد ولكن قبل دخولهم تم تفتيشهم بدقة
أمجد:أسف بس كان لازم اتأكد انكوا مش شاييلين حاجة كده ولا كده الاحتياط واجب برده
خالد:ياريت تلخص يا أمجد الحكاية وقولنا هنستلم الشحنة أمتا
أمجد:ماشي يا بركان بعد بكره الشحنة هتستلومها
يوسف :واللي يضملنا انها مش لعبة منك عشان توقعنا
أمجد:هستفاد ايه لما اوقعكوا الافادة الاكبر لما اشتغل معاكوا
خالد :أنا عايز أطمن على حياة الأول
أمجد :متقلقش انا كده كده كنت هاوديك المخزن عشان ده المكان اللي هتودوا فيه الاسلحة وفي نفس الوقت تاخد مراتك
ذهبوا إلى المخزن ودخل خالد المخزن وما أن رأته حياة حتى جرت نحو واحتضنته وهي تبكي
خالد :انتي كويسة محصلكيش حاجة
حياة:انا خايفة اوي
خالد:متخافيش ان شاء الله مش هيحصلك حاجة
حياة:انا مش خايفة على نفسي أنا خايفة عليك انت
خالد:متخافيش انا كويس متقلقيش ان شاء الله هقدر اخرجك من هنا
يوسف:سامحونا يا جماعة انكوا اتخطفتوا بسببنا سامحيني يا أنسة مريم
مريم:سامحنا انت يا يوسف احنا اللي نزلنا من الشركة من غير مانقولك
خالد :هما خطفوكوا ازاي
حياة:جالي تليفون من واحد بيقول ان تليفونك فصل وان انت عايزني بره الشركة فنزلت ومريم نزلت ورايا فخدونا مين دول يا خالد وعايزين منك ايه
خالد:هحيلك يا حياة كل حاجة بس
مش دلوقتي انا مضطر امشي خلي بالك من نفسك
حياة :خلي بالك من نفسك
أمحد :يلا يا بركان عشان نتفق على الشغل
في مكان اخر تحديدا القسم
الضابط :متقلقش يا استاذ مصطفى انا صدقتك وانا عارف ان استاذ بركان متجوز بنت حضرتك وعشان كده بعتت عساكر يتعقبوهم من غير ما أمجد ده يعرف
(فلاش باك)
خالد :الو يا حاج مصطفى اسمعني حياة في خطر وجايز تتخطف
مصطفى بفزع:انت بتقول ايه يبني انت بتهزر
خالد:لا يا عمي مبهزرش بس متقلقش
انا عايزك تتطلع علي قسم(......) تقولهم ان انت جاي من طرفي وتقولهم خالد رايح لفيلا أمجد الكاردي وتقولهم عايز حد يتعقبه وهما وبعد كده انا هفهمهم
(الأن)
الضابط :بركان قالنا أن أمجد بيساوموا على مراته مقابل ان بركان يدخله شحنة أسلحة بس متقلقش يا أفندم احنا عملنا زي ما خالد قلنا وبقى في تعقب متتابع ده غير جهاز التسجيل اللي بركان مخبيه  معاه واللي هيسجل كل حاجة بيقولها أمجد
مصطفى:وبعدها تقبضوا عليه
الضابط :لا هنسيب شحنة الاسلحة تخش مصر وبعد كده نقبض على أمجد متلبس وبعد كده تقدر تطمن على بنتك
مصطفى:يعني ايه هنستنى الوقت ده كله وبنتي في خطر
الضابط :متقلقش يا أستاذ مصطفى احنا عرفنا فين المخزن ده وكلفنا عساكر يراقبوه ويبلغونا بكل جديد