انطفاء بركان

الخوف

أثناء سير خالد و حياة
خالد:بقولك ايه انا هانزل اجيب كارت شحن من هنا ماشي
حياة:ماشي بس متتأخرش عشان شكل الحته هنا هاديه ولو حصل حاجه ممكن محدش يحس
خالد:لا متقلقيش راجع بسرعه
نزل خالد من سيارته وذهب لكي يشتري وما ان غاب عن النظر حتى فوجئت حياة بشباب يقتربون من السيارة كانوا ثلاثة
احد الشباب:اوبا دي مزة جامدة
الثاني:اه معاك حق بقولك ايه ماتيجي معانا وسيبك من اللي مستنياه
حياة:حرام عليك انت وهو اعتبروني اختكوا
احد الشباب:انا مليش اخوات
الثاني:وانا أختي مسافرة
وحاولوا فتح السيارة ولكن فوجئ أحدهم بيد صلبه تمسك بيده وتجذبه بعيدا عن السيارة وقبل ان يري من الذي يمسك بيده كان خالد لكمه في أنفه كسرها واخرى في عينه ثم امسك الثاني ودفعه إلى الحائط فسقط فاقد الوعي ثم أمسك الثالث أخذ يكيل له اللكمات حتي فقد الوعي وسقط الثلاثه وهم فاقدين الوعي
نظر خالد لحياة:أسف انا غلطت لما سبتك هنا لوحدك
حياة اوشكت على البكاء
خالد:طب بصي تعالي نقعد في اي حته عشان تهدي شكلك خايفه جدا
حياة:انت كويس محدش فيهم ضربك
خالد بأبتسامه:لأ متقلقيش محدش ضربني انتي مكنتيش متابعه ولا ايه
ثم ركب السيارة وانطلقوا حتى وقف خالد
حياة:وقفت ليه هتنزل تاني
خالد:اه بس المرة دي هننزل احنا الاتنين
حياة:هنروح فين
خالد:هنقعد هنا شويه لحد ماتهدي شويه عشان شكلك خايفه  ماشي
حياة:ماشي
نزلت حياة من السيارة ثم دخلت الكافيه مع خالد
حياة:تصدق اني عمري ما قعدت مع حد في كافيه قعدت مع بابا بس
خالد :ليه للدرجاتي بتخافي
حياة:بصراحه اه
خالد:غريبه مانتي وافقتي انك تنزلي تقعدي
حياة بخجل:بصراحه من ساعه مانت ضربت الشباب بدأ خوفي يقل
خالد:خوفك من ناحيتي
خياة:لأ أنا مش خايفه منك انت بصراحه يعني ساعدتني كتير من باب الشهامه يعني لما وصلتني لما العربيه عطلت ولما دافعت عني في الشركه قدام الانسه اللبنانيه
خالد :طب ممكن كفايه احسن اتغر
ابتسمت حياة وعندما رأى خالد ابتسامتها ابتسم هو ايضا تلقائيا وسرحا هما الاثنان في ابتسامة بعضهما