جحيم أمي3
نسرين خودي التلفون هدا وحطيه تحت وسادتها وتوا نكلم سند ونفهمه شن يدير
سندس من وين جاك التلفون والشفرة إنتى
نسرين هدا تلفون الأزمات لازم نتغدو بيها قبل ماتتعشى بينا ٱمشي استنى أمك قدام الباب باش ماتسبقك
سندس ماما خيرك عطلتي تعالي بنوريك حاجة على جنات
ماما شن مدايرة فرخة الحرام هدي
جنات ماما بنقولك حاجة عاى سندس
ماما اسكتى من عنى وكانو متجهين لداري
سندس حولت مخدتي وطلعت التلفون ماما بنتك دايرة تلفون بالدسة
ماما ينهار مغبر ع اياماتك من وين جبتيه ياعاهرة يافاجرة تكلمي وشدتني من شعري
انا ماما خيرك طول حكمتى عليا والله ماهو ليا نحلفلك ع المصحف أنه مش ليا لين قطع علينا صوت التلفون وهوا يرن بأسم حبيبي
ماما فتحت وقعدت ساكتة
المتصل جنات حبيبتي ستاحشتك خيرك مارنيتي عليا والله اليوم طالعة تهبلي
ماما تفو عليك ياولد الحرام وسكرت وبدت تضرب فيا كسرتني تكسير
فات أسبوع وانا فى حالة
انا ماما بنكلمك شوي
ماما مابتش ترد عليا ولاتعطيني وجه
انا ماما بنكمل قرايتي
ماما قرايتك أنسيها تبيني نخليك تقري باش تاخدي راحتك وتركبي ف السيارات وتأخد التلفونات
انا يارب اقتلني وريحني
ماما أمين يارب
فى العشية
مريومة خيرك يابنت ضاعفة وحالتك حالة
انا خليها على ربي
مريومة فكرتي ف الموضوع الى قتلك عليه
أنا موضوع شني
مريومة البنت الى قتلك دور لبوها ف بنت
انا حرام عليك كيف تبيني نضيع شبابي مع واحد قد بوي شن ناقصني نتزوج واحد كبير خيرك إنتى
مريومة ياغبية قداش بتتحملي الذل والعداب خلاص راهو انا نقولك صلي إستخارة وفكري صدقيني حايكون حنين عليك زي بوك
أنا مانبي نفكر ف شي مستحيل نوافق عليه وأصلا ماما مستحيل توافق ع شيباني مهما يكون انا بنتها مستحيل تحدفنى الحدفة هدي
مريومة براحتك
انا توا نجي درتلك كيكة الكراميل الى تحبيها
مريومة ألو أهلين بشرى بنقولك قاعدة دوري لبوك إنتى
بشرى إيه مازال ندوروله تعرفى إنى بوي عصبي وواعر ونبو وحدة تصبر عليه
مريومة طلبك عندي وحكتلها عليا
بشرى بس مش البنت صغيرة هلبة
ميرومه صغيرة لكن فالحة وصبورة وتتحمل بوك
بشرى يصير خير وسكرت
مريومة سامحيني ياصاحبتي بس والله عشان خاطرك هدا كله وهانتبتلك إن أمك حاتبيعك
أنا وين سرحانة ياودي
مريومة نفكر ف وضعك ياحبيبتي
بعد يومين رن الجرس وفتحت الباب كانو زوز بنات أول مرة نشوفهم
انا مرحبتين تفضلو
البنات أمك قاعدة
انا تفضلو قاعدة يتبعجحيم أمي4
دخلتهم للصالة ورحبت بيهم
انا ماما فى بنات يراجو فيك ف الصالة
ماما لنسرين وفردوس أكيدا جاينكم خطابة نوضو ألبسو وتعالو سلمو وانى يافرخة الحرام تطلعي من الدار تشوفي
انا خشيت للدار
ماما أهلين كيف حالكم وقعدت تسلم
وحدو من البنات تكلمت أنا بشرى وهدى أختى جواهر
ماما أنستونا وجو نسرين وسندس يسلمو
بشرى هدو بناتك
ماما بكل فخر والضحكة مرسومة ع وجها إيه ماعندي غيرهم مونسيني ف الدنيا بعد موتت بوهم
بشرى ربي يخليهملك
جواهر مانبوش نطولو عليكم نحنا جاينكم ف موضوع زواج وان شاء الله يكون فيه نصيب
ماما إن شاء الله يارب بتزوجو خوكم
بشرى بنزوجو بابا ونبو بنتك جنات
انا كنت ف الدار بس جاني الفضول نعرف من هدو وشن قصتهم وقعدت كاسرة ودني
ماما أمكم وين وليش بتزوجو بوكم
جواهر ماما متوفية ليها فترة ونحنا بنتين وتلاتة ولاد كلنا متزوجين وبصغارنا الا خوي الصغير زياد يقرا البرأ وقريب يكمل
ماما تمام موافقة
أنا نصدمت معقولة ماما هكي تبيعني لشيباني وخشيت لداري وقعدت نبكي
جواهر أوكي تمام والعرس بنديروه عائلي يعنى ع السكيتي تعرفى بابا راجل كبير عيب نديروله عرس
ماما لاعادي أهم شي السترة والهناء والراحة
خشتلي ماما ولقتني نبكي
أنا حرام عليك ليش درتي فيا هكي عادي اكرهيني أضربيني لكن ماتزوجني لشيباني
ماما أنا نبي مصلحتك مش طايقتك نحس فيك حمل كبير على ظهري تزوجي وعيشي حياتك
نسرع الأحداث باش ماتملو
تقريبآ جهزنا كل شي وجاء يوم الحنة لبسوني البودري وبدو يحنو فيا ويغنو وأنى الحنة نكره ريحتها وشكلها وأسمها ودموعي يتقاطرو على حظي وعلى الشيبانى وع الحنة
كانو خوات العريس وعيتلهم بس
وجاء يوم الخميس اليوم الى تحلم بيه كل بنت مع فارس أحلامها وحبيبها الا أنا كنت نحس أنهم بيزفوني للقبر والأبيض الى لابسته كان الكفن كنت نبكي وخلاص ودعت حوش بوي ودكرياتي
ماما مش تحشمينا مع الناس بدون دموع ولاكلمة حلوة كل همها كان الناس مش بنتها وخواتي ماسمعت منهم غير كلمة خسارة معاش فيه من بيخدمنا مسكتني مريومة وحضنتني وقعدنا نبكو
الناس مسكينات صاحبات وبيتفارقو وماكان حد حاس بيا الا هيا
وصلت لحوش العريس ودخلوني بناته لدار النوم وقعدوني ع السرير وبعد 5دقايق نسمع فيه صوت طق طق خطواته يعني دخل لدار
يوسف أحم وكان راجل أبيض وشايب الحمد لله ماجاء أصلع عيونه سود مقبول ف الشكل وكانو باينات فى وجهه التجاعيد وقرب منى
أنا قلبي يتبع
