جحيم أمي21
انا ليش
زياد لأنى نحب نشم ريحة عطرك تخلي فيا نرتاح
انا اوكي
جاء الصبح ونفدت طلب زياد وطلعنا للمطار
كانت رحلة متعبة بس أول ماشفت الكعبة المشرفة نسيت الدنيا كلها يارب يرزقها لكل مشتاق
فاتو أسبوعين وكملنا مناسك العمرة وجاء الوقت باش نرجع لليبيا
ف الطيارة يوسف شكرآ لأنك خشيتي حياتي وغيرتيها والله لما شفت الكعبة عطيت عهد لنفسي معاش نسكر ولا نحشش
انا الحمد لله وصلنا ولقينا زياد ومرته وخواته وخوته يراجو فينا فينا ف المطار أستقبلونا
فى البيت كانت العيلة مجتمعة وضحك وهدرزة
بشرى بوي بارك لزياد بيولي أب
يوسف مبروك وأخيرآ
انا الف مبروك يارب
زياد كان بنجيب بنت بنسميها جنات
انا نصدمت
يوسف أحسن أسم ع الأقل ندكروها بيه لأنها بتفارقنا
كلهم نصدمو وقعدو يسألو ع السبب
يوسف جنات طالبة الطلاق بعد مانتزوج
بشرى ليش بتسيبينا
انا أعفوني من الإجابة بس هدا هو القرار الصح
تسريع للأحدات الضي هارب والشحن بيتم
الخميس كانت دخلت يوسف وسلسبيل وتهنو والحمد لله
كنت فرحانة هلبة لأني درت الشي الصح
فات شهر ويوسف عطاني ورقتي وودعتهم بالدموع والبكاء والله حبيتهم وتعودت عليهم
انا تسنيم خودي العطر هدا عجبني وشريته ليك
طبعآ عطري كان أسمه طريق الحب
وصلني يوسف عند مريم لانى كنت خايفة من ردت فعل أمي
يوسف لو صار معاك شي أتصلي بيا
مريومة ستقبلتني وفرحت بيا
انا خايفة من أمي هلبة رجعت للدل والأهانة
مريومة قصدك ماسمعتي
أنا شن بنسمع
مريومة أمك نجلطت ليها فترة
أنا كيف صار ليش ماقلتيلي
مريومة نحسابك سامعة ومشيت نجري فتحتلي فردوس دفيتها ومشيت نجري لأمي لقيتها ملوحة ع السرير وحشاكم ريحتها طالعة
أنا والله لما شفتها هكي قلبي وجعني عليها رقدت ف حضنها وبكيت هلبة وماما كانت تبكي حتى هيا
انا ليش ماخبرتوني وليش مخلينها هكي
فردوس أنا نعاف ومانحبش نغيرلها شمالها سادني نوكل فيها
نسرين أنا كل نظفلها معاش عندي علاقة
انا حسبي الله ونعم الوكيل فيكم غيرتلها ووكلتها ودرتلها عطر
امي الى كانت متجبرة وكنت غير نشوفلها نخاف اليوم عاجزة ومش قادرة تتحرك
وخواتي ماقدروش يتحملو مسؤوليتها
كانت ماما وبلسانها الثقيل وفمها المايل ع جيهة تتطلب منى ف السماح
وانا سامحتها من قلبي مهما يكون هدى أمي
فاتت سنة وحياتي تحسنت وكل شي كان ماشي تمام
زياد جاب بنت وسماها جنات ومشيت باركتله هوا وتسنيم ويوسف بدا غير شاد الجامع يتبعجحيم أمي 22
يوسف صارله زي المثل الى يقول الى سمع بالصلاة سبق ع الجامع يلا الحمد لله الى ربي هداه لكن لما كان صايع فيه جو
نسرين كانت دايرة العار طبعآ امي الى بتخاف منها معاش تقدر عليهم كانت تطلع الصبح ماترجع للمغرب صبرت عليها هلبة بس الوضع زاد عن حده مشيت لحوش عمي وممكن كانت هدي أول مرة نمشيلهم بعد موت بابا
عمي حسن أنستينا زارتنا البركة
أنا والله مقصرة هلبة بس أنت عارف أمي ووضعها مانقدرش نسيبها
عمي وين خواتك وحكيتله ع نسرين لكن فردوس تخاف منى بدت لأن الممري قاعد عندي
عمي توا نديرلها رأي متخافيش بكل نعرف كيف نربيها
وانا مروحة ف الطريق وكيف وصلت شارعنا حسيت كأنه حد ماشي ورايا واول ماتلفتت كانت بنت صغيرة تهبل
أنا رفعتها وقعدت نبوس فيها عسل ياربي
زياد عسل زيك
أنا هوا أنت وانا نقول خيره الجو ريح
زياد حرام عليك هكي تستقبليني
انا شن حالك وشن أخبارك والعسولة هدي أمتى كبرت
زياد بشوفتك تمام شن حال أمك توا
أنا والله البلغم تعبها ومعاش تأكل هلبة
زياد توا نكلملك دكتور صاحبي يتابع حالتها
أنا تمام شكرآ
زياد ستااحشتك هلبة مش قادر ننساك صح تعودت ع تسنيم لكن أنتى مكانك ف قلبي نحبك ياجنات والله تعبت
أنا بالله عليك يازياد ماتفتح الجرح القديم وماتوجع قلبي
زياد خلاص نتلاقو بالك ع روحك
وصلت للحوش وانا دمعتي ع خدي والله يابنات مانسيته مازلت نحبه ومستحيل ننساه بس مش حانغضب ربي وأكيدا ربي حايعوضني
فاتو يومين وكلمنى عمي قالي بعدين بنجي انا وعمتك
انا تفضلو
وتيت الضيافة ودوشت لماما ودرتلها عطر ورن الجرس
أستقبلت عمي وعمتي
عمي أسمعي يانسرين أنا طلعاتك وخشاتك مش عاجبيني ومطول بالي عليك عشان أمك بس خلاص زودتيها
عمتى جايك عريس مواليد 80 راجل كويس وبحوشه وسيارته
نسرين ماصدقت انا موافقة تمت الخطبة وكل شي تم ع خير
زياد أهلين جنات كيف حالك
أنا تمام وانت
زياد كلمتلك الدكتور غازي ويراجي فيك غدوة ف العيادة
أنا تمام شكرآ زياد تعبتك
زياد ديما تعبيني باش نسمع صوتك
انا وواك يازياد خلاص قلنا
زياد اسف وصكر
فردوس ليها فترة غير تبكي وخلاص ومعاش تطلع من دارها مانعرفش شن صاير معاها بس ماندورش فيها الى يصير معاهم شويا مش شماتة لكن الى شفته منهم مش شوية
فى الصبح رفعت ماما للعيادة ولقيت زياد غادي
انا صباح الخير
زياد صباح الورد ياوردة
أنا والله قلبي رجع يدق من جديد
الممرضة دكتور زياد الدكتور غازي يبيك
يتبع
