جحيم أمي 29ماقبل الأخيرة
كانت منيرة أية ف الجمال طويلة وبيضه وعيون زرق
منيرة حتى أنت ليبي
زياد مغتربة أنتي
منيرة أيه
زياد تخدمي هنا ولاعندك حد مريض
منيرة ماما تعبانة شوية جيت نشوف فيها
زياد تمام وعطاها رقمه لو تبي شي إتصلي
منيرة تمام شكرآ
فى الليل تصل بيا رقم غريب
أنا الو
المتصل جنات ....
أنا إيه تفضل من معايا
المتصل مشرط تعرفي بس أنا واحد معجب بيك هلبة
أنا شكلك واحد فاضي وحطيته ف الحظر
وف كل ليلة ندكر غازي ومانرقد الا وأنا نفكر فيه
أكيد حب هدا صح
ف الصبح نفر انا وحمودي وفردوس رن هاتفى وكان رقم دولي
أنا الو
زياد ستاحشتك
أنا تصدقو كلمته ماحركت فيا ولاشعرة اهلين
زياد عرفتيني
أنا أكيد عرفتك ونص
زياد سلامة رأسك هدا حال الدنيا
أنا ماريت ماغير عليك
زياد امس بس خبرتني بشرى
أنا شن أخبارك وشن مداير
زياد الحمد لله ناقصتني شوفتك
انا زياد خيرك هكي خلاص عاد
زياد أسف وتوا ردبالك ع روحك
أنا حتى انت باي
فردوس ياعيني ع زياد وحب زياد
أنا افطري وهيا نوصلك للجامعة
فات اليوم عادي وف العشية نسمع ف البيب بيب بيب
فردوس تجري جنات مريومة رجعت
انا لبست ومشيتلها جري وكان فيه زحمة هلبة لكن خشيت وشفتها بس حرام كانت ضاعفة وصلعة بشرتها محروقة من الكيماوي يارب أشفى كل مريض سرطان وعافيه
كنت كل يوم نمشيلها وحتى فردوس لأنها تشوف ف حبيب القلب
مريومة وين غازي
أنا والله مانعرف ليه فوق الشهرين مغيب
مريومة ساوت قعدتها طيرتيه تبخر خداته الفالحة أقعد أنتي
أنا ماتزيديها ع راسي
مريومة شكلك حبيتيه ياكلبة
أنا شفتلها وضحكت
مريومة تزغرط
أنا فضحتينا ياهمي
مريومة نزغرط ع طياح سعدك أتصلي بيه توا
انا لامستحيل
مريومة عشان خاطري أتصلي
أنا بايخة شن بنقوله
مريومة غيرأتصلي بس وطلعت تلفوني ورنيت بس طلع مقفل
أنا مقفل وكان تعرفو شعور الخيبة والأحباط يفدد
رجعت للحوش وقررت ننساه ونفوته وبديت نجهز للمشروع بس المتصل المجهول مش مخليني ف حالي وكل يوم يتصل لاوين كل يوم كل دقيقة وكل تانية وكل يوم نحط رقمه ف الحظر ويتصل برقم أخر شكله شاري شفرات المدار لما كانو بجني
فات شهر وكملت امتحاناتي وجاء يوم المناقشة وأخيرآ بنتخرج كنت خايفة هلبة اللحظة المنتظرة كانو عمامي وعماتي وخوالي وخالاتي كلهم موجودين لبست لبسة التخرج ودكرت بابا لما قالي يوم بتتخرجي بندير حفلة كبيرة بنعزم ليبيا كلها
قعمزت قدام الدكاترة وناقشت مشروعي يتبعجحيم أمي30 والأخيرة
خديت أمتياز وكانت فرحتي لاتوصف درت حفله كبيرة ف الكلية
مبروك ياجنات
أنا تلفتت ورايا والصوت كان مش غريب وشوفتله كان غازي
غازي ألف مبروك وكان جايب معاه بوكي ورد وهدية
أنا بشوق ولهفة وين كنت
غازي وليش السؤال هدا مش رفضتيني
أنا أسفة بس حبيت نطمن عليك
غازي أنا أموري تمام خطبت وعرسي قريب ياعليك بخت ياجنات
أنا مبروك عليك وخنقتني العبرة ومشيت وخليته
ميريومة خيرك
انا نبكي ضيعته يامريومة بيخليني
مريومة نصيب ياوخيتي
رجعت للبيت وأنا زعلانة ع اساس أحلا يوم ف حياتي لكن تنكدت فيه الى منحوس منحوس من يومه
ف المغرب
انا نحط ف العشاء رن تلفوني وكانت مريومة
مريومة حبي راهو جايك عريس من عيلة كويسة وهو كويس أمه شافاتك عندي لما روحت من الأردن
أنا مانبيش نتزوج خلاص صكرت عليه الموضوع
مريومة ياغبية علاش ديري هكي أنتي تعرفي أن المطلقة ف مجتمعنا الكلام عليها واجد ومايرحموش فيها وفردوس بتتزوج وتخليك وعمامك وخوالك مابيتحملو مسؤوليتك أنتى ديري النظرة الشرعية وبعدها ساهل
أنا قتنعت بكلامها عندها طريقة بالأقناع تخليك دير الغلط وضميرك مرتاح عندكم منها أكيد هههه
فاتو يومين وجاء يوم النظرة الشرعية
مريومة كل شي واتي وتمام
أنا يعطيك الصحة تعبتك معايا
مريومة المهم تتزوجي ونتريح منك بري ألبسي لبسة حلوة
أنا عبايتي بس ولانغير راي
مريومة متعت فقر خزي عليك ماتبي الا واحد زي صهيب وضحكنا
نسرين كأني سمعت أسم راجلي وكانت بطنها قدامها ضحك مش طالع عليها
رن الجرس وجاء عمي وعمتي وقعدنا نراجو ف عريس الغفلة
عمي مرحبتين تفضلو
ستقبلو أم العريس ف الصالة والعريس ف المربوعة
مريومة هيا تعالي سلمي وجيبي العصير صح أنا مطلقة لكن أول مرة نعيشها اللحظة هدي كنت خايفة ونرعش سلمت على أمينة كانت طيوبة الحق وعجبتها
عمي خبط ع الباب متع هيا أطلعي
مريومة مش تحشمينا بري ياحبي
انا السلام عليكم وعيوني ف طواسي العصير ونرعش وهما يدعدعو ويديرو ف صوت تزبطوه أنتو
عمي يضحك هدا كله توثر وقعمرة بس والله ماقدرت نرفع راسي ونشوفله
عمي نخليكم شوية مع بعضكم
العريس جنات أسمك
أنا إيه
العريس ان شاء الله تعيشيني ف جنة مش ف جحيم
أنا ستفزتني الكلمة هدي ونرفعلكم راسي باش نسبله جد أصله ونلقاه غازي
غازي يضحك وأخيرآ رفعتي راسك
أنا حي هدا أنت مش خطبوك
غازي يغبية كيف يخطبوني
أنا قصدي خطبت
يتبع الجزء التاني بعد شوي نزله
