جحيم أمي27
مش حانضايق منك وعد
أنا أسفة مش مستعدة لعلاقة تانية
غازي سؤال وجاوبي بصراحة شن تحسي لما تشوفيني
أنا شي مانحس يعني عادي
غازي حط محمد ع الكرسي وعطاه السماعات باش مايبكيش
أنا وقفت حسبته بيطلع باش نرفع محمد لكن غازي جاء قدامي
غازي قلتي ماتحسي بش صح
أنا إيه
غازي قعد يقرب مني لين لصق فيا وتوا
أنا مانحس بش ونشفوله ف عيونه وضحكته الى تهبل
غازي حط إيديه ع وجهي شوفيلي وقولي أنك ماتحسي بشي
أنا وبرعشة ف صوتي لا
غازي قرب وجهه ع وجهي وحسيت بالنفس متعه يقرب مني
أنا غمضت عيوني وأرتخيت معاه وهوووب دخل علينا زياد
غازي بعد من عني
زياد زي المجنون هجم ع غازي وبدا يضرب فيه
أنا نحز فيهم بس زياد كان معصب هلبة
محمد خاف وبدا يبكي
غازي بعد زياد من عنه وخنق زياد من رقبته
أنا غازي بعد عنه حرام عليك سيبه
غازي مازلتي تحبيه قولي مازلتي تحبيه وزياد وجهه أزرق
أنا قعدت نبكي وخلاص وبعدها خطر عليا ندير روحي دخت باش يفوته وفعلا درت روحي طحت دخت
غازي جنات جنات
زياد حول عنه كله منك درتك صاحبي وغدرت بيا
غازي مش وقتك جيب محمد وسكته
شالني غازي وحطني ع السرير وقعد يفيق فيا وانا على أساس داخيه وكملت مسرحيتي وأنا نفتح ف عيوني ونصكر
غازي فاقت الحمد لله
زياد جنات طمنيني عليك
أنا بديت نبكي حرام عليكم أبعدو عني وكلمت مريومة
غازي أسف والله مش قصدي سامحيني
أنا مانبيش نسمع منكم شي وكنت نحاول نوض من السرير
غازي مسكلي يدي باش يساعدني
زياد أبعد عنها خير من خربلك وجهك
أنا حولت يد غازي ورفعت محمد وطلعت نراجي ف مريومة
مريومة جت خيرك شن فيه
أنا نحيلك ف الحوش خلي نروح ورفعت أمي وروحت
ف السيارة حكيت لمريومة
مريم حي على أمك من زيك يحبوك زوز ويتعاركو عليا ياعيني مش زي أنى ماشفت وجه الا ليلة الدخلة
أنا هههه مش وقتك توا
مريومة قاعدة تحبي زياد أنتي
أنا نقولك حاجة لما شفت زياد يضرب ف غازي خفت عليه هلبة
مريومة زياد وقفيه عند حده خلاص لازم ينساك علاقتكم ببعض غلط من الأول
أنا إيه لازم نحكي معاه مايصيرش منه الشي الى يدير فيه
ووصلت للحوش وغيرت وغديت ماما ورن تلفوني
انا الو
غازي جنات
أنا نعم
غازي أسف والله مش عارف كيف تصرفت هكي بس أنتى ليا أنى وبس
انا مش وقته الكلام هدا يادكتور غازي وبخصوص العلاج الطبيعي توا نشوف حد أخر يتابع حالة ماما وشكرآ ع كل شي وصكرت
فردوس خيرك شن صاير معاك
انا شي تعرفي ستاحشت نسرين يتبعجحيم أمي28
فردوس زعما شن دايرة مع راجلها
يوسف زياد كلمني بو تسنيم وقالي تسنيم طالبة الطلاق خيركم شن فيه
زياد والله يابوي ماني عارف معاش قادر نتحملها وحسيت روحي ستعجلت لما تزوجتها
يوسف لكن بينكم بنت كيف يصير فيها
زياد نحنا مش أول وحدين ولاأخر وحدين
يطلقو
يوسف يعني خلاص
زياد خلاص تم الموضوع
فات شهر
وزياد سافر لأمريكا وأستقر غادي بعد مارفضت نعطيه فرصة
غازي قاعد كل يوم يبعتلي ف مسجات وأنا تعودت ع رسايله وقلبي بدا يدق كل مانسمع رنه المسجات
نسرين عقلت شوي وتوا حامل
سامي طلب رقم فردوس باش يتعرف عليها وأنا وافقت
بس الخبر الى مش حلو أن صاحبتي وعشرة عمري وأمي وأختي مريومة طلع عندها السرطان ومشت للأردن تتعالج أخي ع الدنيا عمرها ماتفرح
فى الليل وأنا راقدة جنب ماما نسمع فيها تنادي فيا
أنا نعم ياماما تفضلي
ماما سامحيني وماكملت كلمتها لين شخرت وماتت
انا قعدت نعيط ناضت فردوس مخلوعة تجري وعرفت إن ماما ماتت جونا الجيران ودرنا العزاء وفات أسبوع وفضت الزحمة وعمامي وخوالي تنابو كل ليلة يبات معانا واحد
طبعآ غازي ماسيبني بكل كانت يبعت ف المسجات بس هداك اليوم كان مختفي والصراحة ستاحشت رسايله وكنت محتاجلته جنبي بس مابعت شي تعرفوها اللقطة متع تفتحتي تلفونك على أمل تلقي رسالة وصلاتك ومرات انتى ماسمعتيها رغم أن تلفونك عام هدا الى صار معايا
ف الصبح نضت وصليت ودكرت ماما وقعدت نبكي وخلاص أمي ماتت وصاحبتي مريضة حسيت روحي وحيدة
محمد ماما
أنا تعالا حمودي وحضنته وقعدت نبكي
رجعت لدراستي الى كنت موقفتها عشان ماما كان مازالي سيمستر ونتخرج
كل يوم يزيد شوقي لغازي مانعرفش وينه مغيب
فردوس جنات سامي بيجي يخطبني رسمي
انا الف مبروك لازم نطلعو من جو الحزن شوي
وكلمت عمي وتكفل بكل شي درنا خطبه ع الخفيف عشان أمي ومريومة
يابنات فات شهر وغازي مهناش ستاحشتوه زيني صح
بس مانقدرش ندوره مانعرفش ليش كرامتي ماتسمحلي بس يلا لو كان من نصيبي توا يرجع
نسرين صهيب بنقولك حاجة
صهيب قولي
نسرين نحبك هلبة
صهيب ساكت
نسرين كيف بتنوض تبكي ف دارها
صهيب نموت فيك مالا شن حتى السلفي يحب هههه
سامحتوها نسرين صح خلاص عقلت ورجعت لطريق
اما عن زياد الى خلا مكانه تعرف على منيرة مواليد95 الى ضرب فيها عند لقائهم ف ممر المستشفى وهيا مستعجلة تبي تشوف أمها
منيرة سامحني مانتبهت ليك
زياد ليبية أنتى
منيرة إيه
زياد وأخيرآ حد من بلادي
كانت يتبع
