جحيم أمي 25
وصلت للبيت ولقيت فردوس مطيبة الغداء تغدينا وغسلنا الماعين ماما رقدت لأنها تعبت هلبة وأنا وفردوس نهدرزو ونعلقو
أنا حسه الباب يطق نوضي أفتحي
فردوس والله ماعندي نية نوضي أنتى
أكيدا كلكم عندكم منها الأخت هدي
فتحت وكان عمي جاي وجايب معاه وحدة تبان ف التلاتينات ومعاها ولد عمره3سنوات
عمي مافيش تفضلو
أنا تفضلو مرحبتين بيكم
عمي وين أمك كانها راقدة نوضيها نوضتها ودخلتهم عندها
عمي هدي زوجة رياض أسمها مرام
أنا وفردوس كيف
ماما بدت تبكي
مرام بوكم كان راجل كويس وهدا محمد خوكم كنت ديما نقوله أمتى بتعرفني ع عيلتك بس كان خايف ع مشاعركم وبدات ع مشاعر أمكم وياأميرة رياض ديما كان يقارن فيا بيك كان ديما يقولي اميرة أحسن منك ف كل شي كان يحبك هلبة وديما كانت فيه مشاكل بينا عشانك أنتي
أنا باه والمطلوب
مرام أنا جاني نصيبي بس شارط عليا أنى مانجيبش معايا ولد وعيلتي كلها مش راضية تتحمل مسؤوليته وفكرت فيكم أنتو
انا وشن يضمن كلامك وكانت جايبه الورق متع محمد أنا تخلطو مشاعري بين الفرح والحزن
ماما أشرتلي بمعنى جيبي محمد وجبتهولها وحضناته وقعدت تبكي ووافقت أنها تتحمل مسؤوليته
كان الموقف مؤثر هلبة وأخيرآ بنجرب شعور الأخ حايكون عندنا سند والأهم من هكي إنه يشبه لبابا
مرام ودعتنا وودعت ولدها
ف العشية كنت نراجي ف مريومة كنت لابسة شورت وتيشيرت بودري وكنت قايمة شعري فوق رن الجرس وطلعت بنفتح لمريومة بس لما فتحت كان غازي
أنا هوا أنت
غازي يشوفلي وعض ع شاربه اللوطي
أنا حولت ع جنب الباب تفضل دكتور غازي
غازي نسيت حتى شن جاي نبي
أنا إن شاء الله خير
غازي خودي جبتلك الدواء لأمك نسيت بكري ماقتلك عليه هدا للبلغم
أنا ليش تعبت روحك كان كلمتني راهو بعتلك حد
غازي ف خاطره أنى مدايره سبله باش نشوفك
أنا شكرآ بارك الله فيك
غازي خيرك توزعي مافيش تفضل ولاطاسة قهوة
انا أسفة بس ماعندنا شباب هدا دخلتك لين طلع محمد يتمتم
غازي وهدا شن مش شاب
أنا هههههه مازال ربع شاب
غازي ربي يحفظه ومادوري شي كنت نبصر معاك
أنا نسيت نسألك كيف عرفت النعتة متع حوشنا
غازي سر وحايجي يوم وتعرفيه
أنا تمام وصكرت الباب بس مانعرفش ليش جانى شعور أنى نبي نحكي معاه ومانبيش يفارقني
جت مريومة وحكينا للمغرب وهيا مافاتحة الاسيرة غازي
أنا خلاص كرهتيني فيه
مريومة سكتت خلاص
انا شن صار ف موضوع فردوس
مريومة إيه حق نسيت قالك معاد الموضوع منتهي يتبعجحيم أمي26
أنا تمام وسامحوني تعبتكم
مريومة لاعادي نحنا خوات وأعز لكن مش أخت راجلي
أنا هههههه طيح سعدك أنتى وراجلك
صهيب وين العشاء
نسرين برا جيب من المطعم ماعنديش نية نطيب
صهيب شدها من شعرها أنتى وين متعلمة بيهم المطاعم نوضي توا طيبي خيرلك وماتنرفزيني أكثر وردبالك تعاوديها الحركة هدي
نسرين خشت للمطبخ وقعدت طيب حركي طولك شويا شبعتي من النوم والدوران ف حوش أمك تعدبي شويا
تسنيم خيرك يازياد لينا سنة مع بعض وماعمري حسيت أنك تحبني
زياد شن تبي أكثر من هكي ماعمري قصرت معاك ف شي
تسنيم مقصر ف واجباتك ليا كازوج
زياد أنتى خيرك ماتقدري أنا راجل عندي عمل ومضغوط خيرك ماتحسي
تسنيم أنا الوضع معاش يساعدني طلقني
زياد شن تحكي أنتي شن جاك
تسنيم الى سمعته يازياد تحملتك هلبة
زياد طلع وسيبها وتسنيم ضمت دبشها ومشت لحوش ماليها
أما عند يويف وسلسبيل الى دارت تحاليل وطلعت حامل
يوسف الحمد لله هكي الناس حاتعرف أن يوسف راجل وسيد الرجالة ههههه جو عليه الشيبو
فردوس بري عند مريومة وقلها تعطيني ست البيت
فردوس باهي توا تمشي ولبست وقعدت ترن ف الجرس
مريومة أهلين فردوس تفضلي
فردوس تسلمي وخشت وكان معاد معاه خوه سامي الى كان حاط عينه ع فردوس ويشوفلها
معاد شن حالك فردوس
فردوس تمام
مريومة خشي تفضلي
فردوس قاتلك جمات عطيها ست البيت
مريومة توا نجيبها دقيقة بس
معاد شن حال أمك توا باهي
فردوس تمام الحمد لله
مريومة تفضلي وقوليلها قاتلك مريومة أحسبيني ف البيتزا
تسريع الأحدات ليوم الخميس أكيدا عشان غازي
أنا السلام عليكم
الدكتور غازي وعليكم السلام خالتي أميرة شن حالك والله ستاحشتك ويشوفلي
أنا عاملة عبيطة بس قلبي يدق لما نشوفه ووجهي يسخن هلبة مانعرفش ليش
غازي وين مريومة
أنا مش فاضية اليوم وتسلم عليك
غازي مش عارف ليش حاسس أنك ماتبيش تجيبيها معاك عمدآ
أنا لابالعكس وقطع عليا محمد الى يبيني نرفعه
غازي تمام ارتاحي توا نرجع ورفع أمي عند مها ورجع
محمد يبكي مانعرفش خيره
غازي هاتيه عنك ورفعه ومحمد طول سكت
غازي الصغار يحبو الطوال مش الدريات
احكيلي توا عنك
أنا وليش نحكيلك شن المناسبة
غازي معناها خليني نحكيلك انا لأنى خايفك ضيعي مني
أنا نشوفله متع خيرك أنت شن تقول
غازي أنا معجب ليك هلبة وتفكيري كله عندك ونراجي فيك بالدقيقة باش نشوفك والله عجبتيني وخشيتي خاطري
أنا ساكتة ونشوف للأرض
غازي خيرك أنطقى تكلمي ريحيني حتى لو رفضتي يتبع
