جحيم أمي11
زياد كان بنراجيك يأدن علينا حتى المغرب
أنا تمام هوا مازال ناقصيني هلبة حاجات لكن خلاص
زياد انا جيعان
أنا أرفعنى عند أمي نتغدو عندها
زياد مرات تلزنا
أنا باهي مش معطلين شريتلهم شوية حاجات نعطيهملهم ونطلعو
فردوس فتحت الباب وشافت لزي ودارت روحها تسلم وتبوس ودير ف اللسان كلبة نعرفها تحب الطروف ودخلتنا
ماما بدون نية تسلم وأنا كنت مستاحشتها
دخلتنا وعرفتهم على زياد
ماما خشت للمطبخ ولحقتها
انا كيف حالكم وشن مدايرين
ماما فاجرة وبتقعدي طول عمرك فاجرة راكبة مع ولد راجلك
أنا نغصيت بس درت روحي عادي
فردوس أستغلت الفرصة وقدرت تلخبط زياد وخدت رقمه
انا وين نسرين
ماما فى الجامعة مازال ماروحت
أنا شفتها بكري تتمشى مع واحد وماسكة إيده
ماما كانت حاطة مق القهوة ع النار وكانت المية تغلي ولما سمعت كلامي بزعت عليا المية السخونة
أنا عيطت والحمد لله ماجت ف وجهي جت على العباية ويديا
زياد جاء يجري ويشوفلي وانا ننفخ ف يديا
ماما ياساتر ديما نقولك أنتبهي مش عارفة خيرك
زياد حولي عبايتي وكان قريب عليا هلبة وانا كنت لابسة سروال وقميص وردي
ماما منفصة عيونها من اللقطة الى صارت
زياد عطوني طماطم معجون ودارها على يديا لأنه يخفف الحرق
شوية ولبست عبايتي وطلعنا
زياد أمك حرقاتك
أنا والدمعة ف عيني لا
زياد كيف المق طاح عليك ماخشتلي راس القصة واضحة بفعل فاعل
أنا ماتجيب سيرة لبوك والله كان يسمع يشوملي بختى
زياد إنتى حياتك عداب يابنت
أنا ربي ماينسى حد يازياد
زياد ربي يصبرك وةقفنا خدينا عشاء من المطعم
خشينا للحوش
يوسف كان مش انت ولدي وهيا مرتي راني قلت عليكم عرسان وف شهر العسل خيركم عطلتو
أنا وزياد شفنا لبعضنا وشدنا الضحك
انا هدا وين كملت
يوسف لفيتي ليبيا كلها
انا هيا مرة ف العمر
زياد حط الغداء وفرش ع الارض
يوسف شن دير حط ع الطاولة
يوسف مانرتاح ف الماكلة كان ماتربعت
انا ف خاطري محلاه يبنى نرتاح ف الماكلة
يوسف أنا بنسافر يومين لتونس
انا ف خاطري الناس تمشي للعمرة وهوا ماشي يصيع
زياد خيرك يابوي
يوسف لاشي غير عندي عمل
انا وشن بيصير فيا أنا
يوسف أقعد ف الحوش وتوا نقول لجواهر وبشرى كل يوم تبات معاك وحدة
أنا تمام باه
يوسف زياد الدواء متاعي تم بعدين كان طلعت جيبلي وقول لصيدلي يغيره لأنه يرقد فيا هلبة الدواء
زياد كيف يابوي ومشى جاب الدواء وبدا يشوف فيه
أنا نزمط ف ريقي هدا دكتور توا بيعرف ع المنوم
يتبعجحيم أمي12
زياد يشوف ف الدواء وطلع الحبوب وبإستغراب يابوي هدو مش حبوب تنظيم السكر هدا منوم
أنا قلبي يدق بسرعة قريب يطلع
يوسف شن هوا منوم
زياد يشوفلي إيه حبوب منومات
يوسف وانا نقول ليش نرقد بعد مانأخد الدواء وديما مرخي لكن من وين جاء المنوم
زياد كان حاس ٱنه فيه شي بس حاول يرقع الموضوع ماهو يابوي البلاد سايبة ومعاش فيه رقابة والناس ماهمها غير الفلوس وإنت ماشي لتونس غدوا برا دير تحاليل وخود دواء مرة وحدة
أنا قريب زغرطت
يوسف ناض أنا بنرقد شوي
أنا كيف بنوض وقفنى زياد
زياد خليك نبي نحكي معاك
أنا بخوف نعم
زياد ليش دايرة المنوم لبوي إنتى تعرفي إنه مش كويس ومضاره هلبة
أنا الصراحة ماقدرتش نكدب عليه لأنه غطى عليا قدام بوه تبي الحق ولاولد عمه
زياد ولد عمه
أنا بنقول الحق أنى من لما عرفت أن بوك يسكر ويطلع ف الليل معاش يرجع بديت نعطى فيه ف الحبوب المنومة لمصلحته بس ودرت شوية دراما ودموع وف خاطري باش معاش يقربني ونجيب منه الصغار
زياد خلاص أسكتي معاش تبكي أنا عارفك أنك مش قاصدة شي وعارف إنك مظلومة هدا ليش سألتك
أنا بديت نمسح ف دموعي ونتسخف ورفعت الماعين وغسلتهم
فى العشية جو بنات يوسف وولاده ونساوين ولاده بيدعو يوسف ع أساس
قعدنا ف الحديقة ونحنا نهدرزو
أنا أبتهال وأسماء قاعدات على قلبي المزيتات عرفتو شن نظامهم أنى لبسي ماركة أنى ف العطلة ماشية لتركيا وكل وحدة تشقلب ف عيونها من جيهة
أنهار جنات تعالي ألعبي معانا كورة الولاد من بكري يفوزو علينا
جواهر إمشى ألعبي خلي عمتك عيب
أنا خليها بينها ونضت معاهم ع الأقل نفتك من درهات الكبد
أيهم هيا جنات بتلعب وأصلا بتخسرو
محمد انا نلعبهم حتى بروحي ونفوز عليهم
أنا مساكين زمان ف شارعنا كانو يسمو فيا الكابتن ماجد
قسمنا روحنا وبدينا ف اللعب
زياد جاه تلفون وجاء جيهتنا وكان عاطينا بالظهر
أنا أنهار شوطي وبديت نلعب ف ايهم ومحمد واشرف
انهار وكنز وباقى البنات جنات جنات
زياد يسمع ف العياط وشاف جيهتنا ولقانى نلعب ف الولاد ودرت قووول وقعد يضحك ويشوفلي
محمد جاكم بالحظ بس والبنات فرحانات
زياد عيب عليكم تغلبكم بنت
أيهم تعالا ورينا شطارتك ياخال
زياد مانبيش نبكي جنات
أنا ههههه كثر من المناديل لأنك حاتمسح بيهم دموعك
زياد خش معانا ف اللعبة انا كنت متحشمة منه ف الأول وسجل زياد قووول وبدا يستفز فيا
زياد شوفها بتبكي مسكينة
أنا تعالا خودها منى زياد يتبع
