جحيم أمي9
زياد مات باضحك صح باب شيباني لكن من داخله شباب لكن وعد نقنعه تكملي قرايتك
أنا شكرآ زياد ورقدنا
الصبح نضت وانا متكسرة وحالتى حالة دوشت بالمية السخونة حسيت بشوية راحة
وأنا طالعه من الحمام ولابسة روب الدوش ولافة شعري بالمنشف تلاقيت مع زياد طبعآ انا مادوشت ف حمام دار النوم لانى مانبيش نشوف وجه شيبانى النحس
أنا تلخبطت وتمنيت الارض تبلعنى أمس شافنى بروب النوم واليوم طالعة من الدوش صباح الخير
زياد عنده حركة إنه ماينزل ف عيونه من عليا صباح النور أسفة كنت نحسابك راقدة
أنا ليا هلبة نايضة وفتت من جنبه
يوسف ناض ودوش وقعد يفطر معانا
انا من غير ولاكلمة حطيت الفطور وطلعت
زياد بوي بنفتح معاك موضوع وياريت ماتردني
يوسف كان شي بيعكر مزاجى فوته
وزياد قعد يتناقش هوا وبوه
انا مريومة شن أخبارك
مريومة شن صار معاك بعدين أسألي ع حالي
انا بديت نحكيلها
مريومة يكسر يديه الحيوان وزياد طلع فيها راجل
أنا والله توا نوريه عليها حق شن حال ماما وخواتي
مريومة من يوم طلعتي من حوشكم ماشفتهم
أنا تصوري لايردو ع مكالماتي ولادوروني
مريومة فوتيهم يجيهم يوم
أنا مريومة نبيك تبعتيلي..... مع راجلك
مريومة شن تبي فيه
انا توا تعرفي بعدين
زياد جنات ياجنات
أنا نعم وف خاطري ياعيون جنات
زياد نبي البشارة
أنا تمام أعتبرها عندك
زياد وافق الشيباني وحط يده ع فمه قصدي بوي إنك تقري
انا وبردة فعل لاشعورية بديت نقز من الفرحة أحلا هدية منى ليك
يوسف جاء ولقانى فرحانة وبوجه عبوس هدى نهاية الى يأخد فرخة صغيرة
أنا ف خاطري توا توريك الفرخة غير راجي
زياد يشوفلي وهوا فرحان وكأنه دار إنجاز كبير
يوسف ف الليل نلقاك واتية ولابسة ومكيجة وحقى الشرعي نبيه
انا هزيت راسي بمعنى تمام
مريومة أطلعي زايد البرا
أنا تمام لبست عبايتي وطلعتله وخديت الأمانة
ضميت الحوش وطيبت الغداء ويوسف ماروحش
زياد كيفك
انا تمام تعالا تغدا
زياد اوووو رشدة كسكاس نموت فيها وين بوي
أنا متغدى البرا
زياد تعالي كولي شن بنتغدا بروحي
أنا تبي الحق ولاولد عمه
زياد نبي الحق
انا بنقول ولد عمه
زياد هههه باردة
أنا انتو ليش تاكلو ع الطاولة مش مريحة
زياد كيف يعنى
انا الرشدة نحب نتربعلها باش نستمتع
زياد باهي فرشي لوطة
انا تمام فرشت وقعدنا نتغدو ونهدزو ومشيناها ضحك وبديت نحب الحياة من لما خش زياد لحياتي
ف الليل لبست روب أسود زي ايامات الشايب العايب يتبعجحيم أمي10
ولعت شموع وتيت والعشاء ف دار النوم
يوسف ياهلا بالعسل عارفك تبي تنكدي عليا بالأسود لكن طالعة تهبلي فيه
أنا تعالا نتعشو قعدت نوكل فيه وهوا زي العيل فرحان
يوسف كولي إنتى
انا لامانبيش ضرسي يوجع فيا
يوسف هاتى خدك نبوسك باش تبري وباسنى
أنا حبي غدوة نبي السوق باش نشري دبش للجامعة
يوسف تنهد تمام حاضر
انا فرحانة هلبة
يوسف خش لسرير وانا ضميت الماعين
يوسف تعالي جنبي حبيبتي
انا رقدت جنبه وبدا يقرب عليا أنا غمضت عيوني وبديت نحس ف النفس متاعه
يوسف ااااه يابطنى وناض يجري للحمام
أنا متشرتعة بالضحك صار أنا فرخة طبعآ وصيت مريومة ع الملين وكترت منه لدرشة أنه حايموت من الإسهال
يوسف طلع انا مش عارف خيرني ومازال ماكمل كلمته لين رجع للحمام
أنا رقدت وفته ونراجي ف غدوة أمتى يجي
فى الصبح كان يوسف راقد مانعرفش امتى رقد
انا نضت وتيت روحي ودرت الفطور ونوضت يوسف
يوسف خليني نرقد مش راقد أمس
انا نوض هيا بالله عليك
يوسف خلي زياد يرفعك
انا لاعيب كيف نركب مع زياد
يوسف وشن فيها بري قوليلها قالك بوك أرفعني للسوق
أنا لامانقدرش نوض إنت قوله
يوسف خيرك هكي انتي بري ناديه
انا زياد صباح الخير بوك ينادي عليك
زياد صباح النور هيا جاي
يوسف ارفع جنات للسوق انا تعبان وماعندي نية
زياد خيرك مريض
يوسف أمس بطنى إسهال ومارقدت
زياد شن واكل البرا
يوسف ماني عارف شن كليت
انا الحق مش مرتاحة إنى بنركب مع زياد بروحنا لكن ركبت من الخلف
زياد قالولك سواق العيلة
انا مافهمتش
زياد اركبي من قدام خيرك راكبة الخلف خايفة ناكلك
أنا خايفة من كلام الناس
زياد فاضية حتى إنتى خليك واتقة من نفسك كلام الناس مايتمش
أنا الله غالب هدا الى تربيت عليه وركبت من قدام ومشينا الطريق كله ونحنا ساكتين
زياد خيرك ساكتة
أنا شن بنقول
زياد أي شي
أنا أي شي
زياد ههههه لامش هكي ياغبية
أنا عيب مرات بوك أنا
زياد مش قادر نقتنع بيها
أنا حي وقف وقف وقف
زياد خيرك شن فيه
أنا شفت نسرين ماسكة ف إيد واحد وتتمشى هيا وياه ف المحالات وهدا ونحنا نحسابوها تخدم
زياد خيرك شن فيه
أنا نحساب شوفت صاحبتي ليا هلبة مانعرف أخبارها
زياد أها تمام
أنا لازم نمشي لحوشنا ونشوف ماما
أنا نوعية البنات الى تموت ف حاجة إسمها سوق وماتتعب بكل بديت نخش من محل ونطلع من محل وزياد معايا
زياد خلاص ماتعبتي إنتى
أنا لامازال
زياد مطول رجليك شريتي السوق كله
أنا حى الظهر يأذن
يتبع
