جحيم أمي17
زياد وقف وجاء جنبي إنتى الى ليش درتي فيا هكي
أنا شن درتلك حبيتك بس إنت تعاقب فيا عشان حبيتك قولي جاوبني
زياد أتبتيلي أنك تحبيني
أناكيف نتبتلك مستعدة ندير أي شي عشانك وقرب مني وحول عنى المصلية وقعد يفتح ف بطم البجامة ودفني ع السرير وصار بينا الى يصير بين أي زوز متزوجين
زياد ناض من جنبي وفتح الدرج وطلع فلوس وحطهم فوقي
انا بأستغراب هدا شنو
زياد حقك يارخيصة تأكدت من كلام فردوس لما قالت عنك أنك متع ولاد وعرفت انك لما كنتي تعطي ف بوي المنوم عشان تأخدي راحتك وتطلعي ف الليل كنت متمنى وأنا نقرب منك تبعديني عنك وتقولي أنا متزوجة بوك لكن إنتى سلمتى روحك بسرعة
أنا حرام عليك معقولة تصدق عليا حاجة زي هدي أنا بوك ماحبيته ولاعمري حانحبه وكنت نرقد فيه باش مايقربني لأني قرفانة منه ومانبيش نجيب منه صغار وفعلآ أنا رخيصة مش لأني متع ولاد وكنت نطلع والكلام الى قلته لكن عشان حبيتك لدرجة إنى سلمتلك روحي ولأنى وثقت فيك لبست وطلعت
تسريع للأحداث فات شهر وزياد خطبوله خواته
أنا بعد سمعت تمنيت الموت مانعرفش ليش بعد مانقول خلاص بتفرج وبنفرح تتصكر ف وجهي كرهت الحياة خلاص
زياد يابوي نبي العرس الشهر الجاي
يوسف وحوشك وين مازال ماتميتها
زياد بنأجر
يوسف لاتأجر لاشي اهو الحوش كبير وأقعد أنت ومرتك الفوق وانا وجنات نقعدو لوطة ولاشن رأيك جنات
أنا الحوش حوشك ودير الى يريحك
زياد عجباته الفكرة باش يقعد يراقب فيا ويبي يكشفنى ع حقيقتي قدام العيلة
تسريع مرة تانية وصل أسبوع العرس ووتينا لزياد
مريومة لازم تكوني قوية أنتى عارفة روحك ماغلطتى ومادرتي شي تحسبي فيه الحيوان
أنا مخنوقة مليت نبي نموت كيف بنتحمل وانا نشوفه لغيري وبيسكن معانا ف نفس الحوش بنطلب الطلاق خلاص مليت
مريومة لاماتتسرعي وين بتمشي وأنتى عارفة أمك وخواتك
انا معاش نقدر نتحمل خلاص
تزوج زياد وكان تشوفها مرته شينة ومتصنعة وجها كله فلر واباري تشبه لأحلام
هوا نسانى وتزوج غيري وانا نبكي وكتئبة وخلاص بس قررت أنه خلاص لازم ندير حد للمهزلة الى صايرة ياسر نكد ودموع وقهر ورسمت خطة وبنفدها من يوم الجمعة
ف الصبح رفعت الفطور للعرسان الجدد
انا متبسمةونضحك صباح الخير ياعريس
زياد صباح النور
انا هدا فطوركم وقول لتسنيم بعد شوي بتجيها المزينة عشان المحضر
زياد تمام
درنا المحضر ولبسناها البدلة الكبيرة ومنظرها يعيف
ف العشية حبيبي يوسف نبي نمشي عند يتبعجحيم أمي18
حبيبي يوسف بنمشي عند أمي وبنقعد يومين غادي
يوسف من وين طلعتيلي بأمك توا
أنا عشانى خاطري ياعيوني
يوسف أمممممم بشرط
انا ف خاطري نسب فيه ونعاود قول شرطك
يوسف عطيني بوسة
أنا بوسته هيا توا أرفعني أنت
يوسف ردبالك من روحك بنستاحشك
انا انزل معايا
يوسف فكيني منها امك ليش ماجتك للحوش حتى مرة
انا نرن ف الجرس
فردوس تي باهي وفتحت هوا إنتى
أنا بدون نية كيف الحال
فردوس شن جايبة دبشك ماتقولسش طلقتي
أنا جاية لحوش بوي بالك عندك مانع وين امك
فردوس طلعت هيا ونسرين وبنلحقهم حتى انا لحوش خالتي
أنا اممممم باهي وخشينا
فردوس خشت الدوش وانا خشيت لدارها بديت نفتش ع أي شي نشده عليها لكن مالقيت وبعد مافقدت الأمل طاحت عيني تلفونها ماقدرتش نفتحه لانه فيه رمز بس خطر ع بالي الممري وخديته وحطيته ف تلفوني ونشوفلكم صور بلاوي سودة وانا مصدومة ف فردوس ليش تصور ف صور زي هكي
زياد نعم شن تبي
انا بعد شوي بنتصل بيك وبنخلي الخط مفتوح بالله عليك رد وهدى أخر مرة نكلمك فيها
زياد تمام
فردوس طلعت وهيا تغنى ومبسوطة
انا تصلت بزياد ولما تأكدت أنه فتح الخط ناديت ع فردوس
فردوس شن تبي ف امي تنادي
أنا شوفي شن لقيت ووريتها الممري
فردوس عيونها طلعو وبدت طلع ف الكلام بالسيف
أنا صورك وانتى لابسة وأنتى مش لابسة هدا غير الفيديوات شن رايك نوريهم لأمك ولانقولك نوريهم لعمامك وخوالك لأن الوضع هدا ماينسكت عليه
فردوس جنات وراس بابا أستري عليا وراس من غالي عليك أستري عليا
أنا توا فهميني شن قلتي لزياد وليش شوهتي سمعتي ليش
فردوس لانى نكرهك من طول عمره بابا كان يحبك أكثر وحدة ويقوللنا إنك سيدتنا ويديرلك ف كل شي تبيه ودارلك دار بروحك وف العيد تلبسي أحسن منا وزاد كرهي ليك لما شفتيني راكبة مع واحد وهددتيني نبي الناس كلهم يكرهوك
زياد يسمع ومصدوم
أنا ليش بابا كان يدير هكي مش لما كان ف تونس ماما شرتلكم سراير جدد وانا قاتلي يشريلك بوك تدكري لما كنت نرقد ع الارض وأنتو ترقدو الفوق وتشمتو فيا وف الاعياد ماما كان تشربلكم من قبل العيد وانا تقولي يشريلك بوك كان تحبكم اكثر مني وبابا كان يعوض فيا مش مصدقة إنك شوهتي سمعتي إنتى أختي يافردوس يجري فينا نفس الدم
فردوس بالله عليك أستري عليا والله نكلم زياد قدامك ونحكيله كل شي
انا ونسرين شن وضعها ف من تكلم
فردوس حتى هيا تكلم ف واحد وتطلع معاه وهيا الى حطت التلفون تحت وساداتك يتبع
