جحيم أمي23
زياد أهلين دكتور غازي
أنا السلام عليكم
غازي يشوفلي وعليكم السلام
كان طويل وأسمر نقشه ع الأسود يعنى طرررف
زياد هدى المريضة شريفة الى حكيتلك عليها
غازي تمام من اليوم بنحطها ف عيوني وقعد يشوفلي
زياد تمام ياصاحبي
دارلها فوحصاتها وأكتبلي الدواء وهوا يمدلي ف الروشيتا لمس يدي
زياد حس إن الدكتور غازي يشوفلي بنظرات غريبة
روحنا وفاتو الأيامات ونحنا نوتو لعرس نسرين ووضع فردوس قاعد مش عاجبني قررت نكلمها ونشوف خيرها
انا خيرك يافردوس تبكي ومعاش تطلعي وحتى الماكلة قطعتيها
فردوس تبي تشمتى فيا أطلعي وخليني ف حالي
انا خيرك يابنت انا أختك ولو عندك مشكلة نحلها ليك أني
فردوس بدت تبكي حبيته لكن هوا يهدد فيا بتصاويري وطلع يضحك عليا وخطب وحدة تانية
أنا كمت متوقعة هالشي تدكري شن وصيتك أنا
فردوس تشمتى خودي راحتك عارفتك تراجي فيها
أنا لامش حانشمت أعطيني رقمه وأعتبري الموضوع نحل
فردوس شن بديري
أنا قتلك توا نتصرف خلاص معاش دوري ونوضي توضي وصلي وفوتيهم الولاد الى يحبك يجيك من الباب
فردوس قعد تشوفلي وبعدها حضنتني وقعدنا نبكو أول مرة نحس بنعمة الأخت وقررنا نفتحو صفحة جديدة قعدت هديك الهبلة الكبيرة مازال مارجعت للطريق
بدا عرس نسرين وكنا مبسوطين أكثر منها لأنى مانقدرش نتحمل مسؤوليتها
راجلها أسمه صهيب سمين وشين لكن كان أحلا واحد عندي لأنه بيفكنا منها
تم العرس ع خير بس بدا الكابوس عند نسرين لأن راجلها طلع سلفى ههههههه
زياد اهلين جنات
انا اهلين زياد
زياد الدكتور غازي يبي رقمك
انا اوكي تمام
زياد وافقتي بسرعة ولاالقلب بدا يدق من جديد
أنا ف خاطري تهبل وانت تغار لامش هكي لكن مرات شن بيقولي ع ماما
زياد تي باهي باهي
أنا صكرت وقعدت نضحك وقطع عليا صوت رنين الهاتف
انا السلام عليكم
الدكتور غازي وعليكم السلام كيف حالك أنا غازي
انا أهلين بيك
غازي شن حال الوالدة ان شاء الله تحسنت
انا نفس الحال يادكتور
غازي غدوة جيبيها لانى بنبدا معاها ف العلاج الطبيعي
أنا تمام دكتور
غازي انا ف الأنتظار ع أحر من الجمر
انا نعم دكتور
غازي نراجي فيك وصكرنا
انا وفردوس متفاهمين وقسمنا شغل الحوش بينا
مريومة نبيك ف موضوع
مريومة تفضلي
أنا الرقم هدا أعطيه لراجلك قوليله يقوله يفوت فردوس ويأخد منه صوره المهم فهميه إنتي
مريومة ف النهاية مالقوك الا إنتى
انا الى فات مات وحكيتلها ع الدكتور غازي
مريومة غدوة بنمشي معاك يتبعجحيم أمي24
ف الصبح لبسنا وطلعنا
مريومة متحمسة بنشوفه الطرف
أنا شن تبي فيه ياصايعة ياضايعة توا نخبر راجلك
مريومة لاياقردة بس نلخبطهولك
انا زي ماحشيتيلي يوسف
مريومة اه كيف شن تقولي أنتى
أنا خبروني بناته ياكلبة
مريومة والله نحسابه بيدلعك سامحيني
أنا مادوري شي غير ماديري شي من وراي
مريومة من عيوني ووصلنا للعيادة
الدكتور غازي صباح الخير
مريومة أول مرة نشوف دكتور يستقبل ف المرضى ياعيني ياعيني
أنا عاضة ع سنوني فضحتينا صكري فمك
دكتور غازي أستنوني هنا وتوا ندخلها للدكتورة مها المحتصة ف العلاج الطبيعي كانت أمي ع الكرسي المتحرك
مريومة شن معناه أسم غازي
أنا شكله أمه كانت تحب المشروب الغازي وتوحمت عليه
أنا ومريومة هههههه
الدكتور غازي أحم أحم
انا ومريومة بسم الله من وين طلع
الدكتور غازي مانحسابش أسمي نكتة
مريومة لايادكتور هدي جنات تحب تبصر هلبة مش قصدها شي
أنا تحشمت ولاكلمة
الدكتور غازي على الأقل كتشفت أن دمها خفيف
مريومة أنت ماريت شي كان تقعد معاها ساعة بس تموت بالضحك
انا قرصتها متع أسكتي خلاص
مريومة ريتها قرصتني تتحشم بسلامتها
الدكتور غازي تفضلو قعمزو لين تكمل المريضة
وقعد مقابلني ع الكرسي
مريومة ممكن سؤال يادكتور
غازي تفضلي
مريومة أنت متزوج ولاخاطب ولاأعزب
غازي ولاوحدة منهم أنا مطلق
مريومة حتى جنات مطلقة
غازي نصدم قصدك كنتي متزوجة أنتى
أنا أيه
مريومة كانت متزوجة بو الدكتور زياد
غازي زاد نصدم أكثر
أنا مريومة نوضي نتمشو شوي
مريومة خلينا مع الدكتور غازي جوه حلو
غازي يضحك ويشوفلي
أنا طلعت وخليتهم
غازي ممكن تحكيلي قصتها صاحبتك
ومريومة ماصدقت فلقتله الشكارة كلها
كملت ماما الجلسة متع العلاج الطبيعي
غازي الخميس عندها جلسة تانية
أنا تمام وكيف بنفتح الباب حط غازي يده ع أيدي ع اساس هوا الى بيفتح الباب أنا من الحشمة حسيت روحي زي النملة
مريومة هيا بالسلامة دكتور غازي الخميس نجي مع راجلي باش تتعرف عليه ونعزموك عندنا
غازي يضحك
أنا والله معاش بنجيبك معايا هدا شني فتحتي فمك معاش صكرتيه
مريومة نجس ف نبضه كنت شكله مكبد فيك وانتو الزوز مطلقين راكبين من غادي
انا مستحيل نتزوج خلاص حياتي توا لماما وقرايتي
نجو نضحكو شوي ع نسرين
صهيب بنطلع نلقى روشن مفتوح ولا باب نهارك أحرف
نسرين تلفزيون لا نقال لا طلوع لا اقتلني وخلاص
صهيب لانخليك هكي لين تموتي بروحك واهو حدرتك وطلع وسيبها وهيا تبكي
يتبع
