جحيم أمي7
جواهر ماضربناها ع إيدها بعدين أول مطلبناها طول وافقو
زياد إنتو عارفين بوكم سكار وحشاش توا البنت شن دنبها قاعدة صغيرة
بشرى مرات يتصلح ع إيدها إنت ماتتدخل
أنا جواهر بشرى تعالو العشاء
وتعشينا وكان الجو حلو بس أنا أمى معقدتني هيا وخواتي كل مانشوفهم يحكو مع بعضهم بصوت واطي نقول الكلام عليا
أنهار بنت جواهر إنتى شن بنقولك حناى ولاخالتي
جواهر فنصت فيها نوضي ألعبي
أنا ناديني جنات وبوستها ونسجمت مع الصغار
زياد كان يشوفلي بس لكن ماحكيت معاه ولاحكى معايا الكل روحه لحوشه وزياد خش لداره
يوسف حبيبتي أنا أسف وعد معاش نسكر وحانسيبه
انا تمام باهي ورقدت
يوسف قرب منى ماتبيش تسهري معايا
انا يوسف نطلب منك طلب
يوسف عيوني ليك
أنا نبي نكمل قرايتي
يوسف لاقراية لاشي القراية ليش ماكملتيها عند أمك المراءة ماعندها الا حوش راجلها
أنا نضت من جنبه وقربعت الدار توا نوريك ياشيباني النحس فتحت التلفزيون وقعدت نتفرج ع سبونج بوب نغير ف جوي
زياد يتقلب خيره النوم طاير نوض نطبخ نعناع باش نسترخى
انا منسجمة ونضحك وزياد واقف ليه هلبة الحمد لله أنى لبست المصلية قبل مانطلع
زياد أنا لما شفتك قلتلهم صغيرة لكن ماحسبت انك صغيرة لهدرجة طلعتى طفله
أنا نخلعت وشفتله هدا إنت
زياد قعد ع الصالون الفردي شن ديري لتوا مارقدتي
أنا النوم طاير
زياد شن حالك مع بوي متريحة
انا تمام الحمد لله وف خاطري شيباني النم يسكر ويسب والى زيه ف الجوامع ليل نهار
زياد باهى كويس
أنا نستأدنك نعست تصبح ع خير
زياد وأنتى من أهله وف خاطره ليش مازال خاطري نحكي معاها
فى الصبح نضت ودرت الفطور
زياد صباح الخير
انا صباح النور
زياد وين بوي
انا مازال راقد ومشيت نوضته
قعدنا وفطرنا العيلة هدي مايأكلو غير ع الطاولة وانا من النوعية الى لازم تتربع ع السفرة باش تاكل كويس
كل حد طلع لشغله وانا قعدت زي البومة
مريومة أهلين بالعروسة
أنا ستاحشتك حبي وقعدت نحكيلها شن صار معايا
مريومة إنتى غبية لازم تغريه الشيباني باش ديريه زي الخاتم ف صبعك
انا مش متحمالته خيرك إنتي
مريومة عندي خطة ونفديها
فات اليوم وجاء الليل يوسف كان قاعد ف الصالة يتفرج
انا بعتله مسج تعالا حبي نبيك وكانت أول مرة نكتبها ولانقولها وقريب نقتل روحي
يوسف ناض يجري وفتح الباب وعيونه😍😍
انا كنت لابسة روب أحمر لفوق الركبة وكنت مولعة شموع ومدايرة شوية مكياج
يوسف يحليلي ع الجمال والحلاوة يتبعجحيم أمي8
أنا قربت منه ولفيت ايديا ع رقبته وتبسمتله شن رأيك ف المفجأة
هو دفني ع السرير وحول التيشيرت توا نوريك شن رأي
انا ف خاطري هدا زاد هبل ومش حايخليني نتكلم معاه ف الموضوع لازم نتصرف
يوسف قرب مني أنا دفيته خيرك مستعجل أصبر شويا وغمزتله نضت ولعت أغاني وبديت نرقص وهوا يتبع فيا بعيونه
يوسف خلاص مش قادر نتحمل وطفى التلفون
أنا حبي بنطلب منك طلب
يوسف ووواك أطلبي بسرعة
أنا بس وعد ماتزعل مني
يوسف ووعد
أنا نبي نكمل قرايتي وافق عشان خاطري أنت تطلع وتسيب فيا وانا نقعد بروحي ف الحوش زي الغولة شن قلت حبي
يوسف قرب منى وهوا يتبسم تبي تعرفي شن بنقول
أنا شفت الإبتسامه قلت هدا خلاص بيوافق وقتله إيه شن رايك ومازال ماكملت كلمتى يجيني كف ثلاتى الأبعاد لدرجة راسي رج من الداخل وبديت نشوف ف عصافير يرقصو ف الدبكة
يوسف يابنت الكلب دايرة الجو هدا كله عشان قرايتك ولاكان هدا قاعدة مش معبرتيني وشدني من شعري وبدا فيا ضرب واخر شي طيحني ع السرير وخنقني قعدت نقوام فيه وبعد جهد دفيته من عني وطلعت من الدار وهوا ورايا
زياد فيه صوت عياط وهوا جاي بيشوف شافني هاربة ومسكت فى إيده وبديت نبكي بوك بيقتلني
يوسف تعالي يا. ..........وين فيه كلمة ماتنفع سمعتها
زياد وقف قدامى وانا شادة ف التيشيرت متاعه وخايفة عيب يابوي مايصيرش هكي حرام عليك البنت صغيرة ليش تضرب فيها
يوسف مازال غير إنت جاي تعلمنى كيف نعاملها حول والله الليلة بنقتلها
زياد يبعد ف بوه ويهدي فيه وقدر يقنعه ويهديه
يوسف خش لدار
زياد تلفتلي ويشوف لوجهي دم ومزرق وكانت أول مرة يشوفني من غير حجاب وقعمزني ع الصالون توا نجيك
أنا نرعش مع بعض وحق ربي توا تندم ياشيباني النحس
زياد جاء وجايب شرشف لفني بيه وجاب الإسعافات الأولية وبدا يلمس ف وجهي بالقطنة المعقمة
انا بدون أى ردت فعل
زياد وجعتك
أنا تبسمتله الوجع الحقيقي ف القلب
زياد ليش درتي ف روحك هكي إنتى مازال صغيرة والدنيا قدامك
أنا مش بأيدي باعونى لبوك
زياد من باعك أمك
أنا للأسف
زياد لاحول ولاقوة الا بالله أنا من اليوم زي خوك وخوديه وعد مستحيل نخلي بوي يمد يده عليك مرة تانية
انا ف خاطري ليش تقول أختى اففففف وكانت أول مرة من بعد وفاة بابا نحس بالأمان وانه ف حد يعرف قيمتي حسسنى إنى إنسانة
أنا ممكن نطلب منك طلب
زياد تفضلي
أنا نبي نكمل قرايتي بس هالشيباني وحطيت إيدي ع فمي أسفة مش قصدي
زياد مات يتبع
