جحيم أمي15
زياد كان يفكر فيا حتى هوأ ويراجع ف اللحظة الى كان واقف فيها قدامي وحضني وكان يتبسم وقص عليه رنين هاتفه الى كان مسجله أخت جنات
فردوس أهلين بالدكتور زياد
زياد أهلين بيك إن شاء خير متصلة والوقت متأخر
فردوس الصراحة كنت نراجي ف إتصالك ليا هلبة لكن إنت ماتصلتش فقررت نبادرك أنا
زياد أها باهي شن تبي وقدرت تخليه ينسجم معاها ف الهدرزة بلسانها وأسلوبها
فى الصبح نضت وأنا متحمسة لشوفة زياد
دوشت ولبست وانا نجهز ف الفطور ف المطبخ وبينما كنت نقلي ف الدحي حسيت بحد حضني من الخلف وهمسلي ف ودني صباح الورد ياوردتي
أنا الصراحة ف مواقف زي هدي مانعرفش نتصرف شوفتله وبضحكة صباح النور
زياد ستاحشتك هلبة
أنا باهي حول توا تشوفنا بشرى
زياد وووواك ضروري تنكدي عليا يعنى
أنا عادات وتقاليد
زياد نحبك هلبة وأعطاني بوسة ف الهواء
بشرى الى يشوفكم مع بعض يقول عليكم متزوجين
أنا وزياد شفنا لبعضنا وضحكنا
زياد غير صبحي وأنتى أحرف من بوك
بشرى خيره بوي
أنا حتى هوا قال نفس كلمتك
فطرنا ومشيناها ضحك وهدرزة
فاتو أسبوعين وشيبانى النار مارجعش وكل مانتصلو بيه يقول عمل وأنا تعلقت بزياد وحبيته بجنون وحتى زياد نفس الشى ورجعت لدراستي وكان زياد يوصل فيا كل يوم ويروح بيا
فى الليل
زياد ممكن سؤال يافردوس
فردوس تفضل
زياد ليش أنتو تكرهو جنات وماتزورو فيها
فردوس حتى أنت لعبت عليك دور المظلومة
زياد كيف يعني
فردوس جنات هدى حية من تحت تبن وحدة كدابة تمثل ف البراءة
زياد فهميني ليش قبلتو تزوجوها لراجل كبير
فردوس جنات هدي تحب الولاد كانت دير ف علاقات هلبة وأمي ديما تنصح فيها لكن هيا ماتسمع ف كلام حد مرة طلعت ف الليل بدون علم حد وباعت شرفها وبابا كان بالصدفة يدخن البرا ولقاها كيف خاشة وصارت حالة ورفعوها لدكتورة النساء ولقوها مش بنت وبابا مرض وقعد فترة مصدوم أصلا هيا متع فلوس وتزوجت بوك عشان الفلوس
زياد لامانصدق
فردوس تى مرة ماما لقت عندها تلفون تاني وعطهولها صاحبها
زياد قتنع بكلام فردوس ودكر حبوب المنوم وبدا يفكر إنى كنت نعطي ف بوه الحبوب عشان نطلع مع الولاد وعصب هلبة وصكر عليها
ليش ياجنات طلعتى هكي ولعبتي عليا وعلقتيني بيك
ف الصبح زي العادة كنت نايضة مبسوطة ونراجي ف زياد باش نصبح عليه ونحكي معاه
زياد من دون نية وكان وجهه مقلوب صباح الخير
أنا صباح النور وقربت منه خيرك زعلان ولامش راقد كويس
زياد يشوفلي من فوق للوطة يتبعجحيم أمي16
زياد يشوفلي من فوق للوطة بنظرة إستحقار
أنا خيرك تشوفلي هكي
زياد ردبالك تقربي مني ولاتكلميني مرة تانية
أنا ليش شن درتلك زعلتك ف حاجة درت شي غلط
زياد طلع وخلانى
انا قعدت حايرة ونفكر ليش زياد تصرف معايا هكي ضميت الماعين وراجيت بشرى ناضت ووصلتني للجامعة بس ماحضرت ولامحاضرة لأن تفكير قعد عند زياد وشن الى غيره
كوثر تعرفت عليها ف الجامعة خيرك اليوم ماحضرتي المحاضرات
أنا والله تعبانة شوي
كوثر هيا نوصلك للحوش ووصلنا أول مافتحت الباب وخشيت نسمع ف كلب ينبح وجايني يجري
أنا بخوف ياماما وقعدت نجري ونقزت على زياد
زياد تي حولي قتلتيني
أنا مدخلة راسي ف رقبته نخاف منه خليه يبعد
زياد بوبي برا غادي
أنا شن يدير هدا هنا
زياد مرات ديريلي منوم حتى أنا وتطلعي ف الليل كلمته كانت كانه ف حد طعني بموس ف قلبي
انا شن قصدك فهمني
زياد أبعدي عني ومادخلك
مقيولةجت الحزينة بتفرح مالقتلها مطرح
خشيت لداري ورقدت بدون مانشوف حتى بشرى
ف العشية حسيت بحد يلعبلي بشعري ويبوس فيا فتحت عيوني وكان عمكم الشايب
انا هدا إنت
يوسف فى زوجة تقول راجلها أنت مافيش الحمد لله ع السلامة حبيبي
أنا ع أساس غير هامتك مش هدا غير جاي بعد يومين
يوسف بالله ماتنكديها عليا مستاحشك هلبة
أنا حي عليك شن مداير ف روحك
يوسف جددت شبابي وجيت شن رايك ف اللوك الجديد
أنا نضحك معقولة صابغ شعرك ولحيتك
يوسف العمر ينعاش مرة وحدة
انا ف خاطري أول مرة تقول حاجة صح لكن والله منظره يضحك
فى الليل قعدنا ع الطاولة ونحنا نتعشو
زياد يابوي من اليوم دواك أنا مسؤول عليه
يوسف وخيرها جنات
زياد شي لكن انا معاش نأمن ف حد
انا نسمع ومصدومة
يوسف شن تقصد أنت الا جنات ماحد يتكلم عليها
أنا الحمد لله شبعت
يوسف خيرك زعلتي
انا لا لكن تعبانة شوي
زياد ف خاطره زعلت لأنها معاش بتاخد راحتها
كانت معاملة زياد كل يوم من سئ لأسوء وانا مش فاهمة خيره
يوسف ألو حبي اليوم بايت البرا
أنا بتصكر صح
يوسف لا غير صاحبي مريض وبنقعد معاه
انا تمام وصكرت
الساعة كانت1.30 وانا ماجني نوم فقررت اني نتشجع ونمشي لزياد ونفهم منه وصلت لداره ودقيت ع الباب بس ماكلمني فقررت إنى نفتح الباب ونشفه قاعد والا طالع
زياد كان حاط السمعات ولما شافنى حولهم نعم شن تبي
أنا قربت ووقفت جنب السرير نبي نحكي معاك
زياد مافي شي نحكوه اطلعي برا
أنا قولي ليش تغيرت عليا هكي ليش كرهتني ف شن زعلتك ف شن غلطت يتبع
