جحيم أمي5
أنا قلبي بيطلع من مكانه وف خاطري خيره هدا يقرب
يوسف رفع من عني الطرحة وقعد يشوفلي تبارك الرحمن مبروك علينا
أنا ريت الشيبو مايطلع منه شكله يتفرج ع التركى هلبة ع قولت المثل جمل وطاح ف باسطى
يوسف شدلي يديا خيرك ساكتة
انا حولت يديا شن قاعد دير إنت معاش تلمسنى
يوسف قعد يضحك متخافيش أنا راجلك توا ويحقلي ندير كل شي أنا بنطلع وإنتى غيري باش نتعشو
أنا دموعي بدو يصبو ياربي صبرني قداش بنتحمل دوشت وغيرت وطلعتله
يوسف جيبيلي إبرة السكر ف التلاجة قريب نسيتها
أنا خاطري وعنده السكر أخرة ياحبيبي
تعشينا وشدني من إيدي ودخلني لدار النوم
فى الصبح نضت قبله دوشت وطلعت لقيته نايض
يوسف صبحية مباركة ياعروسة
انا الله يبارك فيك
يوسف تعالي جنبي
أنا تشوف فيا نساوي ف روحي توا بيجو بناتك
يوسف بتجي ولانوضلك انا
انا جيت وقعدت ع حاشية السرير نعم
يوسف أنى من اليوم راجلك وبوك وخوك وسندك الى يفرحك يفرحنى والى يزعلك يزعلني متخافيش مني وخودي راحتك معايا
أنا بديت نبكي وهزيت راسي بمعنى باهي
يوسف توا صارحينى ف حد جابرك ع الزواج مني
انا كيف بنتكلم قطع علينا صوت رنة الجرس نضت فتحت
جواهر صباحية مباركة ياعروسة وكانت جايبة الفطور
انا الله يبارك فيك تفضلي
جواهر لابنمشي نخليكم ع راحتكم عرسان ياكبدي
انا بتسمتلها وخلاص
فات شهر وانا نعامل ف يوسف زي بوي نعطي فيه دواه ونطيبلها ونغسله وخلاص كان حنين فيا وممكن كان هدا أول شهر يفوت عليا بدون مانسمع فيه هزايب وكلام جارح
يوسف تمام توا نكلم خوتك يقابلوك ف المطار وصكر
انا مديتله إبرة السكر ف من كنت تكلم
يوسف هدا زياد غدوة جاي
انا شن يقرا هوا
يوسف يقرا ف الطب ليا سنتين ماشفته حتى لما ماتت المرحومة ماجاش عنده إمتحانات
انا يرجع بالسلامة شن رايك نديرو عشاء غدوة ومنها نتعرف ع العيلة أكثر
يوسف سلمها الى تفهم ف الأصول وجاء بيبوسنى
أنا ريحة الطنجرة نحرقت وكانت سبلة باش نتهرب منه تعشينا
يوسف مانعرفش ليش ليا شهر وانا نرقد بعد العشاء طول
انا زمطت ريقي طبيعي ممكن من التعب
خفت يشك فيا نديرله ف منوم
يوسف اليوم بنطلع ليا فترة ماطلعت
أنا تمام براحتك غير ماتعطل
فى الليل متأخر جو الساعة2 سمعت الباب تصكر ويوسف كان يغنى ويضحك بس مافهمت خيره
أنا خيرك عطلت
يوسف ولسانه كان ثقيل أهلين بست الحسن والجمال وكان مسند ع الحيط ويدعدع
أنا بخوف سكران
يوسف وحياة عيونك ماثقلت الليلة يتبعجحيم أمي6
أنا ياحظي المغبر
يوسف تعالي حبي من ليلة دخلتنا معاش قربتك وبدا يقرب منى ومسكنى من إيدي أنا دفيته وطاح ع الأرض هربت وسكرت الدار بالمفتاح وهوا يخبط ويعيط تلوحت ع السرير وقعدت نبكي لين خدانى النوم
ف الصبح نضت ع صوت المنبه وكانت الساعة 7 دوشت وفتحت الباب وكان يوسف راقد قدام الباب تخطيته ومشيت للمطبخ جهزت الفطور ورفعت معايا شيشة مية مصقعة وقعدت نصب فيها عليه
يوسف ناض وهو يترعش زي المصروع مش فاهم شي شن فيه مش انا مش أنا
أنا بدون ولاكلمة حدفت الشيشة جنبه ومشيت كملت شغلي طبعآ مدكرين إن البطل اليوم بيروح
يوسف جنات وينك
انا ولاكلمة
يوسف مش نكلم فيك ليش ماترديش
أنا حطيت الفطور ع الطاولة وقعدت نغسل ف الماعين
يوسف شدني من شعري إنتى ع من ديري ف الحركات...... وبدا يسب وضربني كف نكدب عليكم كان نقولكم نزلت منى دمعة لأنى تعودت ع الإهانة
فات نص اليوم ف التجهيز للعشاء وجوني جواهر وبشرى عاونوني
بشرى كيف حالك مع بابا ان شاء الله متريحة
انا الحمد لله وف خاطري تفو عليكم وع بوكم
المغرب طلعو للمطار انا دوشت ولبست قونة ليكرا سودة وقميص أحمر وشوية لمسات فاتت نص ساعة وخشو عليا نساوين ولاد يوسف
أبتهال وأسماء نعرفكم ع ولاد يوسف
مؤيد مواليد 79 راجل ابتهال مواليد85 وحدة مسمومة وفالحة غير ف تشقليب العيون
منتصر مواليد 87 راجل أسماء مواليد 95مرعوشة وتتكلم هلبة وديما تعرف كل شي
بشرى مواليد89 راجلها هيثم
جواهر90 راجلها مراد وطبعآ عندهم صغار توا تعرفوهم بعدين
شوية ونسمعو ف البيب بيب بيب الصغار طلعو يجرو الى يقولو عمو والى يقولو خالو انا الصراحة قعدت ف المطبخ حسيت روحي غريبة ومش هدا مكانى وانا سرحانة قطعت عليا جواهر تعالي خوي يبي يتعرف عليك
أنا ماشية وراها وشفت زياد وياريتني ماشفته كان شاب طويل وعريض عنده عضلات عيونه سماح لونهم عسلي فاتح وشعره أسود وكثيف ولحيته مرسومة كان يهبل انا ماشية وسرحانة فيه وكان هوا شاد ولاد أخته ويلعب فيهم
أنا بصوت رقيق وحنون السلام عليكم
زياد شافلي وعيونه فيا ويشوفلي وعليكم السلام مديت يدي وسلمت عليه كانت يدي صغيرة ف يده بس الى ستغربته أنه مسك يدي بعنف شوية وخدا وقت باش طلقها
زياد مبروك وربي يهنيكم
انا الله يبارك فيك
زياد بشرى جواهر تعالو نبيكم
بشرى خيرك زياد وهوا معصب معقولة تأخدوله وحدة قد أحفاده حرام عليكم البنت صغيرة
جواهر ماضربناها ع إيدها يتبع
