الحلقة 1
أيلول طفلة عطاها ربي زين مكانش كيفو بيضة حليب و شعرها كحل واصل لآخر خصرها قصيرة و جسمها متناسق معمرة وين لازم بصح اكثر حاجة تجذب فيها هيا عينيها الرمادي لي يسحرو اي واحد يشوف فيهم . أيلول عايشة مع عايلتها المتكونة من باباها مصطفى رجل اعمال كبير ربي عاطيه بصح متواضع و يحب الخير و يماها لالة فاطمة مرا مكانش كيف حنيتها حنيتها و خاوتها ادم 21 سنة و ليث 30 سنة و هي الطفلة الوحيدة و الصغيرة 17 سنة هي المدللة تاع الدار
ايلول : صباح الخير ماماتي و باباتي صباح الخير السامط تاع خويا
مصطفى و فاطمة : صباح الخير عزيزتي
ادم : صار انا صامط معليش و انا قلت نخرج ختي فليل تحوس شوي بصح حاجة كيما هك مايديرهاش واحد صامط
ايول : صامط !! شكون ذكر كلمة صامط هاذي ادومتي حبوبي ياك علابالك نحبك و بدات تذبل في عينيها هاذي ديما وسيلتها باه توصل للي تحب عليه
ادم : خلاص خلاص ماتبدايش تتمسكني مبعد نديك
ايلول : يااااا مرسي حبوبي و تلاحت تحضن و تبوس فيه
فاطمة : ربي مايحرمني منكم و يدوم المحبة بيناتكم مبعد بداو الدموع يبانو في عينيها
مصطفى : توحشتيه ياك ؟
فاطمة كيفاه مانتوحشوش راهو كبدتي راني تحرمت منو 15 سنة
ادم : خلاص يما مابقاش و يجي ياك قالك نزيد يامات و نجي
ايلول : بلاعقل برك تشوفو كي يجي كيفاه نديرلو 15 سنة مجاش يطل علينا هاه حتان بكالي ماماتي
مصطفى : خلاص يا جماعة افطرو و كل واحد يقصد ربي و ليث مبعد نحكي معاه و انا علابالي كيفاه نخليه يجي
كملو فطورهم ادم وصل ايلول لليسي و فات للفاك و مصطفى راح للشركة و فاطمة راحت للجمعية الخيرية تاعها....يتبع

أنت تقرأ
كرونيك بعنوان 😈😈#احببت_من_قالوا_عنها_اختي
Romanceكرونيك 1 جييييت وجبتلكم معايا كرونيك منقولة مليانة بالرومانسية الاثارة و التشويق و💏💏 كرونيك بعنوان 😈😈#احببت_من_قالوا_عنها_اختي نحبكم تشعلوهت وتحفلوها بتفاعلكم و جاملتكم 😍😍🔥🔥✨ الحلقة 1 أيلول طفلة عطاها ربي زين مكانش كيفو بيضة حليب و شعر...