كرونيك بعنوان 😈😈#احببت_من_قالوا_عنها_اختي

الحلقة الثامنة

#الثامنة ليث مانحاش عينو عليها و يشوفها كيفاه تلعب مع ادم و هو ماهيش مقيماتو طول ليث : هيا يا جماعة انا تعبت نروح صحا ليكم و تصبحو على خير اوكل : تصبح على خير طلع ليث و راح لشمبرتها يسنا فيها تجي بعد ربع ساعة هكاك حلت الباب و يخطفها دخلها و سكرو جات راح تعيط حط يدو على فمها ليث : شششش هاذا انا اسكتي راح تفضحينا ايلول قلبها يخبط و صدرها طالع هابط شوي من الفجعة و شوي من قربو ليها ليث : راح نحي يدي و انتي اسكتي جيت نحكي معاك و نروح طلعت ايلول راسها و هبطاتو بمعنى ايه نحي يدو و جبدها عند السرير قعدها و قعد معاها ليث : جيت باه نحكي معاك على واش صرا قبيل انا ايلول : هههه يووو مازلت تخمم في قبيل خلاص ماصرا والو علابالي نتوما في لندن متفتحين بزاف و هاذي حاجة عادية عندكم وانا عذرتك ليث : حاجة عادية ؟! ايلول : خلاص مكلاه نحكيو فالموضوع هاذا انساه هيا اسمحلي دوك راح نرقد غدوة نقرا ليث كان مشوكي من هدرتو و كيفاه عتابرت بوستو حاجة عادية هز روحو و خرج راح لشامبرتو دار دوش و قعد يطل على البالكو و يخمم في واش صرا و ردة فعل ايلول شوي و يشوفها خارجة مع ادم محضنين بعضاهم و ضحكاتهم واصلة لعندو ركبو العصب كيفاه قاتلو راح ترقد و مبعد خرجت مع ادم و زاد هبل كثر كي شافها قاعدة في حجرو تلعب معاه و ماهامها حتى شي دخل كسر كولش في شامبرتو ماخلا حتى حاجة و هز مفاتحو خرج ايلول ماكانتش مرتاحة فالقعدة مع ادم قاعدة معاه و تخمامها عند ليث اما ليث راح للبار صح كان يشرب في لندن بصح ماش لدرجة يسكر اما الليلة سكر يشرب و يبكي تفكر واش صرا قبل 15 سنة و نهار شاف ايلول اول مرة تفكر كلش فالوقت هذاك ايلول و ادم سهرانين فجأة صونا تلفون ادم شاف لقاه ليث هز عليه ادم : واش خو كنت تحلم بيا النادل : اسمحلي خويا انا راني قدام خوك راه سكران ماش قادر يتحكرك و مابغاش يروح و حنا راح نسكرو ماذابيا تجي تديه ادم : اه !! اوكي اوكي اني جاي واش من بلاصة راه ؟ النادل : في ***** ادم : اوكي خليه لثم اني جاي سكر تلفون و ناض ايلول : خير ادم واش كاين وين راك رايح فالوقت هاذا ادم : نجيب ليث و نجي ايلول : اه علاه وين راه