كرونيك بعنوان 😈😈#احببت_من_قالوا_عنها_اختي

33

33 فاتو سمانتين عاشو فيهم ليث و ايلول يمكن احلى ايام حياتهم كان لاهي بيها تقول بنتو و هي كانت مهبلاتو بدلالها و هبالها بصح السعادة مادومش و كاينين عباد هوايتهم يخربو الحياة السعيدة جا الصباح ناض ليث دوش ايلول بسيف عليها كالعادة لبس كوستيمو طلع شعرو ودار ريحتو دخلت ايلول ايلول : ليث علاه تعدل روحك هكا واش الفايدة اعدل روحك فالدار برك ليث : هههههه ظاهرلي غرت يا فرخة ايلول : اه علاه نغير هذا اصلا شكون راح تشوف فيك غيري انا احمد ربي كي شفت معاك ليث : اممم مالا شكون لبارح فليل يقولي انت احلى واحد شتو في حياتي ليث مكانش راجل كيفك هههه ايلول : اوووف منك مايقدر عليك غير ربي روح روح تخدم وصلني في طريقك للفيلا و لعشية ارواح تديني ليث : اوكي حبيبي هيا البسي باه نديك و اسمعي مكلاه تلبسيلي لميني ايلول: راحت تمشي و تمتم بين شواربها ) هو يلبس و يعدل و انا محرم عليا كلش ليث : ( سمعها ) اه كشما قلت لالة ايلول ايلول : ل لا ماقلت شي هيا انزل دوك نلحقك نزل ليث يضحك عليى شكلها و هي ممعصبةبعد شوي لحقاتو ايلول داها للفيلا عند باباها و يماها و هو فات للشركة فات نهار عادي على ليث جا لعشية باه يدي ايلول تروح ليث : يما عيطيلي لأيلول نديها فاطمة : ايلول راحت عندها ساعتين ليث : كيفاه !! كيفاه راحت بلا ماتقولي و اصلا كنا متفاهمين انا لي نديها فاطمة : والله ماعلابالي يا وليدي قالت بلي حاسة روحها تعبانة ولازمها تروح لدارها روح دوك تلقاها لثم ليث : اوكي يما تصبحي على خير فاطمة : تلقى الخير وليدي راح ليث يرحي فالطريق رحيان من جهة معصب منها كيفاه راحت وحدها و ماستناتوش و من جهة خايف عليها لا تكون مريضة(جاااام للحلقات 😘😘)