كرونيك بعنوان 😈😈#احببت_من_قالوا_عنها_اختي

13

13 ليث : دكتور طمني ايلول لباس ؟ الطبييب : لباس لباس هاذي حاجة عادية لوحدة حامل خاصة كي تكون صغيرة فالعمر ليث : ح حامل !! كيفاه حامل الطبيب : ايه حامل عندها اسبوعين و نص هكاك المهم انا راح نوصفلها دوا ضروري تاكلو و انت اتهلا فيها و في صحتها ليث : ...... اخرج الطبيب و ليث جامد في بلاصتو ساكت كلمة مانطقهاش سؤال واحد برك يدور في راسو شكون الاب شكون لي راهي تخون فيه ايلول معاه خرج ليث راح عندها و مزال مشوكي بصح مابينش حاكم كلش في قبلو ليث : نوضي نروحو ايلول : ليث كنت نسنا فيك واش قالك الطبيب ليث : ماقال والو شوي تعب من الستراس تاع الباك و التخمام قالك لازم ترقدي و تاكلي مليح ولا راح يبقاو يجيوك الدوخات ايلول : ااا الحمد لله كنت خايفة بزاااف ( حكمتلو يدو ) مرسي ليث كي جيت و ماخليتنيش ليث : هيا نروحو راح الحال دوك يتقلقو تاع الدار ( جبد يدو ) و خرج ماعونهاش حتى تنوض ولا كمل ليث الإجراءات و خرج هو وايلول داها لدار طريق كامل و هوما ساكتين كي وصلو هي طلعت لشامبرتها ترتاح و هو عاود رجع للشركة من هذاك النهار ليث ولا يتجنب ايلول مايحكيش معاها و مايروحش لدار بكري و منين يجي يجي سكران ايلول لاحظت هاذ الشي و قلبها وجعها عليه توحشاتو بزاف توحشت تهدر معاه توحشت غيرتو و عصبيتو و حنيتو توحشت كلش فيه لخطرة هاذي قررت هي لي تسناه في غرفتو و تفهم منو علاه جبد عليها و هي هكاك قاعدة سمعت الباب تحل و دخل ليث كالعادة سكران راسو ماش قادر يهزو ليث : اوووو شوفو شكون جا عندي ايلول : ليث لازم نحكيو ليث : احكي واش بغيتي ايلول : ليث علاه وليت هك كل يوم تسكر و ماتروحش طول لدار و ماتحكيش معانا واش بيك ليث : ههههه واش بيا ؟ ونتي واش دخلك فيا شكون نتي باه تحوسي عليا ولا تحوسي واش بيا ايلول : اهئ اهئ علاه راك تحكي معايا هك ليث كي شاف دموعها حن قلبو عليها بدا يقرب منها بالشوي حصرها عند الحيط و حكملها يديها دورهم وراها ليث : ششش خلاص ماتبكيش علابالك دموعك يقتلوني هو يحكي هكاك و هي تزيد تقوي فالبكا زاد حصرها كثر قرب منها و حط شفايفو على عينيها يبوس فيهم و يلحسلها في دموعها مبعد هبط راسو عند رقبتها جبد نفس يشم في ريحتها و حط فمو يطبع في بوسات خفاف عليها و هي وين تلقاها ذابت خلاص مابقاش فيها هوما هكاك و يتفكر ليث واش قالو طبيب هذاك النهار يتفكر خيانتها جبد روحو و دزها طاحت فالارض ليث : اجبدي عليا كان نزيد نحكم ربك في شامبرتي نقتلك مايشرفنيش ق*** كيفك تدخلها ايلول : (مشوكية ) اهئ اهئ ليث واش بيك ليث : اخرجي علييييييا كي شافاتو هكاك خافت خرجت تكركر في روحها بسيف و راحت لغرفتها ايلول : ياربي علاااااه علاه راه يدير فيا هك اني نعشقو مانقدرش بلا بيه اهئ اهئ اما ليث طاح رقد هكاك فالارض ماهو حاس بحتى حاجة