كرونيك بعنوان 😈😈#احببت_من_قالوا_عنها_اختي

الحلقة التاسعة

#التاسعة ادم : راه فالبار ايلول : علااااه واش صرا راهو لباس ؟ ادم.: معلاباليش ايلول دوك نروح و نشوف و نتي روحي ترقدي و بلاكي يسمع بابا ولا يما راح ادم يجري يجيب ليث و ايلول دخلت لشامبرتها تستنا فيها ميتة بالخوف عليه وصل ادم عندو ليث : ههه ادم جيت ادم : جيت جيت هيا نروحو لدار خويا ليث : هههه الدار ؟ انا ماعنديش دار حياتي دمرت من 15 سنة لكان نتوما راكم ترقدو انا مانيش نرقد هاني ادم : ماش وقت الهدرة هاذي هيا عيش خويا و هزو معاه ركبو فالطونوبيل و مشا شوي لحق لدار هبطو يمشي فيه بسيف لا وصلو لشامبرتو دخلو حطو على السرير نحالو الصباط و غطاه و خرج خلاه ايلول مريحة في شمبرتها رايحة جاية متقلقة عليه بغات تشوفو كي حست بلي هدات الحالة خرجت كالعادة تمشي بالشوي لحقت عندو حلت الباب و دخلت ضربتها ريحة الشراب و تعجبت من الفوضى لي شافتها و كلش مكسر قدمت عندو بالشوي بالشوي لقاتو مغمض عينيه هبطت باساتو من خدو و جات حاتخرج دار حكمها من يدها ليث : ماتخلينيش اقعدي هنا ايلول : خويا علاه درت في روحك هك ليث : مانيييييش خووووك ايلول : خلاص خلاص ماتتقلقش ارقد دوك و غدوة نحكيو ليث : دوشيني ايلول : كيفاااه !! ليث : اديني ندوش باه نصحصح شوي راسي يوجع فيا ايلول ترددت شوي مبعد هزاتو داتو لدوش دخلاتو و جات خارجة ليث : عاونيني مانيش قادر نتحرك دارت ولات عندو بدات تنحيلو في التريكو و قلبها يخبط و خدودها حمارو مبعد نحاتلو السروال و عينيها مغمضين سمعاتو يضحك طلعت راسها شافت معاه ليث : تحشمي مني ؟ ادم ماتحشميش منو وانا تحشمي مني ايلول ماعرفتش واش تقول مشاتو تحت المرش طلقت الما عليه و دخلت معاه مبعد عيطت ايلول : احححح بارد علاه ماقتليش جبدها ليث عند و حضنها و بحكم هي قصيرة عليه بزاف راسها جا على صدرو قاعدة تسمع في قلبو كيفاه يخبط جات راح تجبد روحها زاد زير عليها ليث : ششش ماتتحركيش دوك يولي سخون قعدو في زوج هكاك تحت الما واحد ماهدر هكا شوي سمعو الباب يطبطب ايلول تفجعت جات راح تبعد زاد زير عليها كثر و قال ليث : شكون ادم : ليث هاذا انا جيت نطمن عليك ليث : ماتخافش ادم راني لباس راني ندوش غدوة ان شاء الله نحكيو ادم : اوكي خويا تصبح على خير و راح ليث : خفتي يشوفك معايا ؟ ايلول : ايه ليث : علاه ايلول : باسكو انت خويا و خفت يفهمنا بالغالط ليث : ياك قتلك بلي مانيش خوك ايلول : ليث راك سكران ماعلابالكش واش راك تحكي خليني نروح و غدوة نحكيو ايلول جبدت روحها جابتلو منشفة دورها على وسطو و خرجاتو داتو لسرير غطاتو و خرجت مازادو حتى كلمة ..............يتبع