كرونيك بعنوان 😈😈#احببت_من_قالوا_عنها_اختي

27

27 بدا يمشي بالشوي عندها عينيه ماتنحاوش عليها و مام هي خافت تغمض عينيها ترجع تفتحهم ماتلقاهش وصل قدامها قوتو خاناتو طاح قدامها حضنها و ولا يبكي بالشهقة كي لولاد الصغار و هي قوات فالبكا كثر يبكيو في زوج من واش صرا فيهم يبكيو من العذاب الفراق و الشوق مبعد بعد عليها شوي شاف في عينيها و بدا يبوس فيها من كل بلاصة عينيها خشمها جبينها فمها يديها كلش يبوس فيه يبوس فيها بوسات تاع حب صافي ماش تاع شهوة يبوس فيها يحاول يحس بيها كثر و يتأكد بلي راهي قدامو صح ليث : ا ايلول ايلول : ليث جيت ؟ ( وطرشقت بالبكا ) ليث : جيت ياعمري جيت وراسك غير جيت ايلول : علاه طولت ستنيتك بزاااف ليث : خلاص يا روحي خلاص شششش ماتبكيش يا البكاية تاعي ( يقولها ماتبكيش و هو دموعو مابغاوش يحبسو ) يحكي و يفكلها في يديها و رجليها مبعد قعد و جبدها عندو قعدها في حجرو و يمسحلها على شعرها و يبكيو في زوج هوما هكاك و يسمعو صوت تصفيق طلعو ريوسهم يلقاو في ادم قدام الباب يصفق و يحكي فرد وقت ادم : واااو واخيرا اجتمع العشاق واش الرومانسية هاذي اوكل اااا هكا راح تبكيوني حتى انا معاكم قدم شوي و جبد مسدس وجهو عندهم ادم : نوضو ليث : حاط روحك راح تخلعني بيه ؟ ادم : نوضوووو ناض ليث و نوض ايلول و دورها وراه ادم : جيت عند موتك ماعلاباليش كيفاه لقيتنا بصح كان علابالي بلي راك هنا خليتك تدخل براحتك تدخل للموت برجلك و زيد هاني خليتك تشوف ايلول اخر مرة في حياتك و تودعها شفت شحال نحبك يا خويا ليث : واش باغي دوك لكان حاط راح تخوفني راك غالط و هذاك لي راك هازو مازلت صغير عليه انت واحد مهبول بلاصتك ماش هنا بلاصتك في مصح الامراض العقلية مع المهابل لي كيفك ادم : ههههههه ايه انا مهبول نعترف بلي مهبول بصح مايمنيش ايلول تحبني في كل حالاتي ياك صح امورتي ؟؟ واش بيك علاه راكي متخبية وراه ارواحي هنا عندي ليث : اربك احكي معايا انا هي علاه تحكي معاها نقولك حاجة ايلول ماتحبكش كانت تحبك دوك ولات تكرهك كيفاه بغيتها تحب واحد مريض كيفك و اذا راك.معول تملكها نحب نقولك راك روطار ملكتها قبلك وخلاص هي كانت و راح تبقى ليا انا برك ادم كي سمع هاذيك الهدرة هبل و عينيه حمارو و ناض يعيط ادم : اليوووووم نقتلكم يا الخاينيييين هنا راح نموتو في 3 هو هكاك و ليث جا عندو ضربو بونية على وجهو ولا ادم لورا مرهوج وليث تلاح عليه يحاول ينحيلو السلاح كل واحد فيهم يجبد فيه بغا يديه هوما هكاك و يسمعو صوت لابوليس جايين ليث بغا يلهيه جبدلو فالسلاح و يضرب فيه و مام ادم يجبد بعد شوي سكت الحس وبقا غير صوت الطلقة النارية لي خرجت يتعاود فالدار اوكل