كرونيك بعنوان 😈😈#احببت_من_قالوا_عنها_اختي

22

22 قلعت الطيارة و ايلول طول الطريق تخمامها في ليث بدات تتوحشو من دوك اما ادم سارح بعيد غير ربي لي عالم واش راهو يخمم بعد ساعات وصلو نزلو وركبو في الطاكسي و مشاو ادم : اليوم نروحو نرتاحو معادش بكري و غدوة نبداو التحواس دوك تشوفي ندورك على دبي اوكل ايلول : وين نباتو ؟؟ فالأوتيل ؟ ادم : لالا راح نروحو لواحد المزرعة تاع صاحبي لثم نلقاو راحتنا كثر ايلول : اوكي بصح كي نوصلو برك نعيطو ليما و بابا نخبروهم ياك؟ ادم : اكيد ( نوليو للجزائر) روح ليث من الشركة دخل مالقا حتى واحد استغرب طلع الفوق دخل عند ايلول مالقاهاش راح عند ادم مالقاهش ولا راح عند يماه طبطب و دخل لقاها قاعدة وحدها فالظلمة ليث : يما واش كاين علاه راكي هنا وحدك و وين راهم الباقيين فاطمة : ....... (ساكتة ) ليث : يما ماتخوفينيش احكي كشما بيك ؟ كشما صرا؟؟ فاطمة : ل ليث ا ادم ليث : واش بيه ادم كشما صرالو ؟؟ فاطمة : س سافر مع ا ايلول ليث : كيفااااه كيفاه سافر و وين راح و شكون قالو يدي ايلول احكيييي فاطمة : ماعلاباليش وين راح و ايلول راحت معاه بإيرادتها بلاك راحو يديرو سياحة يامات و يوليو ليث : تت**** بياااا كاش واحد يدير سياحة مع المريض هذاك علاه ماتفهميش راهو خطر عليها فاطمة : لالا ادم مستحيل يأذي ايلول راهو يموت عليها ليث : يماااا بركاي ماتغطي الشمس بالغربال نتي بفمك قلتي بلي وليدك كان مايديش واش بغا يولي وحش ماش واعي على روحو فاطمة : دوك خلاص فات الوقت داها صباح ربي و هي راحت بإيرادتها ليث : يا ز** كي تقولي راحت بإيرادتها افهني راهي 17 سنة 17 ماعلابالها في والو و زيد حاطة الن** هذاك خوها بصح والله ماتروحلو وليدك هذاك انا قاتلو و بدا يعيط و يكسر لي جا يعيطلها فالتلفون يلقاه مسكر و مام تلفون ادم لثم زاد جن كثر ( نروحو لدبي ) ايلول : ياااا تهبل المزرعة حبوبي ادم : هههه مزية عجباتك باسكو هاذي دارك منا وهك ايلول : كيفاه ادم : ق قصدي هاذي دارنا فالفترة هاذي لي راح نقعدو هنا ايلول : ااااا ههه اوكي هيا انا نطلع نبدل قشي و نعدل حوايجي و نجي طلعت ايلول و ادم بدا يضحك بهستيرية كالعادة ادم : ههههههه ايلول ليا ايلول ليا ايلول ليا ههههه ليا