كرونيك بعنوان 😈😈#احببت_من_قالوا_عنها_اختي

28

28 بعد مرور اسبوع فاطمة : يا بنتي يهديك ربي حلي الباب ايلول : ....... فاطمة : لوكتاه ر اح تبقاي هك ليث كان جا عايش او مايسمحلكش ديري في روحك هك ايلول : ...... فاطمة : يا بنتي ماتصلحش هك اذا ماش علاجالك علاجال وليدك لي في كرشك هو ماعندو حتى ذنب باه تعذبيه هدرت هدرت والو كالعادة ايلول قافلة على روحها الباب من هذاك النهار لي مات في ليث ماهبطت حتى دمعة بصح من هذاك نهار مازادوش سمعو صوتها جابت 3 ايام الاولين فالسبيطار و عرفو بلي راهي حامل روحت للدار و مازادتش حكات بسيييف باه تلوح اللقمة في فمها علاجال وليدها اوكل راكم تحوسو تعرفو ادم واش صرا فيه بعد ماقتل ليث هرب و لدوك ماسمعو عليه حتى خبر ماعلابالهمش اذا راهو في دبي ولا رجع لدزاير فاتو الايام و حالت ايلول بدات تتحسن شوي تقوات علاجال وليدها لي هو قطعة من ليث كان ماش هو راهي قتلت روحها ايلول : يما انا نروح للفاك فاطمة : يابنتي علاه تعبي في روحك و تقراي خلي كي تولدي و عاودي العام ايلول : ياك حكينا فالموضوع هذا من قبل مصطفى : خلاص بنتي ماتتقلقيش هيا نديك في طريقي راحت ايلول مع باباها وصلها و هو راح للشركة فات نهار عادي فالفاك جات لعشية مروحة على رجليها هكا شوي و يخرجلها تشوكات كي شافاتو ماصدقتش عينيها