كرونيك بعنوان 😈😈#احببت_من_قالوا_عنها_اختي

37

37  3 شهر ماشافهاش 3 شهر ماسمعش صوتها مالمسهاش هبل و ذاق الويل في غيابها ، قاعد يقيس في وجها مزال ماش مصدق ، شوي بدات ايلول تتحرك فاقت بصح ماحلتش عينيها قاعدة تحكي بصوت غالبو النوم ايلول : يما حطي لماكلة لثم دوك نوض ناكل انا و ولدي جيعانين ليث ماش مصدق واش يسمع بقات ترن في وذنو كلمة انا و ولدي جيعانين حطها راهي تحلم كي عادتها بصح حب يقطع الشك باليقين نحا عليها لغطا طيشو فلرض و قلبو دق بالوقت راقدة قدامو لابسة روبة واسعة و قصيرة فخاضها يبانو سمانت شوي اما حلات كثر بصح ليث ماهموش شي هذا اوكل عينيه تركزو مع كرشها لي مكعبرة و خارجة شوي دموعو قواو بالوقت كي شافها هكاك ، فرد هدرة قاعدة دور في راسو و يقول فيها بينو و بين نفسو ليث : صغرونتي حامل بنتي راح تجيبلي طفل ، قطعة مني ساكنة فيها ، هاذي هي الهدرة لي قاعدة تتعتود في راسو ولي ماقدرش ينطقها بصح عبرو عليها دموعو لي ماحبسوش (ايلول تحكي ) كنت راقدة كالعادة في شامبرتو اصلا الحبالة جاتني عليه كان مانرقدش فوق سريرو و نحضن حاجة من قشو مانقدرش نرقد ، انا هكاك راقدة و نحس بواحد يقيس فيا حطيتها يما جات كالعادة تنوضني ناكل قتلها تحط لماكلة اصلا منين حبلت نجوع بزاف بصح جاتني غريبة يما ماحبتش تحكي معايا و شوي نحس لغطا تنحى عليا ،حليت عينيا نشوف علاه يما عملت هك قلبي حبس و رعشة سرات فيا من واش راني نشوف قاعدة نثبت اذا فقت ولا مازلت راقدة ، ايه هو والله غير هو راجلي راهو قدامي بكامل وهرتو كي عوايدو اما شبيه حلا هك السخطة ربا اللحية اكثر من قبل حلاتو كثر اوووف واش بيا راني نحكي هك ماخممتش لا واش راهو يدير هنا لا كيفاه لقاني قاعدة نخمم بلي حلا كثر لا انا هبلت صاي معادش فيا هاذ الحبالة هبلتني اما واش بيه يبكي ، شفت معاه لقيتو مركز مع كرشي كأني ماش موجودة جات في بالي فكرة انو ممكن ينحيلي ولدي حطيت عليها يدي بالوقت كأني نقولو هاذ ولدي انا و مانسمحلكش تديه بقاو في زوج يشوفو مع بعضاهم و واحد ماقدر يهدر قطع تفكيرهم صوت الباب لي تحل و دخلت منو لالة فاطمة و البسمة ماش مفارقة وجها