كرونيك بعنوان 😈😈#احببت_من_قالوا_عنها_اختي

29&30

29 ايلول : ا ادم ادم : هههه ايه ادم ولا حاطة خلاص راح نخليك تعيشي براحتك ايلول : و واش باغي مني ادم : اوووو امورتي واش بيك دوك وليتي ماتعرفيش واش بغيت منك و غمزلها ايلول : ادم تعيش اخطيني دمرتلي حياتي وقتلتلي ليث واش باغي مني كثر ادم : مزال كاينة حاجة تخص ليث لازم نمحيها من الدنيا كيما محيتو ( و جبد الفرد صوبو لكرشها ) ايلول : لاااااااا ليث : ايلول فقتي ؟؟ واش بيك يا روحي ايلول : ل ليث راك حي !! ليث : حي يا روحي هاني قدامك خلاص اهداي ايلول : واش صرا وين راني ليث شافها كيفاه خايفة و متوترة قرب منها و جبدها لحضنو باه يريحها كثر و بدا يمسحلها على شعرها ديما يديرلها هك كي تكون مرعوبة ليث : كابوس وراس صغرونتي كابوس ايلول : ليث ماني فاهمة حتى حاجة اخر حاجة متفكرتها صوت الرصاصة كي خرجت ومبعد ماوعيت على حتى حاجة ليث : دوك نفهم حبيبي كلش المهم نتي ماتخمميش بزاف تشفاي هذاك النهار لي جيت فيه عندك للمزرعة ايلول : ا ايه ليث : هذاك النهار صاحب ادم هو لي عيطلي و خبرني على بلاصتكم و هو لي جاب لابوليس باسكو جا من قبل عند ادم و شاف حالتو كيفاه و خاف يدير كاش حاجة في روحو ولا في كاش واحد وكي كنا نضاربو خرجت رصاصة بصح ماقاست حتى واحد مي نتي طحتي دختي و جاك انهيار عصبي من واش فتي عليه و دخلتي في غيبوبة ايلول : غ غيبوبة !! علاه من وكتاه وانا هنا ليث : من ثلاث سمانات حبيبي ايلول : و ماجات تهدر قاطعها ليث : ادم داوه لمصح عقلي راهو يتعالج ايلول دخلت في حضنو كثر وهو زاد زير عليها و مبعد طلعت راسها كلي تفكرت حاجة ايلول : و وليدي ليث : مافهمتكش !! ايلول : انا مانيش حامل ؟؟ ليث : هههه لالا منين جبتي لهدرة هاذي بلاك كنتي تحلمي برك بصح لابغيتي نجيبو طفل نجيبوه دوك ايلول حشمت من هدرتو و خدودها حمارو ليث : ههههه واش بيها مرتي حشمت من راجلها ايلول : مانيش مرتك ليث : وراس حبي غير مرتي ايلول : ايه تفكرت علاه قلت لأدم هذاك النهار بلي انا مرتك ليث : باسكو نتي مرتي ايلول : يييي بركا من السماطة ليث : هههه ىاني تزوجتك يا المهبولة تشفاي نهار كنتي فالسبيطار كي صرالك نزيف و جبتلك اوراق المستشفى توقعي عليهم كانت بيناتهم ورقة زواجنا و من هذاك النهار ونتي مرتي هههه ايلول : ( مشوكية ) يعني انا مرتك صح ؟؟ ليث : ايه نتي مرتي و بنتي ثاني ايلول : ماها مانيش بنتك ليث : ههههه شوفي روحك راكي فرخة والله تباني بنتي و زيد قزمة هههه ايلول : صار دوك وليت مانعجبكش مسيو ليث و قلبت شواربها تاع وحدة زعفانة