كرونيك بعنوان 😈😈#احببت_من_قالوا_عنها_اختي

21

21 يوم جديد راح يحط نهاية لبزاف حوايج الصباح بعد ما فطرو ليث و باباه راحو لشركة و ايلول طلعت توجد في قشها اليوم راح تروح هي و ادم قلبها قابضها ماحبتش تروح بصح حبت ديرها زكارة في ليث كيعاد ضربها و اصلا هي راهي مع خوها و هاذي ماش اول مرة تسافر معاه وحدهم ( هك كانت تحكي الول بينها وبين نفسها ) حتان قاطع تفكيرها صوت ادم يحكي : واش بيها مهبولتي من الصباح سارحة ايلول ماكيش حابة تروحي معايا ؟؟ ايلول : لالا واش الهدرة هاذي حابة نروح خلاص راني نوجد في روحي ماديرش في بالك ادم : اوكي مالا انا راني نازل التحت نسناك ماطوليش ( و راح ) كان هابط لمح يماه قاعدة فالجنينة راح عندها ادم : صباح الخير فطومة فاطمة : واش باغي على صباح ربي ادم : ههههه واش بيها فطومتي ؟ زعفانة كيعاد داقيتي مع وليدك العزيز و عيط عليك و ماش بعيد يكون كرهك ثاني فاطمة : اوكل في جرتك انت مكانش لازم نسمعلك من الاول ادم : ايه ايه ماتبدايش ثاني بالمواعظ تاعك اصلا راني رايح و بلاك مانوليش طول فاطمة : ك كيفاه رايح ادم : راح ندي ايلول و نروح و كي نفوت و نوصل لهيه نتوما اتناكو في بعضاكم فاطمة : يا وليدي يهديك كان يسمع ليث يقلب الدنيا على ريوسنا اوكل ادم : نتي واش دخلك ياك انا لي راني نريسكي ديجا كي نلحق لدبي نتزوجها و هاذيك الساعة نشوفو كيفاه راح يديها مني ياك علابالك القانون لثما صارم على غلطة صغيرة يفوت عمرو اوكل فالحبس و نتهناو منو النحس هذا ايلول : ااادم (تعيطلو من بعيد ) ادم : هيا انا نروح امورتي اهي تعيط ونتي لالة فاطمة ياك علابالك كان يتحل فمك نسكرو للأبد هههههه (و راح ) فاطمة : ياربي الطفل هبل خلاص ماولاش انسان هذا شيطان ياربي تستر كي يسمع ليث تطربق الدنيا علابالي ادم: هيا اركبي طيارتنا مابقالهاش ايلول : وين قررت نروحو ؟ ادم : لدبي ايلول : ياااااي ملي كنت صغيرة نحب نزورها مرسي حبوبي ربي يخليك ليا ( وتلاحت تحضن فيه ) ادم : هههه بالشوي يا طفلة خنقتيني هيا معادش بكري علينا ركبو في زوج و راحو للمطار سناو شوي و طلعو في طيارتهم و لثم ايلول بدات تحس بالذنب وندمت علاه ماقاتلوش على الاقل بصح ثم ثم قالت ياك غير سمانة و حاولت تتناسى الموضوع