كرونيك بعنوان 😈😈#احببت_من_قالوا_عنها_اختي

18

18 شوي عيطتلو لفرملية قاتلو بلي ايلول فاقت اذا بغا يشوفها دخل عندها و هو حاشم من واش دار ليث : ايلول لباس ؟ كيفاه حاسة دوك ايلول : ل لباس شوي وجع دوك يتنحا قدم ليث قعد قدامها هز يدها حطها على صدرو جيهة قلبو ليث : علابالك نتي اول وحدة سكنت هنا و آخر وحدة كيما قتلك من قبل نتي ملي ولدتي ونتي مرتي و واحد مايبعدني عليك ايلول : اهئ اهئ اني خايفة من واش صرا ومن واش جاي توجعت بزاف و مزال راح نتوجع كي يعرفو الناس بعلاقتنا ليث : تخافي وانا معاك ؟ كلمة خوف هاذي نحيها من راسك مانزيدش نسمعها خلي كلش عليا انا دوك نتصرف بصح بغيتك تخلي كلش صرا يبقا بيناتنا فهمتي ايلول طلعت راسها و هبطاتو جبدها حضنها و قاعد يمسح على شعرها و يخمم فالمجهول دوك ايلول ولات مسؤوليتو صح صح و زيد هي مزالت صغيرة كيفاه راح تتحمل الشي لي جاي بصح وعد روحو يحميها و يوقف في وجه الدنيا اوكل علاجالها و اولهم عايلتو لي ظهرت مخبية بزاف حوايج كان غافل عليها بصح دوك كاينة حاجة في راسو لازم يديرها باه يضمن بلي ايلول مهما صرا واحد مايوصلها و تبقى ليه