في الليل في ڤيله العدلي كانت چيهان وميرنا قد تجهزتا وكل منهم ارتدت ما يليق بشخصيتها فا ميرنا ارتدت لبس عصري مكون من فستان يصل الي ما بعد الركبه باللون الزهري ووضعت ميكب بسيط فهي مجرد سهرة اصدقاء فحسب أما چيهان فأرتدت فستان طويل ومحتشم باللون الكشميري وارتدت نقاب من نفس اللون ولكن لم تضع الا الكحل الأسود الذي بدوره ابرز لون عينيها اكثر وأوضح وسعهما
چيهان وقد ذهبت لغرفة ميرنا تطرق بابها ثم فتحته بعد أن اذنت لها ميرنا: خلصتي ولا لسه يا هانم.
ميرنا وهي تمسك بمكواة الشعر : خلاص لبست وعملت ميكب بس هعمل لييس.
چيهان:, اه تمام طب انا هستناكي في الريسبشن بقي.
ميرنا: ماشي ياقلبي وانا مش هتأخر.
چيهان بسخريه: ايوه انتي هتقوليلي.
ميرنا بضحك: يافهمني.
نزلت چيهان في الريسبشن كان عمها يقراء الجريده وامها وزوجت عمها كانتا تشاهدان التلفاز وحازم يجلس علي الاريكه المقابلة ويمسك هاتفه يعبث فيه.
چيهان:, مساء الخير عليكم.
الكل: مساء النور.
حازم بعد أن وقف واعطاها صافره من فمه: ايه القمر ده لا لا لا كده كتير عليا.
چيهان بإبتسامه: والله طب ياسيدي شكرا علي المجاملة.
حازم بمزاح: مجاملة ايه يا بت انتي مريات اوضتك مكسره.
وبينما كانوا يتحدثون رن هاتف چيهان معلنا عن اتصال من صديقتها المقربة والوحيده مايا فستأذنت بيدها من حازم لكي تكلمها بعيدا عنه.
چيهان: اهلا بالناس المعفنه الي مبتسألش.
مايا بإبتسامه ولكنها باهته: انا اسفه يا روحي بس انتي عارفه ظروفي.
چيهان وقد اشفقط علي حال صديقتها الوحيده ولكي تغير مجري الحديث لتزيح عنها قليلا: ولا يهمك يا عمري انا بس بقلق عليكي يعني في الجامعه بطمن وبشوفك كل يوم لكن في الاجازه معرفش اخبارك المهم القرد حبيب قلب خالته عامل ايه.
مايا بإبتسامه ولكن هذه المره من قلبها فعلا: مروان الحمدلله كويس وانتي عارفه ده هو الي مصبرني علي الي انا فيه ده.
چيهان وقد بدي عليها الحزن: هو ضربك مرة تانية.
مايا بقهر: اصدك للمره المليون.
چيهان بإندفاع وألم على صديقتها الوحيده: منا قولتلك اتطلقي بس انتي الي مش راضيه ده واحد اقل ما يقال عنه أنه حيوان.
مايا بحزن: "مخلاص بقي يا چيهان معدش ينفع انا بقي عندي ولد عنده اربع سنين مينفعش يكبر من غير أب وبعدين مش ده الي كنت عايزه اقولهولك" ثم أكملت في حرج:انا عيزاكي في موضوع بس مش هينفع في التليفون.
چيهان: طب اوكيه تمام انا كده كده خارجه دلوقتي رايحه مطعم(..........) لو يناسبك تعالي.
مايا: تمام اوي هو قريب مني اصلا انا ١٠ دقائق واكون هناك.
چيهان: تمام اشوفك هناك ياقلبي.
وبعد انتهاء المكالمه كانت ميرنا تنزل درج السلم الداخلي للڤيله.
ميرنا بمرح: انا جهزت يا قوم.
چيهان وهي تزفر: واخيرا.
حازم: يالا يا بنات.
أنت تقرأ
الهروب من الحب (قيد التعديل)
Tiểu Thuyết Chungهو لم يكن ما هو عليه الآن... من برود،وصرامه،وقسوة لا أحد في العالم يضاهيه بها وهذا بسبب تجربة حب قاسية مرت عليه جعلت منه ماهو عليه الآن الكل يخشاه ويرهبه بشدة ولكن حين رائها ومن أول لقاء لهم ضاع في غابة عينيها وأصبح أسير لها حتي لم يكترث لملامحها ا...
