#رواية بنت التونسية لكاتبه🌺 najah_alhaj (مكتملة)💚

2

الحلقه الثانيه من روايتنا الجديده #بنت التونسيه للكاتبه najah_alhaj
قراااءه ممتعه للجميع 🌸🌸🌸
           🌸الادمن#لـــــوليــــتا👑
#بنت_التونسية
الحلقة_2
🌸🌸🌸🌸🌸🌸🌸🌸🌸🌸🌸
كنت كيف مروحه من المدرسة
انا_السلام عليكم
ريما وصلاح _وعليكم السلام
انا_خيرك طالعه وين ماشيه
ريما_انا بنمشي للعياده صاحبتي راقده فيها صايرلها حادث وانتي خليك اهني مع خلود وتغدي ماتستنيناش احني بنعطلوا ...
انا_باهي وان شاء الله لاباس عليها...
طلعوا هما وانا خشيت لدار خلود ولقيته راقد بسته ..وطلعت لداري خديت حوايجي ..وخشيت اندوش ...وخديت رااحتي عاد ..ف الحوش بروحي قعدت قريب ساعه في الدوش لبست حوايجي ولفيت الفوطه ع راسي وطلعت خشيت لخلود اول شيء لقيته قاعد راقد..طلعت نشفت شعري وخديت معاي وشاحي تحسبا لو جو فجأة طلعت للمطبخ سخنت الغدي وقعمزت نتغدى ..لين سمعت الباب انفتح....
حطيت وشاحي علي راسي ودسيت شعري تحت بيجامتي وطلعت من المطبخ لقيت صلاح بس
انا_وين ريما؟؟؟
صلاح_ قعدت مع صاحبتها وانا جيت بناخد ورق للخدمه وبنمشي
وخش لداره .طبعا انا جري لداري ...
شويه لين بدي اينادي
صلاح_رنييييم ...رنيييم
انا_فتحت الباب وطلعت راسي بس
صلاح من دار النوم..تعااالي دوري معاي مفتاحي راح. وتأخرت ع العمل...بسررعه
طلعت وانا نمشي خطوة ونرجع خطوة ..تقت براسي بس مهناك حد ف الدار...خشيت ويتصكر الباب....
انا_ جيت بنفتح الباب ...
صلاح سكره بالمفتاح ونحى المفتاح وحطه في جيبه_ تعالي طلعيه وافتحي الباب
انا_افتح الباب بنطلع
صلاح_وين تطلعي ..انا ماصدقت قعدنا بروحنا
انا_نبكي بالله عليك افتح بالله عليك...
صلاح_اشش معاش تبكي اسمعي كلامي وديري الي نقولك عليه عشر دقايق بس وكل شيء يتم
انا_لاااا لااا بالله افتح الباب...انا انوخر وهو يقرب ...لين لصقت في الدولاب وقف قدامي واتكى بيده علي الدولاب والثانيه اينحي بيها في وشاحي وانا نبكي وانرد في الوشاح لين جبده بالقوة ولوحه....انا نرعش ونبكي وخاايفه مانعرفش علاش لكن احساس ف داخلي يقولي هدا غلط كله غلط..ماكنتش نعرف انه هادا تحرش وبداية اغتصاب..مانعرفاش
حط يده ورا رقبتي وانا اندف فيه لكن ولا اتر فيه ..طلع شعري من تحت البيجامه دفيته بقوة طاح وهربت ناض وشدني من يدي وجبدني ليه
صلاح_اهفتي خيرلك رااه ...علاش تبي تحرمني ...
انا_خليني صحه صحه ..
صلاح_بعد شفت هالدهب ..ويأشر علي شعري ...وجاب يده وحطها ع خصري وشفت هالجسم ..مانقدرش ..انا الي صحه صحه خليني نشبع بيك... وقرب حضني بقوة
انا_لا لا وعضيته من كتفه بقوة ودفيته
صلاح_يا ..٪$$٪..يابنت&$#$٪ ..تعالي اهني وشدني من يد البيجامه وكريت روحي تمزقت ...لوحها..وشد من جيهة السروال وكيف بينحيه يطق الباب ونسمع ريما اتقول افتح صلاح..
وقبل مانتكلم ..بسرعه فتح الباب
صلاح_تعالي لاختك..شن هالعار شن هالرباية جايه تعرض في روحها
انا_كداااب والله كدااب
صلاح_سكري فمك وتحشمي ..ياريما من اول ماجت وهيا تدحنس...وتبعت في بوسات ...في الجو اختك اليوم قريب خلتني نغلط معاها
ريما_تبكي..ياحيوانه..هدا راجلي..حرام الي اديري فيه انا جبتك وعيشتك معاي وانت حاطه العين عليه ووين تعلمتيه هدا وجت ضربتني ونتشتني مع شعري ..وراجلها ع اساس يحز ...
وانا_نبكي ونحلف..والله كداب ياريما...والله كداب ...انا اختك معقوله اندير هكي
ريما_المصيبه انك اختي وانا امأمناتك علي حوشي وراجلي ونزلت فيا ضرب قريب قتلتني وكرتني مع شعري ودخلتني للدار
ريما_اتلمي حوايجك.. ودرقي وجهك من الليله معاش تلزمني في حوشي يا &٪#-&
انا_والله الا يكدب راجلك كدااب والله هو نادني للدار
ريما_صكري فممك صكرييييه خزي اتفيي 💦
وطلعت وصكرت الدار
طلعت للصاله وقعمزت تبكي
صلاح_ياحبي اش اش ويمسح في دموعها ويبوس في خدودها..خلاص ياعمري صغيرة وغلطت .. اتصير ياريما..
ريما_لا مش عاادي ..هدي وين تعلمت هالشيء
صلاح_خلاص انسي تو عاقبيها اسبوع وفهميها انه غلط وحرام وخلاص...ماصار شيء
ريما_مستحيييل معاش تقعدلي ..بنرفعها لحوش جدي ونااضت من جنبه وجت فتحت الباب
انا_لبست عبايتي وضميت حوايجي وكتاباتي  ..وحطيت حديدة الذهب الي عاطيتهالي ماما قبل ماتموت بفترة..ومفتاح حوش بوي ....قلعده مالبست وشاحي انفتح الباب وخشت ريما
ريما_معاش تلزمني ف حوشي نرفعك لجدك وجدتك عواشي اتربيك
انا_ واختي الي ماتصدقني معاش تلزمني ..وايجي يوم وتعرفي انك ضلمتني وادورني ماتلقني ياريما...حطيت وشاحي ع راسي ونهضت شنطتي وطلعت
صلاح_هاتي عليك الشنطه
انا_بصوت عالي_نحي ايدك غادي ..حسبي الله ونعم الوكيل فيك ..
طلعوا بعدي وريما جابت معاها خالد ولدها
وركبنا السياره وطول الطريق شادا روحي مانبيش  نبكي...
وصلنا لحوش جدي نزلنا وطق صلاح ع الباب
وفتح جدي ..واول ماشافني.._نوما بنيتي ..خيرك..وخيره وجهك هكي..وكرني اضبطتني .وبديت نبكي....حسيت بريحة بابا...
ريما_ضربني وبكا سبقني واشتكا
جدي _خيرها اختك ياريما ...
جت جدتي ..خش داخل غيركم واقفين ف الباب العفو ..
خشينا
جدتي_خيرها هادي تبكي ....شن صاير ...
ريما _دارت عملة مايلتبس عليها جرد قريب فضحتنا وفضحت روحه ..سكتت شويه ..وبعدين بدت تبكي خشيت عليها في دار نومي مع راجلي ..جايته تعرض ف روكه عليها .وكان مش ستر ربي وجيت اني راهو تو صارت مصيبه
جدتي_ايييييه ...ماهو باهي هكي هااادي رباية التونسيه ياحاج الي تشكر فيها خزي ..اتفي..💦
جدي_شن هالكلام الي تقولي فيه هادي اختك شن ايكد كلامك من قال مش هو الي امصكر عليها ولا مناديها قولي ...شن ايأكدلك
ريما_ صلاح راجلي ايخاف ربي مستحيل يديرها وبعدين كان هو الي يبي راه مشالها في دارها
انا_كدب ياجدي والله كدب هو الي ناداني
صلاح_عيب عليك انا عاظك كيف خواتي وانتي تتبلي المفروض تعترفي ببغلطك وتتأسفي من اختك..والله ياجدي قبل مانبي ريما اتجيبها اهني لكن هيا صكرت راسها ..
ريما_والله صلاح مايبي ايجيبها اهنية
جدتي_خشي داخل وهيا اتنهق خزي ع الربايه وكيف بنطلع جي عمي فؤاد و ولده يزيد عليك هم وخلاص ...
وطبعا جدتي ماقصرتش بكل وحكت كل شيء و عمي مصدوم ويزيد يشبحلي من تحت لتحت  في شبحات مقززه...
ع فؤاد_قلتكم زمان خلوني نتزوجها وانربي بنات خوي لكن انتم رفضتوا وهادي نهايتها رباية التونسيه
انا_..وصلت حدي خلاص..رباية التونسيه ايه ..انا بنت التونسيه والي مش عاجبه  يضرب راسه في الحيط وهدا كدااب راجلك كداب ياريما كداااب وانا معاش نبيكم اصلا ولو جدي مايبيني في حوشه حوش بوي قاعد ونقعد فيه بروحي مش خايفه..
وخشيت للدار وبكيت لين دخت ورقدت ..وف اليل طق الباب امتع دار الجلسه وخش جدي
جدي_شن نضتي
انا_بعبره..يكدب ياجدي والله يكدب
جدي_عاارفه كداب ..ماتعدليش ع حد مادمني حي مايقرب منك واحد ...نوضي سلم بنتي توضي وصلي وعاوني جدتك ف العشي..
انا_باه...لكن جدتي مش مصدقتني
جدي_جدتك..ما ادوريهاش تو شوي وبروحها حتصدق وادافع عليك..
انا_ان شاء الله ..
ونضت توضيت وصليت المغرب..وخشيت لجدتي ف المطبخ
انا_ شن اندير معاك
جدتي_ .. كملت كل شيء تحسابيني عابيه عليك..راقده للمغرب..امشي انتلفي ضمي الحوش وسيقي الحمامات...وبدت المعاناه الثانية...
شغاله لجدتي ...ويوم لمت العيله يفوت علي ظهري ويزيد السامط زايدها ويلوحلي في الدوه ... وطبعا ماننسوش الحظر ع الحوايج لبستني قفاطين بس  لازم يكونوا واسعات في لمت العيله بس نلبس في قونات عاد عيب نطلع مبهدله قدام العيله...