#رواية بنت التونسية لكاتبه🌺 najah_alhaj (مكتملة)💚

26

روايتنا الجديده #بنت التونسيه للكاتبه najah_alhaj
قراااءه ممتعه للجميع 🌸🌸🌸
           🌸الادمن#لـــــوليــــتا👑
#بنت_التونسية
#الحلقة_26
~~~~~~~~~~~~~~~~~~~~~~~~~~

لايك قبل تقروا 

*****
خطمت عل محل الشكولاته والكوفيتي خديت اربعه كيلوا من الزوز...
وروحت ...
لقيت ريما
معصبه وتبكي و ولدها قيس عمره ست شهور مهبدل وخالد وقبس نفس الشيء  وهدا شيء غريب علي ريما لانها تهتم بكل التفاصيل ومهتم بالصغار هلبا اول مره انشوفهم هك
انا_بسم الله خيرك ..وقمت قيس...
ريما_اه ياوخيتي بنشنق روحي
انا_ع..قطع عليا صوت عمار
عمار_بسم الله خيركم ...
قبس/ماما تبكي يابابا من الصبح
عمار_قعمز جنب ريما ..._وشد يديها خيرك..
ريما_مانبيش ياعمار مانبيشي..
عمار_شن هو...!؟
ريما_ ماهو....انا ...حامل...
انا_هييييييء...الف مبروك
عمار_ مبروك حبيبتي..وباس راسها
طبعا انا في وضعية صنم ههههههه
ريما_فنصت فيه_علي شن تباركوا في اقل من سنتين حيكون عندي اربع صغار ..لا لا مانقدرش ...مانبيشي
عمار_حبي مجنونه انتي. تي هدي نعمه نعمه غيرك متمنيه غيرك يسافر عشانها احمدي ربك ...
ريما_عندنا ثلاث ياعمار ودوبي ملحقه وانت عارفه حملي صعب ووحمي واعر ..كيف بنقدر انوفق في كل هدا والمزين ...والصغار...والله صعب..
عمار_حتلحقي ع كل شيء الحوش وانجيبوا عامله تهتم بيه وبالصغار...اتبدل وتوكل وانت مشرفه ع كل شيء والمزين اهي رنيم معاك...بس انتي ارتااااحي وافرحي حتجيب ملاك جديد حيتحول في اول ثلاث شهور لشيطان بفضل خوته الشياطين
انا_ههههههههههههه في هده عندك حق...
وخشيت لدار الاولاد بدلت لقيس...ودخلت خالد دوشتله وبدلته...
قبس دوشت بروحها وخشت لدارها لقتني مجهزه حوايجها بدلت وسلتت شعرها وربطته..خشيت للمطبخ ظميته وظميت الحوش وبخرته..وعمار وصالنا ع غدي من برا...
فات الوقت وروحت لجناحي
....
عند عمار وريما
عمار_والله هبله قالبه الحوش عزي لانك حامل..
ريما_مش هبله انا...
عمار_هبله واحلى هبله تعالي ياماما ..وحضنها ......
ريما_شن اول مره هيا ام للمره الثالثه من بطني والرابعه بقبس لانها بنتي الي ماجبتها..
عمار_ انحبك...انحبك موت وف كل مره حتجيبي بيبي حتكوني بالنسبه ليا وكانك اول مره تجيبي..اصلا مش باين بكل عليك انك ام لثلاثه صغار....
ريما_ههههه انت بس تبي تلهيني ع الي جايني...من تعب ومرض..
عمار_ هههههههههههههههه ..المفروض ردك يكون حتى انا انحبك ...
ريما_انت تعرف اني نحبك...
عمار_ نعرف بس نحب نسمعها منك...الصغار رقدوا صح
ريما_ايه..
عمار_تي يفهوا ف الجو واللهي الله باه..
ريما_هههههههه وانا انقول خيره من بكري يتغزل ..
.
وووووو
..........
عند ايهم واميره
ايهم_حبي تعبانه اناديهم يشوفك..
اميره_مافيا شيء حبيبي...
ايهم_من بكري تتالمي..
اميره_هادوا اموليات
ايهم_ايح علينا مانتحملش نشوفك تتوجعي ومش قادر انخفف عليك ..
اميره_شن تبي الحج والسلامه.مهناك هدا...اه اه..
ايهم_انا كان نحسابك بتتوجعي هك ماخليتكش تحملي لين صكرنا سنه ع الاقل تي نحساب ..معاش بنشوفك لما دخلوك بكري
اميره_قالت الممرضه راجلك كان يبكي..
ايهم_عليك شهدره...
اميره_هههههه ..انحبك حبيبي..وقاعده ع قلبك ماتخافش واوجاع الجياب شيء طبيعي الحمد لله ع النعمه الي عندنا..
ايهم_وانا نعشقك دبدوبتي ...
اميره_ واخيرا رجعتلها فتره الحمل كلها ماقلتهاش..
ايهم_كنت انشوف فيك بقوره مش دبدوبه
اميره_ضرباته ع كتفه...خزيي مابقره الا انت شوف كرشتك..
ايهم_اي....ههههه كنت انساير فيك مانبيش تزعلي انتي عندك كرشه وانا لا تو بنرجع للنادي واندخلك معاي..نبيك ترجعي زي قبل بدات اماكني المفضله نبيها زي قبل..
اميره_ههههههههههه مجنوووون
ايهم_بيك انتي بس مجنون وباسها ع ..&$#
............صدام _ واقف ع صاحبه عنده محل امتع اطفال لين شاف .......
امل خاشه ومش منتبهه تتكلم مع مرا شكلها امها
امل_ياماما خودي سرير وردي
عميمه_وردي عيني خوديه قهوي يقعد حتى للي بعده لما تكبر ومعاش ترقد فيه...
امل_ بعدين يشروا للعيل الجديد سرير ثاني بناخدوا وردي..وتلفتت بتشبح الاسره الورديه
وتنصدم من يلي واقف ومبتسم ...
امل_ماما انا بنمشي انشوف بدلة اسبوع للبنت وانتي خودي السرير الي تبيه
عميمه_ وخوديلها بطانيه وكاتل...
امل_باه....
ومشت لحقها صدام
صدام_هلا
امل_هلا شن تلحق فيا..
صدام_وغلاتك صدفه ..وغمزلها احلى صدفه..
امل_تحشمت واطت راسها
صدام_تي ارفعي راسك نبي انشوفك مستاحشك..
امل_زادت وطاته
صدام_تي ارفعي راسك نبي انشوف عيونك..
امل_رفعت راسه وجهها احمررر
صدام_ وين موبايلك...
امل_ماعنديش افسد  ومعاش شريت..
صدام_نبي نوصلك كيف يصير..
امل_عندي صفحه ليا انا وصاحبتي عايشه...
صدام_وعلاش مع صاحبتك...
امل_حي ماما جايه ..اسم الصفحه ميوش وجنبها اي اند اي بالأنجليزي...
ومشت اختارت بدلة الاسبوع والكتل وصلت امها...
عميمه_من هدا الي كان واقف عليك..
امل_اه استاذي..سالني ع الامتحاانات..
عميمه_ماتكدبيش هدا باين عليه صغير..
امل_والله استاذي وبري اسأليه..
عميمه_سقدي روحك اختك قريب تطلع..
امل_هي مزال البطانيه..
.....
امل في الليل جاها طلب صداقه والاسم
صدام ال&$#$& .... صدمها اللقب لانه معروف في البلاد وكلهم ناس عندهم الرزق وحياتهم فوق الريح...وصدام مش باين عليه انه من عيله غنيه لانه طول السنه كان يلبس في ثلاث سراويل بس يبدل فيهم وخلاص نفس الحداء ..موبايله نوكيا عادي جدا..وسيارته بيجوا عادي واقل من عاديه ...
قبلت الصداقه...
صدام_هلا
امل_هلا
صدام_شن الجو..
امل_الحمد لله تمام وانت..
صدام_بعد شفتك اليوم تمام ميه ميه..
امل_دوم ان شاء الله...
صدام/قصدك تبي اتشوفني ديما..
امل_لا.
امل_قصدي دوم حالك تمام وميه ميه..
صدام_هههه خيرك انخلعتي ...فاهم قصدك...انتي ديما تلبسي هك لما تطلعي..
امل_شن قصدك...
صدام_يعني سروال مشحوط وبلوزه قصيره وشعرك طالع من الحجاب...
امل_ هادا لبسي وشعري مش بقصدي امطلعته الوشاح حريري مايتبت ع شعري..وبعدين معاي ماما..
صدام_ معناها حيتغير لبسك..
امل_ههههه مستحيل ماحد يدخل ف لبسي وبصفتك شنو تدخل..
صدام_ب صفتي حبيبك..
ولا مش حبيبك
امل_ قاعده ماقررتش انا ...
صدام_والله حسب مافهمت لما عطيتني اسم الصفحه انك راضيه ع الشيء الي حيكون بينا وتبي تتواصلي معاي..
امل_ ايه ..لكن مش لدرجة حبيب..
صدام_انا انحبك..وانشوف فيك حبيبتي فلهدا البلوزه من اليوم تكون تحت الركبه ومادا بيك عبايه..الالوان الفاقعه والي تنادي من بعيد لا مكياج لا شعر برا الوشاح لا...
امل_ماتحسش في روحك كترت من اول كلامنا طول تتامر ولبسي حريه شخصيه..
صدام_لاني انغار ومانبي حد يشوف اي شيء يلفت انتباهه يكفي عيونك الي ماينعرف لونهم عسلي ولا اخضر...
امل_حسك قنعتني.
صدام_ههههههههه كويس معناها اسمعي الكلام...
امل_انشوف روحي ...
.........
بعد ثلاث شهور توفت ام صدام ....
وقعد اسبوع مقطوع علي امل
بعد اسبوع...
صدام_امل...
عايشه_انا عايشه ...
صدام_اهلين كلمي امل تفتح نبيها
عايشه_باه...
بعد خمس دقايق..
امل_صداااام
صدام_هلا
امل_وينك وين مختفي...
صدام_امي توفت ...
امل_بجد ...ان لله وان اليه راجعون ...عظم الله اجرك...كيف توفت..
صدام_جلطه...
امل_ كل حي للموت ..
صدام_فاقدها هلبا مش طايق الحوش مش طايق روحي ...تمنيتك مرتي ع الاقل تخففي عليا بقربك...
امل_ انت مش محتاج لحد ربي معاك...الصدمه بس قويه..
صدام_شن مانبيش تكوني معاي ..
امل_لا مش هدا قصدي..نقصد وكل ربك في مصيبتك حيخلفلك خير منها ...ماكنتش حنقدر انخفف عليك فقد الولدين صعب هلبا ...انا فقدت بوي وكلنت معاي امي وخوتي واختي ..ماكنت طايقه حد مانبي يكلمني حد شديت المصحف ليالي وليالي لحد ماربي من عنده عطاني القوة والصبر ..وكملت حياتي..
صدام_ اتكون معاي يعني اتخليني اندير الي تو تحكي فيه اتمديلي المصحف واتصكري علي الدار... تواسيني تحكي معاي تونسيني في حوشنا الي فضي عليا فجأه
امل_صدام انا انخاف من المسؤوليه انخاف من الزواج انحس في روحي صغيره هلبا..
صدام_قتلك تمنييت ماتخافيش ياطفله..
امل_ اهم شيء ماتهربش من الحوش خليك فيه لانه الهروب منه حيزيد من وحشتك..
صدام_مش قادر نقعد فيه...حبي الباب يطق تو نهدرزوا بعدين..
ناض صدام فتح الباب شاف اكتر شخص ماتوقعش يشوفه
صدام_ شن تبي
بوه_دفه وخش_شن ماعلمتكش تحترم بوك .
صدام_ علمتني ننساه بس...
بوه_بلا كلام فاضي ..عندي فرعالشركه ف  مصر بنغير المدير امتعه..حتمشي اتشد مكانه لو اثبت جدارتك حيكون ليك...
صدام_نعم مانبي منك شيء
بوه_حتخدم زي اي موضف بمعاش متوسط..ماحد حيعرف انك ولدي ولا حيعاملوك علي انك ولدي..
صدام_من قال اني ولدك انت بروحك قلت مش ولدك
بوه_انت عارف وانا عارف انك ولدي ...وعارف القصه كلها مافبش داعي للكلام هدا كله هدا حقك حتاخده لو كنت تستاهله وهيا فرصه وحده طيارتك يوم الخميس بعد ثلاث ايام...
......
عندي انا كنت مروحه انا زريما من موعد الدكتوره وكنا قراب هلبا من حوشنا
انا_شوفي محلاه الخوش هدا شكلها فيله...امتا بدوا يبنوا فيها
ريما_ليها خمس شهور هدي لياسر ولد عمي
انا_والله ..هو الفتره الي فاتت معاش بان بكل..
ريما_هدايه قالت شبه مايشوفوش فيه متغير هلبا وطول الوقت ف العمل الفيله هادي بناها لس باش يسكت امه ع النقيق ع الخطبه...
انا_مش لني فوق حوش بوه..
ريما_ماسألتش هلبا ع الموضوع...
انا_ سبحان الله هالعيله ما انحب منهم الا هدايه وع وفاء بس
ريما _وحتى ياسر كويس غير اتحسيه مش مطلوق زي يزيد
انا_يزيد ووووووه ان شاء الله ربي مايكرهني زي مانكرهه...
......
وصلنا للحوش...
ثاني يوم ف حوش جدي
انا_جديده غير زيدي شوي
جديده_والله ماعندي نيه..
انا_شن كليتي غير زيدي شويه هو برودوا خضره مافيه شيء..
جديده_يابنتي يهديك الله خلاص..
انا_مش حال هدا وحتى جدي يشكي منك قال ماتكلش..
جديده_النيه مش طالبه ..نوضي شوفي جدك بالك يبي شاهي..
انا_باه...
جديده مريضه من يومين ومعاش تاكل نضت من الصبح درت برودوا وحطيتني ريما ونزلت...شويه ومشت....
....
جي يزيد مع الظهر
يزيد_السلام عليكم..
كلنا_وعليكم السلام
يزيد_لاباس لاباس قالوا تتغلي ياحناي..
جدي_ شاغلاتك هلبا ليا شهرين ماشفتك..
يزيد_الله غالب عمل مش فاضي..
انا_خلي انجيبلكم شاهي..
جدي_انا مانبيش بنمش للجامع وتي الغدي ...
نضت للمطبخ وخليت يزيد مع جديده..
انا_واااك
يزيد_احممم.
تلفت
انا_اوف اوف شن تبي..
يزيد_عندي كلمتين نبيك تسمعيهم.
انا_مانبي نسمع شيء
يزيد_لا بتسمعي..رنيم انا انحبك...بالله عليك افسخي واناوطول نخطبك ونتزوجك والله ماني لاعب بيك انتي تعرفي اني انحبك من زمان.
انا_وانا ما انخبكش انطيق العمي ومانطيقك..
يزيد_ علااااش بس والله انحبك والله ننجن لو تتزوجيه
انا_وانا انحبه وانموووت فيه ومستعده نموووت ولا ناخد غيره فمابال لو طان البديل انت ...انت ..انا نتزوجك انت...
يزيد_ لو ماكنتيش ليا...مش حتكوني لا ليه ولا غيره وانا حنكون حريييص هلبا علي انه هالشيء يصير....
وطلع من جنبي وانا انسب ونلعن فيه....
......
بعد بيوم الصبح
صدام_لازم نتلاقوا قبل العصر..
امل_شن .مانقدرش نطلع..
صدام_ضروري نشوفك...
لمل_معناها نفس المحل لانه قريب من حوشنا..
صدام_بعد ساعه باهي..
امل_باه...
...
بعد ساعه ..وصلت امل وكانت لابسه عبايه .
صدام_هلا هلا شن هالجمال..
امل_اهلين بيك..املا وين صاحب المحل..
صدام_وزعته..
امل_علاش تبي تشوفني ..
صدام_انا حصلت عمل كويس ...ووو ..بنسافر لمصر..
امل_شنوووو....عيونها تعبوا دموع...امناديني باش تسيبني..
صدام_اكيد لا حبي..انا جايبك نبي نطلب منك وعد..لو وافقتي عليه..حتعطيني امل اني نرجع ثاني
امل_شن هو الوعد..
صدام_قبل الوعد بنسألك...انتي تحبني..
امل_اه..
صدام_جاوبي ماتتهربيش ..جاوبي بالله عليك..
امل_ايه
صدام_ايه شنو
امل_انحبك..
صدام/عاوديها..
امل_ سمعتها انت.
صدام/عاوديها.تووشد يديه الزوز وعيونهم في بعض
امل_ ... انحبك...
صدام_انموت فيك انا نعشقك..انتي املي انا وبس انتي كل شيء
امل_الوعد شن هو..
صدام_اوعديني انك تستنيي مهما تاخرت تستنيني ماتخونينيش ماتحبيش غيري..
امل_وعيونها دموع..وعنك شك فيه اكيد نوعدك
صدام_مهما تاخرت
امل_مهما تاخرت..لكن بشرط توعدني انت انك ماتخوني ما اتحب غيري انك ترجعلي مهما طال الوقت ترجعلي..
صدام_نوعدك وجبدها حضنها_طيارتي العسر كل شيء صار بسرعه حنحاول نرجع في اقرب فرصه اول مانقدر حنرجع عشانك..
امل_حضناته بقوه_ ماتنقطعش عليا واول ماتوصل ابعثلي رقمك..
صدام_باه...وبعدوا ع بعض وعيونهم ف عيون بعض ..طلع صدام تعليقت فضه حلوه وبسيطه_هادي لامي ..نبيها تقعد عندك...لين نرجع...
امل_باه..
صدام_بعثلك نقطع في الفيس تفرجي عليه..
امل_باه..تو انت جبتلي هديه وانا لا...
صدام_عادي حبيبي ما ادوريش...
امل_ لاكيف عاد ..وقفت ع روس اصابعه وباسته ع خده بشوييييه ..وطلعت تجري....
صدام_قعد مصدوم ومتنح...
صاحبه_هههههههههه
صدام_فاق لروحه...
صاحبه_ تي عرفت اطيحك..
صدام_مش طيحتني ...ملكتني بالي دارته قبل ما تطلع..
صاحبه_قصدك البووووسه
صدام_فنص عيووونه
صاحبه_ما اتفنصش جاي بناخد فلوس شريت قهوه ومالقيتش في جيبي باش انخلصها
ووصلت وشفتها...جريئة البنت
صدام_هلبا مش شوية وهدا الي مهبلني انا ..هيا سلام يابروا...نشوفك بخير..وصحيت
صاحبه_ولا يهمك..انشوفك بخير..ماتعطلش عليها.الي زيها مايقعدوش..
صدام_ان شاء الله...
.....
بعد شهور...وافق جدي اخيرا انه تنقرا الفاتحه بعد اسبوع ..والعرس بعد شهر من الفاتحه بحيث يكون في اول العطله امتع نص السنه...
و
#يتبع
#najah_alhaj