#رواية بنت التونسية لكاتبه🌺 najah_alhaj (مكتملة)💚

8

روايتنا الجديده #بنت التونسيه للكاتبه najah_alhaj
قراااءه ممتعه للجميع 🌸🌸🌸
           🌸الادمن#لـــــوليــــتا👑
#بنت_التونسية
#الحلقة_8
🌸🌸🌸🌸🌸🌸🌸🌸🌸🌸🌸
أميره_كخ كخ كخ سامطه اقلبي وجهك نادي راويه وقوليلها اتجيب معاها مكياجها...
وانا بنخش للمربوعه نستناها...
كان حوش عمها عندهم المربوعه جايه في جناح بروحها ومعاها حمام
خشت للحمام وشافت وجها قاعده المسكرا...امبلزه والروج الوردي من تحت امعبي وجهها
أميرة_الحقييييير المتخلف خزيييي..
راويه_ميرووو انت ف الحمام .ً
اميره_فتحت الحمام..وطلعت...
راويه_خيرررك....
أميره_خووووك هدا بنقتله ..تخيلي غسل وجهي ف السياره..
راويه_شادا ضحكته....عيب ما ايجيش مايتحشمش ما اتعدليش عليه...
أميره_خدت المكياج وخشت للمربوعه...
راويه خشت وراها_حي شوفي هي من الصبح ايعيط ع البدله حدودها حدودها وتو قاعد مالبسها
أميره_تلفتت وراها...وشافت بدله عربيه محدد امعلقه_هادي ليه...
راويه_ايه يبيها بيحظر بيها فاتحه لخو صاحبه الأنتيم...
أميره/اها...انحس فيه مايلبسش ف العربي هلبا..
راويه_لا ما ايحباش لكن عشان فاتحه وهكي بيلبسها...اصلا هو عندها بدلتين بس...
اأميره_ف خاطرها...وهو المطلوب...باه بري تو انكمل وانخش ...
راويه_باه ..تشاو..
وطلعت ..عدلت مكياجي..ومشيت لبدلته المعلقه شديت رقبتها و امووووووووواه 💋 طبعتله عليها بوسه..انوريه مسح المكياج كيف شكله..ً
وخشيت والجو سمح بعد انتقمت...هههه
سلمت ع مرة عمي فايزة..وبناتها ربا...ورواسي.....
وقعدت انحوس معاهم ...
...
عند أيهم مشي شري عطر جديد لان امتعه تم وخش دوش في حمام المربوعه...وخش للمربوعه بيلبس...ويلقى ...💋_ شن هدا...
اتصل براويه_الوو
راويه_امعلقه في المربوعه مش فاضيه اني..
أيهم_تي صكري فمك..من خش للمربوعه
راويه_حد ماخش حد ..
أيهم_راه والله انخش نمسح بوجهك وسط الحوش شوفي من خش للمربوعه وكلمني وجيبلي التشرت الأزرق الجديد والسروال الأكحل والسبته الكحله والكندره الزرقه بسرعه..
راويه_صكرت وخشت لداره جابت الي قالها عليهم...وطلعت وهيا تفكر من خش للمربوعه...
طقت ع المربوعه لانها مسكره فتحلها وكان لالس السروال العربي والكنتيرا...بس...
راويه_وهاك لبست شن تبيهم .
ايهم_من خش للمربوعه..
راويه_حد أميره بس شويه وطلعت
ايهم_ اها باه باه ...وخدي حوايجه لبس وطلع...
وفات الجو حلو في حوش عمها...
طالعه أمل اخت أميره للجنان تلاقت هيا وأيهم..
أيهم_تعالي تعالي...
امل_شنو..
أيهم_اختك وين ..
امل داخل مع البنات...
أيهم_طلع من جيبه كرت _شن هدا.
أمل_بلا سماطه كرت واضحه
أيهم_كرت عشره اجني
امل/وباه
أيهم_كان خليتي اختك تطلع بروحه للمربوعه نعطيهولك..
أمل_حطت يديها في جنبها...وشن تبيها بروحه..
أيهم_ماهو بنعتدر منها بكري لبزتلها وجهها..
أمل_ اها...اممممم.باه تو شويه وتطلع..
خشت امل لأميره و ووشتلها في ودنها
وقالت
أمل_أسمعي راه منالخلف فيه بقعه كبيره في القفطان الي يشوفها يحسابها ....
اميره_الله حي عليك فضيحه ..اسمعي انخش للحمام وجيبلي قفطان من البنات..ولا حتى لبسه عاديه ..
امل_الحمام امسكر وتو كنت برا المربوعه فاظيه بري غادي وتو انجيك...
اميره_باه ما اتعطليش...
مشت اميره للمربوعه خشت واتصكر الباب
وتلفتت اتشوف أيهم واقف قدام الباب ..وظام يديه لصدره ويشبحلها بخبث
أميره_افتح الباب .شن تحساب روحك ..
ايهم_من قالك اقربي حوايجي. .
اميره_ههههههههه تستاهل من قالك اقرب وجهي..
ايهم_لا واللع تبيني نطلع بيك ف الشارع هكي...
اميره_ شن هو الي هكي ...اصلا ما يعتبرش مكياج اساسا وبعدين انا طلعه مع ماما وماقالتي شيء انت شن دخلك..
أيهم_ولد عمك واكيد دخلي ومره ثانيه مش بس كان ركبتي معاي حتى لو فايت ف الشارع وشفتك خاطه حاجه ع وجهك نغسلهالك..
اميره_افتح الباب...اوينه خواتك واحكم فيهم...
أيهم_ونحكم فيك حتى انتي..
اميره_وفاء كانت معانا وحاطه زي الي انا حاطته خيرك ماغسلت وجهه..
ايهم_اول حاجه ماشفتهاش ..وثاني شيء انتي غير ..
أميره_شن هيا دواره فيا مااا دخ لك ش
ايهم_ قعد يبتسم وهيا تقول فيها بالحرف...قرب منها وهيا توخر لين وصل فيها وجبدها  وقرب وجهه منها و وشوش في وذنها_ دخلي.. وحاجه ثاني لو خاطرك تبوسي رقبتي .. ميل وجهه بالجنب...اهي رقبتي بوسيها..
أميره_ قلبها خلاص بيوقف من قربه وعطره وصوته...وخلاص رجليها معاش قادره توقف .._ا ببب عدد..
أيهم_قاعد يوشش _مانقدرش ..فيك مغناطيس قوي...
تشجعت ودفاته وجري للباب فتحاته وطلعت...وصكراته خلفها ...
أيهم _ترنح شويه من دفتها وابتسم وحط يده علي قلبه_ اهدا خلاص مشت راه..اه منك يا اميره ...
خشت اميره للحوش ..وطول لأختها
أميره_مش قلتي بتجي وينك حصلت ف أيهم السامط..
امل_اصلا هو قال ناديها ..
اميره_حيوانه عارفه روحك حيوانه صح..( حشاكم طبعا من كل الألفاظ الي في الروايه)
........
عندي انا
انا_ عيوني انفتحوا وقلبي داير عرس ...ورجليا خلاص بندوووخ_ شن
معتز_هههههههههههههه. وعض شاربه التحتي ..شن هو الي شن ...انحبك...انقولها ثاني. انحبك انحبك.
انا_اس اس خلااااص . ونبتسم سمعتك ...
معتز_ ههههه.. واخيرا قلتها...
انا_ شوف دلافين...
لف معتز_ تدكري اول مره...
انا_هههههههههههه ايه ندكر ...
معتز_ مستحيل ننسى ولا كلمه ولا حرف صار بينا...كان اول يوم اتعلقيني فيك...
انا_ معتز
معتز_شبح فيا...قلبه وروحه...
انا_ اس معاش تقول هكي والله نتحشم..
معتز_ اصلا واضح من وجهك الي ولا احمر...لكن تتعودي
انا_ باه خلاص..
معتز_لا ياحلوه اليوم انا بنحكي الي في قلبي كللله...
انا_ خلاص وصلنا للجزيره...
وقفت ونزلنا وفات الوقت وهو كل شويه يقول انحبك..وانا مش مصدقه بكللل بكلل..
و احني مروحين قرب من وذني ثاني وهمس
معتز_انحبك رنيم  انحبك واااجد..انموووت فيك.. نتمنى ربي يكمل عليا هالحب واتكوني حلالي.  ا ن ح ب ك...
انا_ خلا بندوخ معاش فيها لدرجة شظيت في تشرت امتعه
معتز_هههه تي اهفتي ياطشه... والله نهبل عليك راه
انا_طلقته ...و وبعد هو_ معاش تقرب هكي مني والله قريب دخت..
معتز_ههههه . كلامك هدا  غلط ..
انا_اي كلام ..
معتز_معاش تقولي قريب دخت. لما تكوني قريبه مني ... لاني ما نظمنش روحي..
انا_خيرك انقلبت هكي كنت محترم وماشاء الله عليك انا ما انحبش النضارات هادي
معتز_كنك ما اتنكديهاش ولو زودتها اسف حقك عليا كلها الا زعل طشتي كويس هكي...
انا_كويس خليك ع طشه حلوه ومريحه
معتز_هههههه حاضر... باهي ياطشه امتا بنسمعها منك..
انا_شن هيا ..
معتز_كلمه انحبك...ولا ما اتحبينيش..
انا_خليها اتجي بروحها احلى  صح( وفي تي مش بس انحبك انا انمووت فيك)
معتز_براحتك ..المهم راحتك و وصلنا لجربه ثاني وتمت الرحله ورجاء وخطيبها شبه ماشفناهم ف الرحله...اهو باب ع الكلاب المهم سبله باش سكتت خالتي. .
معتز_تعالي بتتغدوا مع بعض
انا_انكلم خالتي بس...
انا_الوو
خ سهير_الو انت وين..
انا_ في المينا كيف وصلنا وبنتغدوا مع بعض..
خ سهير_ لا  ..كلمكه ايهزك للدار تو...
انا_خ سهير ياسويو ...غدوا بيسافر معاش بنتلاقوا...
خ سهير_لا ..روح
انا_لا مش مروحه بنتغدا وبعدها خاضر انروح
خ سهير_ روح نوما ولا نكلم جدك.
انا_أوكي باه..
معتز_قاتلك لا...
انا_ايه...لازم انروح..
معتز_باه تعالي شد يدي وقعدنا نتمشوا وهو يحكي ومرات يوقفني ويقابلني ويقعد يتفرج علياا هلبا وبعدها يمشي ..
انا_ ياسر من بكري وانت تتفرج عليا..
معتز_نبي نملا عيوني بيك ...سنه مش حنشوفك
انا_ انا بان ع وجهي الزعل .._هلبا سنه..
معتز_ ما تزعليش طشتي وغلاتي عندك حنحكوا زي قبل عل الياهو كل الوقت..
انا_أكيد ...معتز
معتز_ قلبه ..
انا_ ماتنسانيش ولا تشوف لي غيري ولا تغازل غيري. ماتخونيش ماتكسرنيش...
معتز_ مستحيل انشوف لغيرك ولا انغازل غيرك ولا نخونك مجنون  اني عندي القمر وانبدله بنجوم..وعد ما انحب غيرك ياطشتي ولانخونك..اوعديني انتي
انا_وعد مش حنشوف لغيرك ولا نخونك..
معتز_هيا خلاص عطلنا ع خالتك..
انا_هيا..
روحت ولفم الباب وهو يوثي في ع صحتي و ع قرايتي...

.....
عند ياسر
عفراء_ الو يابيبي
ياسر_هلا قتلك معاش تقوليها هالكلمه البايخه ..
عفراء_اوكي حبيبي..
ياسر_ هكي تمام شن حالك
عفراء_تمام زعلانه شويه
ياسر_علاش ...خيرك..
عفراء_ فيه قفطان عاجبني وعلي مايبي يشريه ليا ..
ياسر_ شن عندك مناسبه..
عفراء_لا...لكن عجبني ونبيه..لكن مرته هالسوسه رفضت يشريه ليا..
ياسر_ لا ... من وين هو ..
عفراء_ من محل في جرابه شفته لما جينا لطرابلس الشهر الي فات..
ياسر_بكم؟؟
عفراء_200
ياسر_تو نبعتلك..الفلوس مع علي..
عفراء_لا حبي مانبيش انكلف عليك انت تبني تو ..
ياسر_لا  عادي ..
عفراء_انحبك انحبك امووووواه
ياسر_ بطلي معاش اديريه الجو هادا ولا بلاش منها المكالمات مره وحده..
عفراء_خيرك حبيبي خطيبتك راه..
ياسر_لما اتكوني مرتي وحلالي ديري الي تبيه...
عفراء_ اوووف ديما كاسر خاطري انحبك اني مانقدرش انقاوم...
ياسر_يابنت ياسرك ساد...مالدلع والله مانقدر عليه ...
عفراء_ حبيبي انت...اهو طلع منك كلام حلو .
ياسر_هدا مش كلام حلو هدا كلام سخيف ..
عفراء_عندي اني ولانه ليك ومنك هو حلو..
ياسر_باه باه هيا تو سلام
عفراء_سلام...
وصكرت منه ورفعت تليفونه الثاني...
#يتبع
#najah_alhaj