روايتنا الجديده #بنت التونسيه للكاتبه najah_alhaj
قراااءه ممتعه للجميع 🌸🌸🌸
🌸الادمن#لـــــوليــــتا👑
#بنت_التونسية
#الحلقة_37
________________________________________
لايك قبل ماتقروا...
والكومنت بعد اتكملوا....
~~~~~~~~
طلع ياسر من بحدا جده ..واتصل بعادل
عادل_شن تبي
ياسر_ههههههههه شورك ماتشبعش..
عادل_تو انشوفك انت بعد تتزوج ..شن تبي خلص..
ياسر_ وافقت علي عرض جدي وغدوه بنمشيلها قالت عندها شروط..
عادل_اوووووه مبروك مبروووك ...تو ماعندك علاش بتحسدني...
ياسر_تو انشوفوا طبعا نبيك معاي الفيلة قاعد نا اتتهاش و ولد عمك عنده معرض للاثاث كلمهولي..
عادل_باه تو انشوفه ..باه بدير بيان وخطبه ولا شن..
ياسر_انا مانبيش خطبه عائليه وخلاص ..لكن خل انشوفوا شروطها قبل ..ملنبيش انطول عليك غدوه نتلاقوا لما تفضى كلمني...
عادل_باه ياطير ....تشاو..
......
هدايه_علاش تكدب عليه..
عادل_بالعاني نبي نحرقه...
هداية_حشمتني كيف بنقابله تو...
عادل_ شن تحشمتي هيا شن صاحبك انا رااااجلك وكله بالحلال ولا شن رايك...
وقف هداية_ايه حلال لكن الحشمه والحياء كويسات..
عادل_وين ماشيه
هدايه_بندير طاسة قهوه انحطها مع الكيكه..
عادل_اووه دايره كيكه ...بري بسرعه خلي انحطلك مسرحيه..
هدايه_باه....جهزت الصفرة وطيبت القهوه ..ورجعت بيها للصاله وين امقعمزين..عادل_اشر جنبه_تعالي قعمزي
هداية _حطت السفرة ع الطاولة وقعمزت...
عادل___حط يده ع كتفها وحضنها_المسرحيه هادي قديمه لكن سمحه..
هدايه_ليبيه!؟؟
عادل_ايه..اسمها كوشي ياكوشه..
هدايه_مش شايفتها قبل...
بدت المسريحه وكل شويه تضحك هدايه و عادل ماكانش يتفرج ع المسريحه كان يتفرج ع هدايه وكل شويه يطبس ع راسها يشم بشوق ريحتها...
عادل_ف خاطره_علاش مش طايق بعدك..معقولة بهالسرعه تعودت ع وجودك معاي...علاش قلبي يدق بسرعه كل مانشوفك او نشم حتى ريحتك...علاش كرهت الطلوع..وكرهت حتى ياسر هههههه ولما نطلع معاه نبدا نشبح الا ف عيونها لانهم يفكروا فيا بيك...بتهبلني ..وانا مش فاهم شن درتي فيا..
هدايه_عادل...عااااادل
عادل_ها...
هداية_وين وصلت من بكري انادي فيك..
غادل_قاعد سرحت بس...
هدايه_ شن يبيك ياسر بكري..
عادل_اووه نسيت ماقتلك..وافق ع عرض جدك ...
هدايه_بعدت عليه _جد....رنيم ببتزوج ياسر خوي...الله قداش تمنيتها لواحد من خوتي..
عادل_ لما بعدت عليه فجأة حس قلبه انسل معاها_غير تعالي بس ...وجبدها رجعها لحضنه...
هدايه_خيرك هاليومين ..مش مخليني انقعمز براحتي..
عادل_علاش مش مرتاحه نتكوا!؟؟
هدايه_هههههه المفروض تطلقني مش تزيد تلصق اكتر..
عادل_تبي نتكوا باه ماتبيش تحملي واسكتي لاني مش طالقك...
هدايه_خايفه نتكى ما ايصيرش من المسريحه وانا حضرت اكتر من نصها..
عادل_ههههههههه اصلا كنت نبيك تتكي باش انفوتوها...
هدايه_حتى انا عرفتها نيتك مش شريفه لكن لا...شعري قاعد ماجف من دوش بكري...
عادل_ولاش مدوشه ...
هدايه_لا نقعد بلا صلاه..لا الا الصلاه..
عادل_ طلقها ولفها ليه_ وقعد يسبل ف عيونه_ باايخه المسريحه نووضي خلي انخشوا لدارنا..
هدايه_هههههه.لا بنكملها...وتلفتت للتلفزيون
عادل_طبس علي رقبتها وباسها_نووضي ..
هدايه_اه
عادل_زاد باسها ثاني_نووضي راه نهبل عليك اهني...
ووووو معاش دخلكم..عرسان عليك قصقصه..
......
ثاني يوم نضت من الصبح جهزت تارت وكيكه بارده وحشيتها بندق وكريمة فول سوداني وشكلاطه وموزوكراميل وغطيتها بكريم شانتي بنكهة الكراميل...طبعا طبقات وظربت ناسكافي وخليته جاهز..ودرنا العشي شربة حوت وكبة حوت وحوت مشوي. مع بيتز.....
جهزنا الحوش وكان كل شيء جاهز مع الغدي عشان الريحة ماتقعدش ف الحوش ..تغدينا...ودرنا لفه ع الحوش لمعنا الي مش ملمع اصلا ريما وسواس نضافه امتعبه حتى الشغاله معاها..وطبعا لفيت ع كل شيء في الحوش عشان انشوف تناسق الالوان وشفت الفازات بحيث تكون الي من قزاز مع بعضهم والي من فخار مع بعضهم ...وشفت الوسايد في الدار يعني التفاصيل اختصاصي ركزت ع كل شيء..مانبيش يلقوا حاجه...بنات عمي يتكلموا بيها عليا...
وبعدها خشيت دوشت واستشورت شعري ..وبدت في الميك اب خفيف بس يبين جمالي بدون مبالغه. .لان العرس قريب.....
وفتحت النت لهيت ف القروب والصفحه. .. القصص الي جايه والاستفسارت ع مكان الجمعيه وكيف يقدروا يساعدوا ..ما حسيتش بالوقت بكل..لين جت اختي وقالت انهم جاين في الطريق ..لبست قفطان ..زيتوني ثلاث ارباع كم وقصير لعند الركبه ركبتله حزام عريض جلد لونه بني .معاه صندلي لونه بني
وقمت معاي اللبسه الي بنلبسها لما بنخش لياسر ...ونزلت .فتحت الباب قابلتني بلقيس بنت اميره...عرفته وصلت لاني لما حكيتلها امس قالت حتجي...
حطيت الي في يدي في اقرب دار للمربوعه..وخشيت عليهم
اميره_طوول صفرت...حي علي ولد خالي اليوم بيهبل
ريما_كان ماروحش بيها من اليوم
انا_ومن قالكم اني بنطلعله هك...يحلم...
اميره_شنوو اسمها مقابله شرعيه ...المفروض تطلعي من غير حجاب ..ويديك باينات وشوي من سيقانك..والقفطان مثاااالي...
انا_بنطلع كيف مانبي انا....فريحوا روحكم...
طق الباب...طلع عمار من المربوعه فتح الباب دخل ياسر و وقفت اميره وريما يستقبلوا في ع وفاء والبنات..
قعمزوا شويه وطلعت انا طبعا لانهم حوش عمي فتخلينا شويه ع الرسميات...
انا_سلمت عليهم وهما يشكروا ويعاودوا..
ع وفاء_عيني ما اضرك..ماشاء الله عليك..
انا_تسلمي .هدا من دوقك....وخديت ادم من روابي
ولهيت فيه وهما ..
ع وفاء_واخد عقلك هالولد
انا_سبحان الله بنهبل عليه..يخش الخاطر هو...نضت من جنبهم..وحطينا العشي ..تعشينا ...وبعدها قدمنا الفواكه ومعظم الملام كان احاديث عامه لانه ياسر مشدد عليهم مايحكوش ع العرس لين يشوف شروطي قبل...واخر شيء الحلو والنسكافيه طبعا انا أشرفت ع التقديم بروحي حطيت في صونيه طرف كيكه بارده مع طرف تارت ..ومعاه شوكه و النسكافيه بروحه معاه كاشيك صغير...دخلنا للنساوين وبعدها عمار كلم رينا عشان نطلع..خشيت للحمام غسلت وجهي...وطلعت لبست ملايييه ..تعرفوها الكحله هاديكا.غير من غير الغطي الخلفي لبست وشاح اكحل ..وطلعت
اميره_ان شاء الله بتطلعي هك
انا_ايه
اميره_حي عليك بيهرب...
انا_مادا بيا...هاتي السفره امتع الحلو تلقيها واتيه..
جابتها ..وخديت نفس عميق...انا في مقابلة مغتز كنت متوتره لكن فرحانه..اما تو بنموووت من الخوف...طقيت ع الباب..وبعدها فتحت وخشيت_السلام عليكم
الزوز ردوا عليا السلام
عمار_اول ماشافني انصدم وشاد الضحكه بالغصب...
انا قدمتله الحلو وطبعا النعامه مواطي راسه دوبه رفع عينه للصفره خدي النسكافيه وحطه وبعدها الحلو ..وشكرني بهمس ..السامط البارد. هدا الي قلته ف خاطري..
وقعمزت وطبعا ماسلم عليا
عمار_انخليكم شويه ونرجع عندي تليفون مهم
..
ياسر_احمم ...جدي قال عندك شروط...ورفع راسه ..انا طول واطيت راسي..
انا_ايه...اربع شروط مش حنتنازل عليهم
ياسر_تفضلي هيا ...وحسيتها اتكا ع الصالون.ًوربع ايديه
انا_اول حاجة قرايتي...مزال سنه بس نبي نكمل قرايتي
ياسر_تمام ماعنديش مشكله المهم توفقي بس وخصوصا انه ادم معانا. .
انا_الصبح انحطه في الحضانه او عند امك وقت محاظرتي..
ياسر_باه الشرط الاول وتم
انا_خدمتي ف المزين مش حنوقف عليها..
ياسر_انتي امتا تخدمي
انا_من الساعه ثلاثه لبعد المغرب
ياسر_حتقللي من ساعات خدمتك المغرب تكوني ف الحوش..
انا_باه..تالت شيء بنسوق..
ياسر/_ اووووه. السواقه...هدا الي مانبيشي..
انا_انت معظم الوقت زي مافهمت من امك برا طرابلس ..وانا عندي كليه وخدمه محتاجه لسياره نتحرك بيها ولا بنركب تاكسي..
ياسر_معناها..لما نكون موجود ماتحلميش بالسواقه لو طلعت برا طرابلس مشاويرك المهمه بس المهمممه..
انا_تمام..قعد اخر شرطين..الاول هو...حنعيشوا اول فتره من زواجنا كخطيبين لين نتعرفوا ع بعض صح احني ولاد عم لكن انا مانعرفكش..لو تفاهمنا انكملوا مع بعض ولو لا نقعد معاك لين تحصل مرا تقدر تكمل معاها ووقتها كل حد يمشي في حاله...
ياسر_ شن هيا ..شن قصدك..
انا_قصدي انه احني مختلفين هلبا ..في تفكرينا عكس بعض حسب مافهمت ع طبعك من خواتك...مانبيش نتهوروا ويكون فيه صغار ونكتشوا بعد اطيح الفاس بالراس انه احني مانقدروش انكملوا...
ياسر__وشن هو الشرط الاخير...
انا/_نبي عرسي كامل زي اي اثنين يبوا بعض ..يمكن صح نتفارقوا ونرجعوا نتزوجوا ثاني لكن مش حنديروا عرس مره ثانيه بالدات انا فنبي انعيش هالعرس بكل تفاصيله..
ياسر_ وشن دخلي انا
انا_انت حتكون العريس العاشق قدام الناس
رفعت شويه راسي وشفته يبتسم..
ياسر_تمام اتفقنا.وكمل الحلو. ...وخش عمار وكيف بنطلع مدلي هديه خديتهاو وشكرته وطلعت..
.....
شويه وطلعوا روحوا اتفقنا الخطبة حتكون عائليه بعد تلات ايام ....والعرس بعد ثلاث اسابيع..حتطنديروا قاعه مشتركه هما عليهم القاعه والحلو واحني العشي ...
.....
ياسر طلعت منها مصدوم بجد مصدوم..اول حاجه توقعت ع الاقل نشوف هاللي يشكروا فيها ماشفت شيء لانها كانت طول الوقت امواطيه راسها..طلعت هيا النعامه مش انا...والشيء الثاني هو شرطها بأنه زواج مع وقف تنفيد...قريب ضحكت نحسابها تبصر..هيا صح وجهة نظر لكن علاش بنتزوجها انا مانبي مربيه ...يلا انشوفوا اخرتها مع هالمدلعه...وصلت العيله للحوش وبعتث مسج لعادل لو فاضي اتصل .
شويه واتصل
عادل_هلا
ياسر_شن الجو
عاظل_مليح شن جوك انت شن صار معاك شفتها..
ياسر_ههههه طلعت حاجه سوده عطت شروطها وخشت
عادل_مافهمتش
ياسر_شفت لبس الملتزمات ف الشارع
عادل_ايه هديكا العبايه السوده الواسعه ولا لا
ياسر_ايوه هادي هيا طلعتلي بيها..
عادل_ههههههه حي عليك كان مش تطلع من جماعة داعش..
ياسر_ هههه لا وجايك الخبر الصاعق تبيه زواج ع ورق بس
عادل_شن هيا ...
ياسر_زي ماسمعت
عادل_ ههههه هدي متأثره بالمسلسلات
ياسر_ لا وقالت لو ماتفهمناش نقعد معاك لين تحصل وحده ثانيه تتزوجها..
عادل_خيرها هادي شكلها موافقه بس عشان جدك
ياسر_واضحه اصلا
عادل_شن بدير
ياسر_خلاص تمت ..بنشوف اخرتها معاها..
.....
وفاتت خطبه عائليه لبستني امه فيها دبله بحارسها حلوة ومعاها خاتم حلوه وحديده وتعليقه بخراصها وخاتمها...
وجي اسبوع العرس ..وكملت كل شيء والفيلوا اخترت نفس الفيلوا الي كنت بنلبسه لمعتز...لين رن موبايلي رقم غريب مارديت بعدها وصلني مسج
( ردي انا ياسر)
واتصل ثاني رديت وانا نرعش
انا_الو
ياسر_الو ..شن قالت هدايه انك ماتبيش فيلو
انا_اها ماه عندي
ياسر_من وينلك
.ولاامتع عرسك الي مصارش منه..وبدي صوته يعلى_هداك تلوحيه وتطلقي فيه النار...وانا بنبعث فيلوا تلبسيه..وسكر الخط..
انا_اووووووف اوف
اميره_خيرك
انا_ كيف بنتحمله كييييف..
اميره_شن صار
انا_حكيتلها شن قال
اميره_تبي الحق ..من حقه يعصب شن لابستيله فيلوا كنتي تبي تلبسيه لغيره..واعره راه..
انا_وكان يبعث فيلوا مش حلو ..
اميره_لا ماعتقدش ..قوليله لو ماعجبني بنغيره...
انا_تو نبعتله مسج..
اميره_كلميه بلا دراه..
انا_لا..وبعت مسج( الفليو لو ماعجبني بنغيره..)
رد عليا( تلبسيه ان شاء الله نبعتلك شكارة كسبه تلبسيها وانتي ساكته)
.....اميره_هههههههههههه شكله معصب...
انا_حي عليا انا نعرفه حظي..
اميره_ حكيتي لمنيره ع العرس..
انا_لا ماقدرتش نحكيله قلت مرات تحسبني جكيتلها عشان تحكي لمعتز فخليها تسمع من الناس احسن
.....
مع العصر ..طق الباب. ..فتحه عمار وطق عليا فتحت مدلي صندوق كبيييير
عمار_بعثه ياسر..وقاعد يستنى في المربوعه قال لو ماعجبها ..اتقولي عشان نرفعها تختار بروحها
انا خديته وشكرت عمار..فتحت الصندوق وانصدمت ... قسته ..وبعدها اتصلت بعمار وقتله يحكيله انه عجبني ويشكره لانه استنى وهك......
......
عند منيره كانت فاتحه صفحتها لين طلعلها منشور امنزلته اميره ع صفحتي تباركلي فيه بالعرس وتحكي ع اساس متشوقه تشوفني بالأبيض..فرحتلي وفرحت لاني خلاص مسنحيل نجتمع مع معتز ثاني ..صح اتحبني لكنها حبت معتز وزادت تعلقت بيه بالدات بعد تقربت منه وعاشت معاه....
وكيف بتصكر قعمز جنبها معتز وشبح للاي باد في يدها ولفته اسم صفحتي قري الكلام..
ومنيره_تراقب في ردة فعله
معتز_قلبه ينعصر وينعصر ...دموعه تجمعت في عينه_انا بنمشي لبوفا يستنى فيا..وطلع طول
منيره_حطت الاي باد وبدت تبكي...كان واضح حبه ليا وهو يتالم ويقرا في الكلام...
.....
طلع معتز وركب سيارته وللبحر طول ...
وصل ع الشط..وتفكر نضرتي ليه يوم عرسه..
معتز_معقوله رضيتي بغيري..بعتيني زي مابعتك..هان حبك ليا زي ما هان حبي ليك..توقعتك تستني تتعلقي بأي امل انه نجتمعوا ثاني..نعرف مش من حقي انلومك..لكن قلبي هو الي يلوم فيك...اه ياطشتي ..كيف بس بترقدي ف حظن غيري...اه ياطشتي ماحر وداعك..انا اليوم بس تأكدت اني خسرتك...
فتح تليفونه..وكتب مسج
( الف الف مبروك..اليوم بس عرفت بإنك بتتزوجي..اليوم حسيت بإلي انتي حسيتي بيه يوم عرسي..سامحيني لاني خدلتك سامحيني لاني فرطت فيك وفي حبنا سامحيني لاني ماوتقتش فيك..سامحيني ع كل شي ..سامحيني ع كل دموعك الي بكيتها بسببي انا مانستاهلكش....ربي يسعدك يارنيم ..وان شاء الله يكون يستاهلك..معتز)
وبعت المسج..
انا_وصلني مسج من رقم غريب فتحته..وقريته قبل مانوصل للإسم عرفته معتز..تعبوا عيوني دموع...واتكيت بكيت بكيت ع الدنيا اخي عليها.اخي كيف تفرق احباب وتجمع اعداء ...كيف اتحطم احلام وتبني شكوك...
بكيت لعند رقدت..وكانت اخر مره نبكي فيه عليه....
.....
وجي العرس اول يوم حنه وسهريه وفات الجو ف الضحك وصدف عرسي مع عرس صاحبة امل عايشه واليوم كانت حفلتها فأمل ماحضرتش الحنه اليوم...
وثاني يوم كان الرمي ..حنتي صبغت وكانت تهبل...واصرت عميمه انها ترقي مع رجليه نقشي هنديه تلتلف ع الرجل لعند الفخد مسكينه تحسابه بيشوفها..وع ايديا نفس النقشه كانت تلتف ع اليد لعند المرفق گانه عرف ورد حلو وبسيط..
.....
اليوم الحفلة...
طبعا رينا حبيبتي هيا الي طلعتني بمكياج سموكي ع البني والدهبي..ومحدد بالكحل ...وروج احمر.فاقع ..وشعري كله لميته في تسريحه ع شكل ورد كل مجموعة خصلات شكلت ورده وطبعا ما استحقيتش حشوات لانه شعري كثيف...
واخر شيء لبست الفيلوا وكان فيلوا ملكي بجد ملكي كبير ومنفوخ وفيه لمعه خفييييييفه من فوق كان بحملات عراض طايحات بجنب الأكتاف ومزين بدانتيل ابيض الظهر كان عراين لتحت الاكتاف بشوي..والطرحه مرصعه بفصوص صغار لو ماركزتيش ماتشوفيهم تبان لمعتهم بس..ومعاهم طاقم دهب ابيض..كملت ولبست وشوي وجي عمار وصلني انا وامل..وريما
ادرجت ع موسيقى هاديه و في نهايتها وحده تقول الف الصلاه والسلام عليك ياحبيب الله محمد ..ماشاء الله ماشاء الله ماشاء الله...
...
تمت التدريجه والمصوره شحطتني ع الصور..
....
والحفله كانت رووعه رووعه ..
.....
عادل_عاد مش متوتر انت
ياسر_من قال ايديا من بكري يعرقوا
