#رواية بنت التونسية لكاتبه🌺 najah_alhaj (مكتملة)💚

24

روايتنا الجديده #بنت التونسيه للكاتبه najah_alhaj
قراااءه ممتعه للجميع 🌸🌸🌸
           🌸الادمن#لـــــوليــــتا👑
#بنت_التونسية

#الحلقة_24

••••••••••••••••••••••••••••••••••••••••••••••••••••••

لايك قبل ماتقروااا...

***

انتقلنا لحوش جدي عشان يبدا عمار في البني ليا اني وهو يبي يغير في الحوش ...المهم وبدت ريما تطلع تبتت...ومرات نمشي معاها ومرات انفوتها عشان امتحانات نهاية السنه...

اميره نفس الشيء مشغوله بالامتحانات وحتى امل  ..يعني ماحد فاضيلها مرات يطلعوا معاها علياء وعزه خواتي من بوي. ولا هداية بنت ع فؤاد....

وصلاح فاجأنا لما ما اعترضش ع الزواج ولا هدد بخالد ..يمكن لانه حس انه من حق ريما تجرب زواج ثاني يمكن ترتاح فيه يمكن تلقى شخص يعرف قيمتها ... بعد الخيانه البشعه ليه مع صاحبتها...

........

معتز_ياطشتي ماتخافيش انتي مش اول مره اتخشي لامتحان

انا_ايه لكن الماده صعبببببه والدكتوره امتعها وااعره

معتز_وانتي قريتي خلاص علاش خايفه...

انا_يستر الله ومانحملها الماده معاي..

معتز_لا  حبي انا واثق فيك ...

انا_اوكي تو سلام ...بنخش ..

معتز_سلام حبيبي بالتوفيق ...

.....

عند اميره كان جاي ايهم ..

ايهم_شنو دبدوبتي  خلاص قريتي وراجعتي وامورك تمام..

اميره_ ايه ومعاش اتقول دبدوبتي ..اتحسس فيا اني سمينه..

ايهم_ههههههه مانقدرش انا انقول فيه عشان ..ولا بلاش تو نحكي تقاطعني زي قبل...

اميره_ههههه مش وقته كلامك المنحرف...

ايهم_ما منحرف الا تفكيرك..اجري بنت خالك تنادي فيك...

اميره_مشت وبعدين رجعتلها .._انحبك...

ايهم_راه نلحقك امشي...انموت فيك.. .

.....عند امل كانوا الامتحانات النهائيه للسمستر الثاني ( نهاية السنه) ...

كان اخر يوم..

كملت امتحانها وطالعه ف الممر تراجع

صدام_امل

امل_نعم استاد..

صدام_ان شاء الله حليتي كويس.

امل_اها الحمد لله...

صدام_تعالي نبيك...وطلع للساحه...وهي وراه...