#بنت_التونسية
#الحلقة_40
والأخييييييرة
الجزء::الاول
________________________________________
لايكاتكم قبل ماتقروااا
*****
ياسر_تفرج ..ع الفيديو ..أكثر من مره ...
وبعدها حدفه من الفلاش..وطلع الفلاش كسره..
وحش لحوش اهله
ياسر_يام تبي شيء ..
ع وفاء_استنى انحطلك غداكم ارفعه معاك..حقا نبوا نمشوا يومين للمزرعه ..البنات بيبدوا الاسبوع الجاية المدرسة ومعاش بيطلعوا ومنها نعزموا حتى هداية وراجلها..وعمتك وجدك وجدتك ..واميره وراجلها انلموا العيله ..
ياسر_خلاص تم خليها بعد غدوه باش انلحق انجهز كل شيء..
شويه ومدتله الغدي
ع وفاء_خيرك وجهك أصفر شن مريض
ياسر/لا يمكن تعب بس امس مارقدناش كويس..
ع وفاء_املا روح تغدا وارقد..
ياسر_ان شاء الله..
....
ظميت الحوش وبخرته ..حسيت روحي مستاحشاته صح لينا بس اسبوع لكن تعودت عليه..خشيت لدارها حطيت حوايجه وعلقت الحوايج الي غ وبتدد خديت مخدته وشميتها...تفكرت أمس كان شعور حلو حلو هلبا...شعور ماحسيته مع معتز يمكن لان كل شيء بيني اني وياسر حلال... ...بدلت ولبست توته مستوره وطويله..كرهت القفاطين..
واستنيته لعند جي
انا_اهلين...واخيرااااا كسدت بروحي
ياسر_هلاا...هاك تغدي انا بنرقد..
خديت منه التبسي وانا مصدومه..وركب هو طول ...سبيت روحي في خاطري ..طالعته نستقبل فيه زي الهبله..
حطيت المترد بنتغدى طارت النية...قمت كل شيء ومشيت لداري..
تلاقيت معاه طالع من الدوش
شبح فيا ونزل عينه وخش لداره..
انا__تنهدت.._خيره شن صار معاه قلبه هك..
خشبت لداري لقيت ادم كيف ناض..
لنا_كسلنين هما وليداتي.....وقمته قعدت نلعب فيا وهو شبعان نوم ويقرقر...
انا_وين ادومي وينه..اهواااا تييييييي ..اتيييي..ههههههههههه.
...
عند ياسر
ياسر_ علاش الفديديو قصير هك مش واضح كل شيء....وكيف رنيم وبوي..مستحيل فيه شيء غلط...زعما هدا علاش اجلت دخولنا...عشان ماتبيش ترقد مع الولد وبوه...لا لا لو انها دارتها مش حتفرق معاه يعني الي ترقد مع عمها ..معاش حيهمها دين وحرام وحلال....امس كانت متجاوبه تبي قربي.....كيف بس ...نبي نفهم...ومانبيش نسألها نبي نعرف بروحي ..احسن شيء هالفترة انخليها ع اتفاقنا ..ونركز عليها الا مانحصل شي خيط نفهم منه...اوووف كيف بديت انحبها...علاش بس حظي هك ...استغفر الله...
.....
انا_علاش ادومي هك ترجع علي ماما....نضت نحيت التوته وفتحت الدولاب عشان ناخد شيء نلبسه..لين انفتح الباب...
تلفتت مصدومه...
ياسر_ ماشي بنقوللها ع مشية المزرعه ..ونسمع فيها تتكلم...فتحت الباب...ونشوفها ..شعرها مفتوح امتقي كل ظهرها...زايدها فتنه ع فتنتها ...منظر اي راجل يتمني يشوف فيه مرته...تمنيت انخش نحظنها ونحي شعرها ...انبوس كتفها ..لكن...لا لا لازم نصبر..
انا_ياااااااسر ...صكر الباب...
ياسر_ ابتسم.....وصكره...
لبست حوايجي ...توته ثانية حتى هيا مستوره تلات ارباع كم وطويله...ومشيتله..
طقيت الباب..
ياسر_ من ورا الباب...بنقولك انه بعد غدوه بنمشوا للمزرعه العيله كلها وبنقعدوا يومين..شوفي شن ناقصك
انا_باه...ورجعت علاش مباش يفتح الباب علاش ماقالش خشي..زعما صاير شيء في حوش عمي....رجعت للدار بدلت لادومي...ونزلته معاي تحت ..ودرت الشيء الوحؤد الي ينحي توترتي درت كيكة باونتي وحطيتها...في الثلاجه وشويه ورقد ادم وصليت العصر ..قصيت الكيكه وطيبت القهوة وحطيتهم في الصفرة .وركبت لياسر..طقيت وفتحت الباب لقيته كيف سلم من الصلاة
انا_تقبل الله
ياسر_ منا ومنك صالح الأعمال...شن هدا
انا_كيكه وقهوة ..حطيتها ع طاولة صغيره قدام السرير_تعال دوق واعطيني رايك.
ياسر_ قعمز جنبي ...وخدي القهوة والكيكه ويتجنب يشبحلي ...ورجعت النعامه لدكان راسه ف الارض
انا_ شن صاير معاك حسيتك مضايق من لما روحت..
ياسر_لا يتهايلك مافيه شيء
انا_ ياسر
ياسر_ها
انا_ياسر اشبح فيا..
ياسر_نسمع فيك.
انا_اشبح فياااا
ياسر_حط فنجان القهوة بقوة_ويتكلم بصوت عالي_شن تبي تنقي ع راسي اخطيني..نووضي..
انا_ نضت من قوة صوته ومن صدمتي _أسفه غلطه ومعاش تكرر اسفه...وطلعت ..وجعتني روحي مستحيل نفرح بحاجه واتملي....
نزلت ركبت ادم للدار كان راقد. .وصكرت ع روحي ورقدت..
...
ياسر_اوووووف ...علاش بس عاركتها... شن بنديرلها بس قربها وريحتها يجنونا فيا وانا مش قادر نلمسها...يااارب ماتحرمني منها يارب تطلع مظلومة..عادي نقبل انه بوي غالط ..لاكنومانقدرش نتحمل انه تكون راضيه نحبها يارب نحبها ماتحرمني منها......
طلع من دارها ماشيلها بيعتدر...طق مهناش رد فتح وشافها راقده وجنبها ادم
خش بالشوية وصل لعندها شعرها مفتوح ومتناثر ف كل مكان..حتى ادم فيه خصله ع وجهه..ابتسم ياسر
ياسر_يحكي ف خاطره_ عمري ماحسدت عيل لكن حاسدك راقد جنبها وشعرها عليك..حاااسدك جديات..طبس عليا وباسني ع .بشووويش. .. وانا ماحسيتش عليه
ورجع طلع وسكر الباب نزل تحت ونزل الصفره معاه..وفتح الثلاجه طلع الكيكه وسخن القهوة وكلاها كلها خلا بس طرف واحد ليا...وركب بدل وطلع...
...
انا فقت علي عياط ادم راسي ثقييييل وخلوقي مطبقات...عطيته شيشته وتوضي وصليت المغرب ونزلت ..فتحت الضيء.خشيت للمطبخ ..بنشرب قهوه لقيت البكرج مغسول عرفته ياسر غاسله درت قهوه مرة من غير سكر صبيت الفنجان وفتحت الثلاجه بناخد كيكه لقيت طرف واحد بس ..ابتسمتو وخديته ..شربت القهوة..وركبت لادم نزلته حطيته في القعماز ..وطلعت لحم بقر و عجنة عجينة فطاير ..وقطعت البطل شرائح ..وحطيته في الزيت يقلي.وبعدها قطعت اللحك نفس الشيء وحطيته يقلي...وغطيت عليه...وقطعت الطماطم والفل حتاهما شرائح وبعد شوي حطيتهم ع اللحم وبديت في الفطاير لين حسيت حد وراي تلفتت بسرعه
انا_وووووه ياسر خلعتني..
ياسر_متكي ع الباب شن ادري
انا_شاورمة لحم...
ياسر_ تبي نساعدك..
انا_ شن تعرف ادير
ياسر_شن مزالك..
انا_بس نقلي البطاطا..ونكمل الفطاير..
ياسر_هاتي نقلي البطاطا...وخش معاي ..
كل مانلهى عليه نلقاه سارح فيا..
ياسر_معقولة فيه حب بهالسرعه..فيه وله لهارجة طول الوقت وهيا ف بالي ..مجرد بس نلمح طيفها ف خيالي نفرح ..كيف امتلكتني ف اسبوع...سبع ايام..بس ..هدا بس الي احتجتيه باش تملكي ياسر ..
انا_عقدتني بلاش منها مساعدتك..
ياسر_ههههههههههه ضحكتني ومش خاطري نضحك
انا_اضحك شن بنعيشوا فيها عمر نوح..بالله انا اكتر من تنكد ف حياته ..فأضحك مدامك قادر تضحك...
ياسر_نوما...علاش سافرتي لتونس..علاش هربتي.
انا_السؤال صدمني ..معاش قدرت نتحرك..._ كملت الفطايروطفيت الغاز وتلفتله_ مش حتعجبك الأجابه فتجاهل بس السبب وانسى اني سافرت...
وخديت الفطاير حطيت فيهم الهريسه..نسمع ف ادم يبكي..
انا_بالله عليك اطلعله...انا نكمل ونلحقك بالعشي..
ياسر_ رجع تنكد واجابتها زادت حيراته_طلع بدون مايرد عليها...وقام ادم ولقاه عاملها_نومااااااااا
انا_نعم...طلعتله شنو البطاطا بتنحرق..
ياسر__تعالي غيرليه...تو انا نوقف عليها البطاطا..
انا_وغير انت
ياسر_لا والله ...مستحيييييييل تعالي..ومده
انا_اااااه وخلاص..خديته منه وخش هو للمطبخ غيرتله وجبته...خداه مني وكملت ...حطيت العشي..وتعشينا
ياسر_يسلموا ايديك ..احسن شيء طلعتي تعرفي اطيبي..مش جوا ياي مانعرف. اعععع مانقدر..
انا_هههههههههههههههههههه ..لا نعرف ماتخافش ع بطنك..
ياسر_البطن قبل الوطن ..انا بنركب عندي عمل ع اللاب تب ...وركب طول
انا__تنهدت...فيه شيء مش زي قبل يبين في روحه عادي لكن واضح انه فيه شيء وقلبي مش مريحني...
.....
فاتت الليله وثاني يوم جهزو روحهم للمزرعه
....
عند هداية وعادل
هداية_حبي بنرفع معاي دجاج متبل..وبعجن بيتزا..ومش عارفه شن اندير ثاني
عادل_معاش تقوليها هالكلمه مانحبها..
هدايه_كلمت شن..
عادل_انتي عارفتيها..معاش تناديني بيها
أنت تقرأ
#رواية بنت التونسية لكاتبه🌺 najah_alhaj (مكتملة)💚
Romanceبنت التونسية لكاتبه najah_alhaj🌹🌸
