روايتنا الجديده #بنت التونسيه للكاتبه najah_alhaj
قراااءه ممتعه للجميع 🌸🌸🌸
🌸الادمن#لـــــوليــــتا👑
#بنت_التونسية
#الحلقة_3_4
~~~~~~~~~~~~~~~~~~~~~~~~~~
تفاعلكم يا أحلى فانز...
نبي لايكاتكم ..وتوقعاتكم.ً..
*************
خديت تليفون جدتي واتصلت بالشخص الوحيد الي يقدر يساعدني...
اتصلت بخالتي سهير في تونس
انا_الووو.
خ سهير_ الو شكون..
انا_انا رنيم ياخالتي كيف حالك..
خ سهير_ توك ادكرت خالتك اوو
انا_سامحني والله ضروف وماعندي تليفون هدا تليفون جدتي..خالتي انتي لما توفت ماما قلتي لو احتجت لك في يوم نتصل صح
خ سهير_صحيح..اشبيك..
انا_نبي اتجي تاخدني معاك لتونس
خ سهير_ شنو صاير معاك انت..
انا_ضروري اتجي تاخدني بسرعه وقعدت نبكي...
خ سهير_ يومين بس وانجيك انا وخالك انهزك معانا ..
انا_تعالي لحوشنا القديم الي جيتيه لما ماتت ماما وماتخبري حد ولما انشوفك نحكيلك كل شيء..
خ سهير _خلك هانيه نوما..يومين وانكون عندك..
صكرت منها
انا لازم نطلع من الحوش لازم نبعد علي هالحوش والعيله لو قعدت حنضعف وشويه شويه حنلقى روحي في مشكله كبيره لازم نبعد
...وطلعت من داري ضميت لجدتي الحوش وبخرته وسيقت الجنان ونفضت المطبخ
جدتي_خيرك اليوم من الصبح اتفني اتقول جاينا خطابه
انا_هههههههه لا ماجاي حد بس حبيت انفوت الوقت في الحوش
دوشت وتغدينا ..وبعد الغدي قعمزت مع جديده في الصاله
انا_جديده...لو في يوم غلطت غلطه وانا مجبوره عليها اتسامحني
جدتي_شن دايره..قولي...
انا_والله مادرت حاجه..نسأل بس
جدتي_لو مجبوره وماعندك حل غيره اكيد انسامحك بنيتي ..
جيت اضبطتها
انا_والله انحبك جديده انتم ريحة بابا..
جدتي_الله يرحمه...
ونضت درت كيكه والشاهي الأخضر ..طبعا عوادي جديده وجدي...
وقعمزت العشيه شربت معاهم الشاهي مافارقتهمش بكل انراقب فيهم بس نبي نشبع بيهم وتعشينا وخشوا جديده وجدي رقدوا وانا خشيت لداري وصكرته بالمفتاح
ضميت كل حوايجي وحديدة ماما...ومفتاح حوش بوي ..وجي عمي طق لين دهش وروح ...
كتبت رساله لجدي وجدتي...وقعدت للفجر طلعت صليت مع جديده واستنيت لين روح جدي وخش لداره رقد مع جديده
وطلعت بشنطي كانت الساعه7:30
ومشيت قريب ساعه ..لين وصلت لحوش بوي..خشيت وصكرته..
ومشيت طول للمزين امتع ماما فتحته
....
عند جديده
جدتي_رنييييم يااارنيم.....
نومااااااااااا...نوضي بنيتي شن هالنوم
جدي_خيرك اتصيحي خلي البنت راقده
جدتي_ماترقدش ياحاج لهالوقت ...
جدي_وبالك البنت مريضه شفتيها انت
جدتي_لا ماشفتهاش ..وك عليا كانها مريضه بنيتي...
ومشت لداري فتحتها ...
انصدمت فراشي مضموم ...والدار متهويه ...يعني مافيهاش حد من وقت ...
فتحت الدولاب لقاته فاضي من حوايجي ومافيه شيء...وقبل لاتصكره انتبهت للورقه
جدتي_ياحااااج تعال...تعااال فيسع
جدي_خيرك خيرك البنت فيها شيء
جدتي_البنت مهناش ....
جدي_كيف مهناش بالك ف الجنان ولا ف الحمام
جدتي_مهناش حتى حوايجها مهناش ..وامخليا هالورقه في دولابها ...
خدي جدي الورقه_بسرعه ياعواشي جيبي النظاره...
وطلعت جديده وجدي وراها ...وقعمز ع الصالون ومدتلها جديده النظارة خداها...
وبدي يقرا بصوت عالي وفيه رعشه
""بسم الله الرحمان الرحيم
جديده عواشي وجدي محمد يأغلى شيء في هالدنيا عندي ياريحة بابا..الي قعدتلي...ساامحوني
انا طلعت من حوشكم غصبا عني...طلعت عشان انوقف مصيبه كانت حتصير...
مانقدرش نحكي شن هيا..ولا شن صار معاي لكن تأكدوا إني طلعت لانه هدا هو الحل
جدي ..والله ماهربت مع واحد ولا شيء من هالدوه ..طلعت بروحي ماتصدقوغ حد لو حاول يطعن في شرفي او تربيتي انا عشت معاكم اكتر من تلات شهور وشفتي ربايتي كويس..... وماحد عنده علم لا بطلوعي ولا بمكاني...انا لازم نبعد ع الحوش ...سامحيني
جديده ..انتي قلتي لو غلطت غلطه وانا مجبوره حتسامحني..وهدي هيا الغلطه وانا والله مجبوووره ...انحبك...يا احلى عواشي...
ما ادوروش عليا لانكم مش حتلقوني...
انا حنرجع لكن مش ف الوقت القريب حنرجع لما نقدر نواجهه كل شيء بلا خوف
سامحوني ...
جديده راهو تليفونك عندي وشفرتك حطيتهالك فوق رخامة المدخل..
..
رد بالكم علي رواحكم وصحتكم نتمى انشوفكم بصحه وعافيه لما نرجع ادعولي...
رنيم خالد محمد""
جدتي_شن صار معاها البنت..علاش طلعت ..
جدي_هادا الكلام قوليه لروحك هيا معاك طول النهار انتي الي مفروض عارفه كل شيء عليها...
جدتي_لا حول ولا قوة الا بالله شن هالمصيبه...الي طاحت علي راسنا..
جدي_يارب لا اسألك رد القضاء ولكن اسأل اللطف فيه...
جدتي_اتصل بعمامها يدوروها في
جدي_وين بيدوروها وين
جدتي_ان شاء الله يطق طرابلس حوش حوش المهم يلقوها..
كلم جدي عمامي ...واتصلت جدتي بعميمه جليله وقالتلها تسأل أميرة لو عندها علم بأي شيء...
وقلبوا الدنيا وما لقوني مشوا لريما وخدوا منها مفتاح حوش بوي ...
عندي اني ...
خشت لمزين ماما وانهرت بكي..قعدت نتفكر كل شيء صار معاي من لما ماتت ماما من لما طلعت من حوش بوي...
بكيت لين رقدت وفقت علي صوت دوشه قدام باب الحوش خشيت لمخزن امتع المزين.جاي تحت الدروج مش باين وصكرته...
سمعت صوت ع فؤاد و ولده ياسر.. طبعا ماخليت دعوه مادعيتها عليه ...كله منه الله لاتسامحه..ولايربح لادنيا ولا أخره...
دوروا دوروا ولما أيسوا طلعوا وماطلعتش من المخزن اليا المغرب..وبعدها طلعت وفرشت مندار واتصلت بخالتي واكدتلي انها جايه مع خالي...غدوه...
طلعت خبزه من شنطتي جبتها مع حوايجي من حوش جدي ومعاها باكوا حليب وجبنه وكليت...ورقدت ..اتصدقوا مع انه الحوش فاضي ماخفت ...بكل رقدت مرتااااااحه وكأني راقده بيبي بين ماما وبابا...احساس خسرته من يوم طلعت من حوشنا...
نضت مع اذان الفجر توضيت وصليت..وشديت مصحف وقعدت نقرا للساعه عشره...
نضت دوشت و جهزت عباية باش نلبسها وجففت شعري..وكل مره اندير حاجه لين جت الساعه 2:00 طق الباب...
مافتحتش طق ثاني ...
طلعت قربت من الباب
سمعت صوت واحد يقول_انت متأكد انها اهنيي
ردت عليه وحده_ايه كلمتني انتي دق بس.
عرفتها خ سهير..فتحت الباب..وخشت خالتي ونقزت حضنتها وقعدت نبكي..
خ سمير_شنوا انا مش مرئي
الصحيح
طلقت خالتي وسلمت علي خالي باليد بس..( بعد الي صار معاي بدت عندي فوبيا من التريس بصفه عامه )
لكن هو جبدني وحضني لكن حضن...دافي زي بابا..وماما ...
خ سهير_ وين رايحه مزيانه...نوما
انا_وين مزيانه وانا نازلة خمسه كيلوا..سامحوني مش حنقدر انقوللكم تفظلوا اركبوا السيارة وتو انجيب شنطتي وانجيكم
خ سمير_احسن انا نبي رستورانت ونرقد..
وطلع هو وخالتي وخشيت لبست عبايتي فوق اللبسه الي لابستها وساويت وشاحي..
وكريت شنطتي وراي وسكرت المزين كويس وطلعت سكرت الباب كويس ودسيت مفتاح الحوش وتوكلت علي ربي لمرحلة جديده في حياتي حنبدها من هالخطوة...
ركبت معاهم...ومشينا لفندق باب البحر وقدمنا جوازتنا خديت انا وخالتي غرفه وخالي غرفه...
قعد خالي وخالتي راقدين للمغرب تعبانين من مشوار الطريق وبعدها طلع بينا خالي طبعا. انا الدليل مشيت بيهم لمطاعم الحوت في تاجوراء...وطلبنا حوع مشوي بس ..
وجي الوقت الي بنحكي فيه السبب وبديت وانا متحشمه من خالي موووت حكيت شن صار في حوش اختي وبديت نبكي والي صار مع عمي حكيت من فوق لفوق
خ سمير_شنو. هدا كيفاش يعمل هكي هو ميخافش ربي هدا....انتي عرضوا وشرفوا اتفي ... يحلموا لو شافوك ثاني ..
خ سهير_حبيبتي انتي تعالي ..وقربت مني وحضنتي بكييت بكييت حسيت بجزء من ماما معاي خوفها عليا فكرني بخوف ماما علي
خ سمير_باكر اصباح انهزك للمدرسه تاعك وناخدوا اوراق تسجيلك وطول لتونس وباي باي ليبيا .
خ سهير_هدا هو الكلام..الصحيح
وروحنا للفندق رقدنا ونضنا ثاني يوم
سحبت ملفي من المدرسه وطلعنا لتونس كانت عندي شفرة ماما اتصلت بريما اختي.
ريما_الو...رنيم
انا_عيوني دمعوااا ....ردي بالك ع روحك وع خلود... وماتصدقيش راجلك في كل شيء ومعاش تكوني ضعيفة شخصيه راهوا راجلك مش ساهل...
ريما_بصوت مخنوق بالعبرة ..انتي وين..
انا_بعيييييده معاش تقدروا توصلوني بعيييده هلبا ياريما..سلام
وصكرت منه وتلفتت للطريق نبكي من غير صوت تفكرت كيف بدلتني براجلها كيف صدقاته وكذبتني ديف لزتني من حوشه...بكيت ع ايامنا واحني صغار كيف كانت ادفاع عليا لما ماما تعاركني كيف تقسم عليا ف شكلاطتها لما بابا يجبلنا شكلاطه كيف حتى لما بدت تخدم مع ماما تعطي فيا من فلوس خدمتها....ايام وراحت مع بابا وماما....
أنت تقرأ
#رواية بنت التونسية لكاتبه🌺 najah_alhaj (مكتملة)💚
Romanceبنت التونسية لكاتبه najah_alhaj🌹🌸
