#رواية بنت التونسية لكاتبه🌺 najah_alhaj (مكتملة)💚

13

روايتنا الجديده #بنت التونسيه للكاتبه najah_alhaj
قراااءه ممتعه للجميع 🌸🌸🌸
           🌸الادمن#لـــــوليــــتا👑
#بنت_التونسية
#الحلقة_13
🌸🌸🌸🌸🌸🌸🌸🌸🌸🌸🌸
ياسر/نعععععمممممم ههههههههههههههههه
تي احلم
يزيد_ علاش تضحك نكلم بوي ونخطبها وانا ولد عمه واحق
ياسر_جدي بيرضى بيك لحفيدة المفظله اربح راحتك احسنلك
يزيد_وعلاش بيرفضني  نخدم ع راسي وكانه ع الحوش قاعد صغير وتو نبدا نبني 
ياسر_ لا نسيت حاجه وكل ليله في مزرعه مشبوهه
يزيد _ عادي طيش شباب و بعدين لو نحصل هالصاروخ في حوشي مزال نطلع منه اصلا وعض شاربه التحتي بتلذذ  ..
ياسر_ والله مرييض انت..
....
عندنا احني
جدتي_امتا بتحددي عرس ياسر ياوفاء ..
ع وفاء_ والله ان شاء الله قريب ..
انا _بهمس لأميره ._وعلاش ماتزوجش لتو مش شقته واتي من سنه ولا اكتر..
اميره_بهمس .ماهو بعد كمل شقته خش شراكه مع اثنين صحابه وفتح شركه للنقل الثقيل ..يعني يحولوا في شركات النفط وهكي مانفهمش المهم حط فيها كل فلوسه وتو بس بدت توقف الشركه ع رجليها..
انا_هزيت راس ..عجبني كيف خادم ع راسه مش زي خوه الفاشل..
عميمه_ربي يسهل حتا خطيبته خلاص اخر سمستر بتتخرج..وخو قال مايبيش يتزوج وقاعده تقرا مش فاضي لسريب ارفع وجيب ..
ربى( اخته وهيا توؤم هيا وروابي)_ كان يديرلها سياره غير هو متعقد .
هدايه_مش متعقد.. حر مايبيش مرته اتسوق
جدتي_ايه يديرلها سيارة معاش تقعد في حوشها..
روابي_بالعكس هو ديما يخدم ياجديده ومره ف الشرق ومره في الغرب يقعد بالإسبوع والعشر الايام لازم تتعود انها تقضي حاجتها بروحها
ريما_هيا موافقه وراضيه..ايدبروا راسهم غير يتزوجوا
ع وفاء_ايه والله يوم المنا الي انشوفه عريس
جدتي_والدايح الأخر امتا يعقل..
ع وفاء_ والله بيهبلني ي اللاي وبوه زايدها لا يعارك لا يدور وايقول طايش وصغير وتو يعقل..لكن عندي احساس بيجيبلي مصيبه
هدايه_ والله هو كويس كان غير يخطا هالمفرخ الي دايرين بيه..
ربى_والله يزيد جوها ماهو عادي غير انتم ديما عندكم ياسر احسن منه ومفضلينه ع الكل..
عميمه_ يابنتي احني مانكرهوه هدا ولدنا وهدا ولدنا لكن نبوه يعقل ويحط عقله في راسه معاد صغير هو باش يتبعه خوه طول الوقت وبوه يداري عليه لازم يعرف ويفهم انه خلاااص لو غلط اي غلطه ثانيه يتحملها هو
روابي_مافيش داعي تتكلموا ع خوي قدام الناس الغريبه يا حناي..
جديده_جريده تمحطك ع جنابك .وينهم الناس الغريبه ..كانك علي ريما ورنيم فهما هل هالحوش..
ربى_ عاد من يقدر يتكلم عليهم ..ماتنسيش ياحناي الكبيره مطلقه..والصغيره كانت هاربه والله اعلم مع من وعلاش..
ع وفاء_ صكري فمك..
جديده_ والله ماحد طلب راي فاشلات زيكم تلات اسنين ليكم في الإعدادي وماخديتنها..
ربى وراوابي _ ناضوا يفنتروا من الدار
وانا واميره _نضحكوا..
ريما_هيا يارنيم مانقدرش انسوق بعد المغرب الوضع ما ايريحش بكل..
انا_قاعده البلاد مش مرتاحه حتى بعد تحرر طرابلس
جديده_تحررت شنو وفي الليله ما يرقد حد من الظرب..
ريما_ ربي يهدي ان شاء الله تتحسن اوضاع البلاد ياسر ماخسرت البلاد من شباب
انا_ ايه ..والله يوجعوا امهات الشهداء
جديده_ والله يرجعلهم معمر يوريهم..
انا_ معمر هرب وخلاكم
جديده_ معمر ماطلعش من البلاد قالها انا قاعد هنا
ريما_ ياجديده شن رينا منه معمر شعب جاهل..متخلف..شن خلفلنا اربعين سنه حاكمنا شن تغير في البلاد زي ماهيا..
جديده_ يكفي نرقد وانا مرتاحه حتى وكان بابي مفتوح مش تو بالمفاتيح والليل كله وانا انتقومز
انا_ اصلا نقاش عقيم ..جديده انتي مع معمر..واحني ضده..اوالي معاه الحق ينصره ربي انهوا هالموضوع
جديده_نوضي نوما حركيلي كاشيك سكر في اميه حاسه روحي فاشله..
ع وفاء_خيرك ياللاي..انكلم فؤاد يرفعك للمستشفى..
جديده_ لسانها ثقل وصاخت
عميمه_ياااام اسم الله خيرك يام ..يافؤاد يابوي...نوضي شوفي حد يا وفاء
خشت ربى وروابي وانا بطاسة الميه نجري..ولقيت جديده صايخه وعميمه تعيط..
خدت ع وفاء_ الميه مني وهدايه مشت جري جابت عطر من شنطتها .بخيناها
خش جدي وع فؤاد..
فاقت جديده شوي ورجعت صاخت ثاني طلعناها لسياره ع فؤاد..
ومشت معاها عميمه  وع وفاء ..وجدي..
واحني قعدنا ع نار
...
وصلوا للمستشفى ولحقهم ياسر  وع فرج ..
دخلوها وطول نقلوها للعنايه..عندها هبوط حاد في السكر..وبدت وضائف الكبد والكلى تتأثر..
اتصلت بعميمه
انا_ الو عميمه شن صار..
عميمه_دخلوها للعناية وخايفين علي الكلاوي والكبد وتو دارولها تحليل ثاني..ونستنوا في النتيجه..
انا_ ربي يشفيها ..ولو صار اي شيء كلمينا..
عميمه_باه..
وصكرت منها جي يزيد..عيك براده وسماطه قعمز هو وخواته التوؤم وضحك وهدرزه كسروا رقبتي...
طلعت للمربوعه
انا_الو حبيبي
معتز_هلا غلاي
انا_خيره رقمك خارج التغطيه ..
معتز_شفرتي ماتخدمش اهني..
انا_وين انت. تو..
معتز_ في بلاد اسمها يبدا بحرف  اللام
انا_ وين .لبنان..
معتز_لا...
انا_معتز وحق ربي ماعندي جو للالغاز جديده في العنايه..
معتز_كيف صار كنها..
انا_ مريضه شكلها هبطلها السكر هلبا لين أثر ع الكبد والكلاوي خايفين عليها هلبا
معتز_ لا بأس عليها ادعيلها غلاي وبإذن الله تنوض بالسلامه
انا_ان شاء الله ..خليك في تغطية النت باش انحصلك ع الفايبر..
معتز_ حاضر .
انا_يحضر لك الخير حبيبي
معتز_ انحبك ..نحكوا ثاني في الليل ارجيني ما ترقديش..
انا_ باه انحبك.. سلام..
معتز_نعشقك سلام.
....
صكرت منه وطلعت قعمزت ع دروج الي يركبوا فوق السطح مانبيش انخش ونتلاقى مع السامط وخواته..
طلع هو..حظي انا ولا يفلق الصخر..
يزيد اووه القمر متنازل ومقعمز ع الدروج..وقرب مني
انا_ وقفت..وجيت بنمشي شد يدي
انا_شبحت فيه من فوق لعند لوطى بإستحقار وفكيت ايدي.
يزيد_شن هالشبحات هادي ..ايه عارفينك مغروره ويحقلك بالجمال لكن مش ع خطيبك
انا_خطيبي.!!؟؟؟
يزيد_ ايام بس تصحح جناي ونخطبك.
اتا_انت!!!! انت تخطبني أني ... ههههههههههههه .ضحكتني وماخطريش ف الضحك قربت منه _ تعرف لو تقعد أخر راجل في الدنيا ويخريوني نتزوجك ولا ننحبس في حمام خامر لباقي عمر ..نختار الحمام ولا نكون حلالك في يوم ..
يزيد_ جبدني بقوه ليه وحط يديه ع خصري..مكان يديه حسيته جمر يحرق فيا كنت متقزز حد القرف..
وهمس _ انتي ليا انا وهالجسم ..وبدي يمشي في ايديه لظهري وينزل بيها_ حنستمتع بيه انا...برضاك ولا غصبا عنك ..دفيته ..وصربت كف ..وتفلت عليه
انا_في احلامك ...يا يزيد في احلامك
يزيد_تي والله اندمك يارنيم اندمك...
خشيت وسيبته مقروفه متقزز ...
ريما_خيرك نوما..وجهك متغير
اميره/بسم الله وجهك أسود شن سمعتي علي جديده
انا_ لا ماسمعت شيء ..وهمست بصوت واطي .._هدا يزيد التافهه..
اميره_ شن دار
اناانا_نحكوا بعدين..
وخشيت للحمام ..دوشت بميه سخونه ..كنت انحس في روحي خامره..
طلعت لبست توته كنت جايبتها معاي..
وقعمزنا نستنوا...
وفي الليل روحت ع وفاء خطمت ع بناتها وخدتهم وروح جدي وقعدنا معاه انا وريما وامل واميره .وعميمه قعدت ف المستشفى