روايتنا الجديده #بنت التونسيه للكاتبه najah_alhaj
قراااءه ممتعه للجميع 🌸🌸🌸
🌸الادمن#لـــــوليــــتا👑
#بنت-التونسية
#الحلقة-17
🌸🌸🌸🌸🌸🌸🌸🌸🌸🌸
لايكاتكم قبل ماتقرواا
ريما كانت واقفه ع جهاز الطرد المركزي وتراقب ف العينات
ااولد1-ماشاء الله عليك
ريما-عفواا
الولد-قصدي شطارتك شكلك بتحصلي الترتيب الاول
ريما-اها...بدون نيه- شكرا
الولد1 - عفوا انا نبيك تساعدني انا حالتي تعبااانه هلبا هلبا
ريما- وكيف تبيني انساعدك
الولد1-تعطيني رقمك واي شيء مانفهمه انكلمك وتشرحيه ليا انا مانفهمش منهم هادوا
ريما-وعلاش رقمي نقدر نشرحلك بين حصص الكورس
ااولد1-لا يبدوا حاطين علينا ااعين وايطلعوا كلام ماليه اساس بكل
ريما- اوكي..وملت عليه رقم العمل ..
طلع ااولد 1 من جنبها بعد شكرها ..ومشي لصاحبه..
الولد2-شن صار
الولد1-جبته ..باه وكيف بصير شكلها مصكره بكل
الولد2-عطيهولي وخليها عليا
الولد 1- مش طايقني صبر بكل ...تخايل بس طرف زي هادا معاك ع السرير ووووه عليا
.....
طبعا كله سمعه الدكتور عمار
عمار - في خاطره...تقعد غبي طول عمرك ها يادكتور... ماتتعلمش بكل..
...
عندي انا واميره ف الجامعه
اميره كانت طول الوقت سارحه .وباين انها مش راقده مع انه حاطه شوي ميك اب لاكن مش مخبي التعب والهلات السوده .... نضراتها كانت فارغه اتخش للمحظرات جثه بس ...ااي مرت بيه حطمها ..وباادات لما بعث اهله ثاني يوم بدون اعتدار بدون ما يحسسها بانه يحبها ويبي يخطبها لهالسبب مش باش يرقع الي داره معاها ...
انت-لامتا ان شاء الله حتقعدي تبكي اطلال علاقه انتي نهيتها هادا خيارك انتي والمفروض تتجاوزي هالمرحله خااص سادك ولو نادمه رقمه عندك اتصلي وارجعوا لبعض..
اميره-انا بنروح ..ناضت وقامت حاجاته وطلعت..شويه وروحت انا بعد صورت شيتات محاظرات اليوم وانا في الطريق كلمني معتز
انت- الو
معتز-شن الجو ..
انا-لا هاماتك هلبا .وينك ليك اسبوع ماتتصل
معتز-كنك ما اتصلتي سالتي
انا-والله انا لازعلتك ولا غلطت فيك ولا شكيت فيك
معتز-غيري الموضوع مانبي نحكي فيه
انا-وعلاش متصل
معتز-رايفت عليك وعلي صوتك ياطشتي
انا-وحتى انا..
معهز-وين انتي
انا-مروحه من الجامعه
معتز- في باص
انا-لا ع رجليا الجامعه مش بعيده ع الحوش
معتز-قاعده في الشارع انتي
انا-اها كيف طلعت من الجامعه..
معتز-ارجي جنب السيمافروا الي بعد الجامعه شويه وانجيك
انا-اوكي ماتعطلش..
شويه وجي
ركبت معاه..
معتز-طشتي رايفتلك والله
انا-مديت شواربي-زعلانه اني
معتز-ماعاش الي يزعلك..شن رايك تمشي معاي للمهاري..
انا-معلاش مانحباش..
معتز-نبي انعدي لهاله عازمتني ع الغدي بنشري شويه حاجات..
انا-باه خلي انكلم ريما
كلمت ريما وقالت روحي
انا-ريما قالت لا..
معتز-بلا جو..مش حنعطلوا والله مرايف ونبي نحكي معاك ..وهما يومين وبنرحع لدبي
انا-مش حنعطلوا اوعدني
معتز-وعد ..
وصلنا للمهاري .ونزلنا وكل شويه نسرح فيه وهو يختار ف البظاعه كنت مستاحشاته مووت وفكرت انه بيبعد ثاني ومعاش بنشوفه توجع في قلبي..
معتز-غمزلي-كنك.. عاجبك لهالدرجه ..راك تعينيني
انا-لا ياثقه ..بنوقع معاك عقد مش بنعينك
معتز-هههههه تتحنطي..
انا-اسماها تتسهوكي..
معتز- تتحنطي ..وقرب قرص خشمي-ياطشه
انا-اي..حانه
معتز-طلق خشمي وطبس في ودني-وحق ربي كان نلقى انبوسك في ويط ااسوق اهني
انا-وجهي ولا احمر..
معتز-شدني من يدي ..وبدي يمش وهو شاد ف يدي ويقولي ع البضاعه وانا انحط في الكروسه كملنا وطلعنا...
واحني مروحين خطم ع محلات الشيخ للساعات ونزلني معاه
انا-شن تبي والله ريما قريب تروح وكان تدري عليا تدبحني
معتز-شويه بس ..
خشينا للمحل..شري ساعه حلوه من مايكل كور...وخدالي ساعه من سويتش تهبلل عمليه لونها فضي
ركبنا في ااسياره
انا- شكرا
معتز- عشان ترضي بس طشتي
انا-معتز انا انحبك وانت تعرف هالشيء خليك واثق فيا معاش تسنع لحد ولا حد حبيبي لو فيه موصوع يمكن يفرق بينا كنت حكيته ليك من زمان انا طشتك الي تحبك ومستحييييل ادير شيء يفرق بينك وبيها
معتز-نعرف بس لانك مش حاكيا شيء قبل علي سبب طالوعك خلاني نسالك حبيت نعرف منك لو فيه شيء عشان لو صار اي شيء وحد حب يخرب بينا نكون علي علم بكل شيء عشان انوااجهه
انا- مافيش شيء مهم تعرفه..
معتز-صافي يالبن
انا-حليب يا اشطه
معتز-انحبك انحبك
انا-حتى اني..
وصلت للحوش وحري حطيت الغدي ع النار وخشيت دوشت ولبست توته حلوه لونه احمر في الاكحل التيشرت احمر مرسوم عليه ورد اكحل ومن تحت سكليز اكحل
طق الباب
طلعت نتكلم.-ياخرا مرا تانيه ارفعي معاك مفتاحك شعري مبلول مانتحملش الريح بكل..-وفتحت الباب...لكن مالقيت ريما..لقيت مصيبه واقفه-عمي فؤاد
ع فؤاد-شن املا تراجي ف حد ثاني
انا-لا نحسابك ريما اختي...ووخرت ورجليا يرعشوااا..ع فؤاد-شن رنيم تتغلي عليا انا...تي انا زي بوك راه ويشبح في برغبه تخوف..
انا-شن فيه عمي ان شاء الله خير..
ع فؤاد-هو الي يشوفك مزال يشوف شر ...مهناك الا الخير..وقرب مني ..وانا انوخر..لين اعترت ...شدني من يدي نفضت ايدي ووخرت..
ع فؤاد-غير خيرك خايف زي زمان مايصيرلك شيء..
انا-ريما جايه وقريب توصل...
ع فؤاد-املا سقدي روحك قبل لاتوصل
انا-لا
ع فؤاد-نعم..ماتخلنيش نيتعامل معاك بأسلوب ثاني وتنفصحي زي مصار مع صلاح زمان...
...
في نفس الوقت ف حوش ع فؤاد
طالع ياسر مستعجل خبط في يزيد
يزيد-خيرك شن فيه...
ياسر-ريما بنت ع خالد انفلقت عجلة سيارتها وتبي شكورطه معندهاش...
يزيد-وين هيا..
ياسر-في جنب المركز الي تاخد فيه في كورس هيا سلام عطلت ..
يزيد-اوووو الطرف بروحها ف الحوش..
رجع ركب سيارته...
...
انا-ابعد عليا حرام عليك..
ع فؤاد-الي حرام انه خيرنا يستمتع بيه غيرنا... تعالي ..
انا-لا..حبدني من يدي ...وحطها ع ^$$/
في نفس الوقت درس يزيد ورا حوشنا ونقز من ااصور وكيف بيلف للجنان القدامي شاف المنظر ايدي وين وبوه ...وقف مصدووووم...
يزيد-يكلم ف روحه صار هك يا/#$/ دايره روحك شريفه علب انا..طلع الموبايل وصور فيديوا وصور ثابته...ورجع نقز من الصور وطلع ركب سيارته..وهو مستحقر بوه ويبكي علي امه المرا الطيبه الي ديما مهتمه بروحها وبراجلها وصغارها....
انا دفيت عمي بقوة وخشيت جري وهو ف جرتي فتحت دولابي وطلعت مسدس عاطيه ليا جدي لانا بنات بروحنا
انا-وخر وخر وحق ربي نقتلك..
ع فؤاد-خاايف وخر
انا انقدم- اطلع برااا وق ربي مزال اتجي ولا انشوفك نقتلك نقتلك تسمع اتفووووو انا عرضك وشرفك خزيي...
طلع عمي وانت انهرت نبكي...
......
وصلت ريما...
لقت الغجي مطفي عليه
وانا امصكره داري..
طقت عليا مافتحتش..
تحسابني راقده و انا نبكي مصدومه كنت بجد حنقتله لو قدم خطوه تانيه..
معقوله كنت حنقتل ..كيف بس كنت حنعلق رقبه في رقبتي ..صح شرفي ومن حقي وكل هتلمواضيع لكن الفكره ف حد داتها اني نقتل شخص...كانت مخوفتني...
...
عند اميره كانت في دارها... امقعمزه وسارحه...
خشت امل...
امل -هالك معاك نوما..ومدلتها التليفون..
خداته اميره وطلعت امل
اميره-بصوت حزين ودوب طالع -الو نوما
ايهم-دبدوبتي استاحشتك.
اميره-كانت مستاحشه صوته مووت...قلبه وكانه كان واقف ورجع يدق ثاني
ايهم-اميرره ..تسمعي فيا..
اميره-شن تبي ..؟؟
ايهم-اسااخشتك والله بنموت بلاك ...معقوله ما استاحشتيني ...عايش بس علي عطرك معبي بيه قفطانك ..وكل مايغلبني شوقي ناخده وانشمه..والله بنهبل..
اميره-تفكرت كيف حتى هيا ماترقد الا وتيشرته الي خنباته من دولابه ..في حظنها-ما ايهنيش كلامك كله ما ايهمني..لما تعرف غلطتك وتكون جاهز انك تتاسف وقتها بي كلمني
ايهم- علي شن بنتاسف..كان عاجبك الجو ما تنكريش...
اميره-لا والله مادام هدا كلامك معااااش تتتصل بيا..
ايهم-( اكبر عيوب ايهم انه مايتنازلش ولا يعتدر ولا يترجى حد حتى لو بيموت ولو انجرح من كلمه يجرح بعشره) ....ايكون ف علمك بس ما اتصلتش الا بعد وصلتني رساله من اختك تحكي فيها عليك وعلي تعبك بعدي صخفت عليك ..
اميره-صار صخفت عليا ..يعني استاحشتك والجو الرومانسي الي حكيته كدب
ايهم-حاجه زي هكي
اميره-اوكي املا اسمه شن بنقولك زييين ورد بالك تنساه... انا انحبك وانموت فيك لكن والله والله والله ولو تموت مانكون ليك وكدبك عليا ولعبك بيا ...حنتفكرهم كل دقيقه كل ثانيه..لين نكرهك لين انعبي قلبي عليك كره وحقد لو يتوزع ع الارض كله يسدها ويزيد..وحيجي يوم وحنحب غيرك وكل كلامك الكدب علي شعري وعيوني الي كانوا ليك بس حياخدهم هو وحنكون ليه هو ..وحننساك وحتقعد انت وكلامك مجرد دكرى ..
وصكرت عليه...
ومسحت دموعها...
اميره-معاش بنبكي مايستاهل مايستاااهل..
ناصت دوشت وصلت وشدت المصحف مافيش احسن من كلام ربي يبرد نار قلبها..
....
عند ريما..
كانت ف المزين رن موبايلها متع العمل
رمما-الو السلام عليكم مركز R and R للتجميل تفضلي
المتصل-الو مدام ريما معاي
ريما-ايه تفظل خوي
المتصل- انا وجدي معاك في المركز الي عطيتيه الرقم...
ريما-اها ...اهلا
المتصل-هاا بيك..والله نبيك ف موضوع
ريما-والله حاليا مشغوله شويه
وجدي-انعاود عليك ثاني ف الليل..
ريما-باه
صكرت وقلبها مش مرتاح
انا ماطلعتش للمزين اليوم
ريما-نوما اطلعي عاونيني وحق ربي زحمه وجت منيره تبيك..
انا-واااااااك مانرتاحش بكل..
ريما-اطلعي بلا دلع...
انا-بااااااااهي باااااهي....
لبست حوايجي بلوزه دميه طويله لنص الفخد مع جينز ...وشبشب طبي..
خشيت للمزين..
انا-السلام عليكم
منيره-وعليكم السلام شن قالت ريما دايره اضراب اليوم
انا-تعبانه شوي ..شن شعرك تو ليا قداش ماشفتك..
منيره-قريب تلات شهور وماشاء الله شوفي ..وفتحت شعرها وكان فعلا مساوي هلبا ومعاش متقصف ولونه الاسود بدي فيه لمعه..كان شعرها تحفه طوبل واسود...
ريما-ما شاء الله
انا-ماشاء الله مساوي هلبا...ماتقوليش بتقصيه..
منيره-لا شن انقصه...نبي نعزمك ع عرس خوي وبناخد موعد للمحظر للعروس و موعد ليا انا وخواتي ليله الحفله لانه صاله مشتركه
انا-ادللي امتا الموعد..
منيره-بعد اسبوعين...
انا-ان شاء االله ربي يكمل ع الخير
.....
وخدمنا لين مدينا لسانه...
انا خشيت دوشت وجففت شعري صليت وحكيت مع معتز شويه راجعت محاظراتي ودرت خبزه وطن وهريسه عربيه تهببل اممممم ..ورقدت
ريما دوشت وعشت خالد وتعشت معاي وخشت رقدت ولدها وشدت المصحف تقرا..
لين رن نقالها كانت الساعه12
ريما-مصح وجهه متصل تو -ماردتش عليه
علق ومعاش بطل بكل
ريما-بعصبيه-نعععم
وجدي-علاش ماترديش ريوم..
ريما-عفوا شن شن اسمي مدااام ريما..
وجدي-اسف بس من غلاوتك ومكانتك عندي
ريما-عفوا وجدي خوي ااساعه 12 وانا تعبانه غدوا نتلاقوا في استراحة الكورس... ونحكوا ..
وجدي-انا انريحك غير شن امتعبك بس
ريما-مع ااسلامه ..وصكرت ااتايفون نهاآي
......
ثاني يوم خالد مرض وريما ما مشتش وانا مضايقه ما مشيتش لاجامعه
ريما-كلمني جدي الأسبوع ااجاي بنمشوا للحوازة
انا-الله علي ايام الحوازه لين نسيناها
#يتبع
#najah-alhaj
ارأكم وتعليقاتكم تهمني
أنت تقرأ
#رواية بنت التونسية لكاتبه🌺 najah_alhaj (مكتملة)💚
Romanceبنت التونسية لكاتبه najah_alhaj🌹🌸
