#رواية بنت التونسية لكاتبه🌺 najah_alhaj (مكتملة)💚

12

روايتنا الجديده #بنت التونسيه للكاتبه najah_alhaj
قراااءه ممتعه للجميع 🌸🌸🌸
           🌸الادمن#لـــــوليــــتا👑
#بنت_التونسية
#الحلقة_12
🌸🌸🌸🌸🌸🌸🌸🌸🌸🌸🌸
ع فرج _كيف يابنتي تطلعي من حوش جدك لا تسأذني لاتقولي وراي هل لا عمام بينشغلوا بيخافوا ..كنتي كلمتيني انا ..شكيتي ليا اني من اي شيء كنت حطيتك معاي في
انا_كان لازم نطلع ياعمي والحمد لله خديت دورات وخدمت وتعلمت نعتمد علي روحي انا يتيميه ياعمي مهما درتوا انتم ولو شنوا ولو حطيتوني في قصر بشغلاته مش كيف بوي وامي طلعت باش انكون نفسي باش نقدر نواجه الدنيا بروحي..
جدي محمد_الكلام هدا مش وقته ..هيا وتي روحك
انا_لا ياجدي انتم كيف واصلين وتعبانين غدوه الفجر نطلعوا من اهني...
ع فرج_عندها الحق يا بوي تو خلاص العصر قريب يإذن انخلوها غدوه وخلاص
خشت خ سهير جايبه شاهي وكيك انا دايرتها
ع فرج_سامحينا بنثقلوا عليك الليله
خ سهير_ لا مررحباا بيكم ..تشرفونا
انا_ جدي كان تبي تتوضأ اوينه الحمام..
جدي_ايه والله ..من وضوء الصبح
انا_ ع فرج كيف خال ريما..
ع فرج_الحمد لله قاعده هيا وولدها في حوش بوك وتخدم والعيله كله كان هناك مناسبه مايمشوا لغيرها..
انا_ باه كويس يعني ماشيه امورها
ع فرج_ ايه يابنتي كلمي اختك الي ايجيها ترده اليا الاسبوع الي فات جاها واحد متزوج وعنده ولدين ومرته معاش اتجيب . ويخدم ومرتاح وبيديرلها حوش بروحها وهيا امصكره راسها..ويابنتي هيا مطلقه والناس ماترحم الي زيها ..

انا_يا عمي تو بروحك قلت مرتاحه وتخدم وامورها تمام ..الزواج مش كل شيء جربت واتزوجت وشفت شن صار وهيا لتو قاعده متأثره ..اختي نعرفها... مستحيل اتوافق علي هالموضوع لو مش مقتنعه بالعريس..
ع فرج_ مفتاح مايعيبه شيء...قالت لا كبير شن تبي ايجيها عازب ولا صغير السن مطلقه وبولدها شن تتوقع
انا_ حوش بوي موجود ولووجاها نصيب كويس وترضى هيا بيه باهي ماجاش قاعده في حوش بوها وتصرف علي روحها يعني ياعمي ما امثقله علي حد...
ع فرج_راصك كاسح انتي وياها زي بوكم..
انا_الله يرحمه..
ع فرج_الله يرحمه..
.....
ثاني يوم من الفجر طلعنا..وصلنا لطرابلس الظهر..
روحت لحوش جدي
..
جدتي عواشي_ هكي ياصخيحة الوجه تهربي لخوالك فاش قصرت معاك..
نقزت طول وحظنتها نبكي بالعبره كنت مستاحشتها موووت وبدت تبكي معاي..
ع فرج_جدتك مريضه ماتبكيهاش..
جلقت جدتي ولقتني ريما ضاعفه هلبا ومعاها خالد يمشي جنبها..حظنتها وبكينا بكينا لين فرغنا الي في خاطرنا حاولوا يفكونا وماقدروا
تبكي واتقول
ريما_دبحوني يانوما دبحوني وخلوني ننزف ..
انا_مايستاهلوش مايستاهلوش خاين هو وياها...كلب والله مايستاهلك..
اميره_ياسرك ريما اطلقيها
انا_ميروو..وحظنتها حتى هيا ..وبعدها عميمه وامل ومرت عمي وبناتها سلمت عليهم عادي..
وبعدها خشينا كلنا وتغدينا وبعد الغدي ناداني جدي للمربوعه عشا انسلم علي عمي و ولادها...
انا_السلام عليكم..
كلهم_ وعليكم السلام
سلمت علي ع فؤاد بروس صوابعي وقعد يتأمل فيا بكل تفاهه مستحيل يكبر هااميره_
يزيد_اووو الهاربه ..روحتي
انا_ بصوت هامس ..هربت منك ومن الي زيك ونفس بوه سلمت بىوس صوابعي ...
والثاني هادا ما قمتش عيني فيه وحتى هو نفس الشي دوبه همس ..اهلا
..
طلعت منهم
جدتي_خشي بدلي اقلعي هالحوايجي والبسي توته خفيفه
انا_باه
خشيت فكيت الوشاح وبدلت لبست توته مريحه..
وطلعت
عميمه_ماشااااااااء اللله شعرك طول هلبا شكله ترا فكيه
انا_لاش ياعميمه خليه مضمووم والله ايدره في كبدي
ريما_غير فكيه انشوفوه
انا__باه ..وفكيتها
جدتي_الصلاة ع النبي ماشاء الله ماشاء الله طول هلبا
ريما_يهبلل احلى من قبل اتحسيه امولي كثيف
انا_كنت انديرلها في جلسات في المركز الي نخدم فيه..
هداية_ماشاء الله تخافي عليه من العين
ع وفاء _ ياسعد الي بتكوني حلاله الزين والشعر  والعقل
عميمه_ وكان عندي ولد كبير ما نفوتك..
انا_ تحشمت..وخفت..خلي انديروا قهوة
اميره_ايه نوضي هي
خشينا للمطبخ..انا وهيا وامل..
انت_شن جو ايهم
اميره_خدت البكرج وصبت فيه اميه وقهوه وسكر وحطاته ع النار_قاعدين زي قبل كان حصلني في مكان يدوبني بكلامه وغير هكي شيء حتى المكالمات لغاها من بعد هديكا الليله الي كلمني فيها اول مره..يبعث في مسجات في المناسبات وبس بيهبلني..
امل_اتجهز في السفره_ايه دراه كبد..لا خطب لا تكلم لا شيء ..
انا_ واقفه ونتفرج جو ضيفه ههه_غريبه مع انه كلامه يقول هدا غدوه بيتزوج..
اميره_املا انا شن انقول..اصلا كدب مستحيل في حد يحب ويقعد بالسنين ساكت لا يخطب لاشيء
امل_ هدا غير يعلق فيك معاها..وانتي ماصدقتي من مكالمه خلاص تقول قري فيك فاتحه ..حتى الي يبعتلك طلب ع الفيس طووول رفض يجوا يخطبوا طوول ترفض تعرفي الهبله الإسبوع الي فات رفضت خو صاحبتها محامي بحوشها بمكتبه الخاص..
انا_قالتلي عليه... المشكله مافيش حتى كيف تتأكد لو فعلا يبيها ولا امشي بيها وقت
اميره_صبت القهوه في الفناجين
وطلعنا بالسفره للعيله..
...وبتنا في حوش جدي انا وريما وامل وهداية بنت عمي فؤاد...
واميره روحت لانه عندها موعد عند دكتورة الأسنان وامها بترفعها..
🌸🌸🌸🌸🌸🌸🌸🌸
عند اميره..روحت دوشت وجففت شعرها و وتت لبستها لان موعدها الصبح بكري..
خشت رقدت..
وشويه ورن نقالها..
اميره_بصوت ناعس_الوو
ايهم_ الوو خموجي
اميره_فنصت عيونها ..ونحت التليفون وتأكدت من الأسم قاعد البارد زي ماسماته اول مره
ايهم_وين رحتي ولا رقدتي ثاني
اميره_شن تبي متصل هالوقت فيقتني من النوم
ايهم_افتحي الباب
اميره_مش ديما عيد هو مش فاتحه
ايهم_بتفتحي ولا انطق انوض امك
اميرة_شن تبي..
ايهم_تي افتحي ..
اميره_واااك استنى شويه..
ناضت غسلت وجهها وحطت ماسكرا..وبخت عطرها..من فرانك اوليفر..ولبست وشاحها..وطلعت فتحت الباب
ايهم_ساعه
اميره_  ماعطلتش انا..
ايهم_لا تي نحسابك رقدتي ثاني..
اميره_باه المهم شن تبي جاي نص الليل زي المخانب.
ايهم_ جاي نخنبك ونهرب بيك..
اميره_ تي شن تبي ابنرقد غدوه عندي موعد
ايهم_موعد شن
اميره_ابنمشي لدكتورة الاسنان عندي كيس تحت سني..
ايهم_لاباس عليك ..استني شوي خلي الباب مفتوح
قعدت اميره واقفه لين خش ومعاه صندوق كبييير وفوق منه صندوق متوسط وصندوق صغير..وكلهم مغلفات
وحطهم علي عتبته الباب الداهلي وطلع ثاني دخل زوز طواسي عصير طبيعي وموس وزوز صواني
اميره_شن هدا..!؟؟
ايهم_تهانينا بالنجاح دبدبوتي..
اميره_قصدك جاي عشن نجاحي في الشهاده
ايهم_ايه تعالي قعمزي..
اميره قعمزت_ وهدا كله ليا
ايهم_ايه وفوق منهم قلبي لو ترضي بيه الي معلقتيه عامين وماريحتيه
اميره_ كيف معلقاته
ايهم_ نستنى فيك قتلك انحبك نبيك..ومارديتي واهو تو سنتين واكتر وانا نستنى..
اميره_ تحشمت منه
خدي هو الباكو المتوسط وفتحه كانت كيكه..ع شكل قلب ومرسوم عليها شهاده وقبعه التخرج..وعليها مكتوب الف الف مبروك ياميرو النجاح ..نعشقك..
اميره_محلاها تهبببل..خلي انصورها..
ايهم_انا تو انصور اني.. ونبعتهملك ع الفيس
وصور ايهم الكيكه والعصير وخدي كم صوره لا اميره
اميره__ معاش تصورني
ايهم_ تي اس مافيك من كلام .تعالي قصي الكيكه
خدت بتقصها حط يده علي يدها وقصوها مع بعض..
وكلها هو حصتها وبعد ستين واسطه باش رضت اتوكلها وهو كان فرحان بيطير وهيا قلبها يبي يطلع من مكانه ويمشي لصدره هو يقعد جنب قلبه هو..
ايهم_ضمي الحوسه ودخلي هديتك..واستنيني بنكلمك ماترقديش
اميره_بخجل ..باه
طلع ورجع ثاني
شبحتله
ايهم انحبك مووت وغمزلها وطلع..
قعدت اتنقز في الجنان وتلف وتلف لين داخت وبعدين لمت الحوسه ..وحطت ااكيكه في الفريز ودستها علي امها..
وخشت للهدايه الباكوا الصغير كان تليفون ايفون ومعاها شفرة..
والكبير كان قفطان ابيض واكحل معاها كندره وساعه وعطر
واتصل بيها مع الفجر
ايهم_الوو دبدبوتي
اميره_ الوو
ايهم_ عجباتك الهديه
اميره_اما وحده هما زوز
ايهم_الزوز
اميره _خلوات شكرا فرحت بجد انك تفكرتني
ايهم_امتا نسيتك انا. انتي ماتعرفيش قداش انحبك..
اميره_ من وين بنعرف وانت ماتحكي..
ايهم_اهو جبتلك تليفون وشفرة انكلمك كل وقت ..هادوا ليا انا وبس الرقم ماتعطيه لحد مانبيش نتصل بيك في يوم ونلقاه مشغول ولا انتظار..
اميره_ ان شاء الله
ايهم_كان خاطري انشوف شعرك قاعد طويل زي قبل ولا زاد
اميره_ما انخليش فيه يزيد ديما انقص فيه.
ايهم_ايه خليه ع نفس الطول ..انحبك يابنت انحبببببك ومش عارف كيف هكي متملكتني ويجري حبك مع دمي ..
اميره_ انح. بك
ايهم_ شنووووووو
اميره_سمعتني
ايهم_وربي عاودي شن قلتي
اميره_ انحبك
ايهم_ لا مافيهاش بنجيك نبي نسمعها منك وانشوفك
اميره_بلا اهبال..امي ناضت
ايهم_ تي خليتي فيا عقل انتي ...عاوديها عاااوديها نبي نشبع بيها اليوم ولا انجيك..
اميره_ والله نتحشم..
ايهم/راهوا انجيك..
اميره_باهي..انحبك انحبك انحبك..
ايهم_تي نعشقك انموت فيك ياميروو انموووت فيك
اميره_ استاحشت كلامك هدا كنت نستنا فيك
ايهم_وانا كنت نستنى فيك..
عندي انا ثاني يوم
معتز_غلاي
انا__حبيبي صباح الخير
معتز_ صباح الورد.. شن حالك حبي اليوم
انا_تمام جدتي وجدي مش طالقيني بكل..
معتز_ معذروين مرايفين عليك
انا_ايه ...بدات جدتي عواشي..وريما اختي امالا ميروو وعميمه..مانحكيلك
معتز_ حتى انا رايفت عليك  الي من شهر شايفك مش هما الي اكتر من سنتين ماحقوك

انا_حتى انا استاحشتك مووت نبي انشوفك بكل عملك مظغوط..
معتز_اها بالذات هالفترة وفت السياحه..
انا_ حبي بنصكر جدتي اتنادي
معتز_ارجي ارجي عطيني بوسه وغلاتي عندك
انا_لاااا سلام ..
بعد صكرت بوست التليفون هبله هههه
معتز_صكر مني ويضحك
بوفا_ هبل وتقعد هبل
معتز_ حتى انت هبل فاطنلك بعد اتصكر من هاله
بوفا_ انا مرتي هادي قاري فيها فاتحه اما انت ادق لا خطبه ولا فاتحه ولاعاطي فيها حتى كلمه
معتز_ هيا وقت ع الرحلة..كان نتأخروا يظيرولنا مشكله
بوفا_بعدك يدوروا فيها لنا
معتز_مش غير
بوفا_وين رحلة اليوم انت
معتز_كويت .دهاب واياب..
بوفا_اووه ساهله.. انا لفرنسا وفيها بيات
معتز_يكون الله في عونك..نتلاقوا غدوه معناته..تشاو
بوفا_في امان الله
معتز_وهو طالع_ههههههه كلمة هاله هادي..
بوفا/ههههههههه..
.....
بعد يومين رجعنا لحوش بوي
بكيت هلبا اول ماخشيت تفكرت ماما .وبابا. ايامنا اهني..وتفكرت هديكا الليله الي بتتها في المزين لما هربت من حوش جدي
مسرع الوقت مايفوت..
....
بديت نخدم مع ريما والجو حلوو واموري مستفه...وجي يوم الجمعه يوم اللمه في حوش جدي..
مشيت وانا زي من يكروا فيه ع وجهه بالسيف بس عشان جدي وجديده
وصلنا وتغدينا وامورنا تمام
طلعت للجنان..بنكلم معتز تلاقيت مع يزيد وخوه السامط ياسر
انا_ اووف هلا
يزيد_وغلا..ومية مرحبا
فنصت فيه انا وخوه..
يزيد_ ماتفنصيش ماتخوفيش راه .
ياسر_صكر فمك واطلع قدامي..
طلعوا
وانا اتصلت بمعتز ..ماحصلته  قلت اكيد عنده رحله
ياسر_ماتتحشمش علي وجهك..راني ساكتلك بمزاجي
يزيد_شن درت انا رديت عليها بس
ياسر_ نشبح فيك كيف تشبحلها ..ياسرك العارالي دايره في المزارع..
يزيد_كيف نشبحلها..انت شوفتها
ياسر_ شن شوفتها هادي تحسابني تافهه زيك
يزيد_تي عليها جسم ولا صااااروخ ارض جو حاجه اتخليك تنسته فيها لا اراديا
ياسر_تي احترم نفسك عندك خوااااتك
يزيد_شن قلت اني ..اصلا بنكلم بوي يخطبهالي
ياسر_نععععععمممممم هههههههههههههههه
#يتبع
#najah_alhaj
نتمنى تكتبوا تعليقاتكم وتوقعاتكم..