روايتنا الجديده #بنت التونسيه للكاتبه najah_alhaj
قراااءه ممتعه للجميع 🌸🌸🌸
🌸الادمن#لـــــوليــــتا👑
#بنت_التونسية
#الحلقة_20
🌸🌸🌸🌸🌸🌸🌸🌸🌸🌸🌸
وصلت اميره للجامعه..
ومشت ل علي ( هدا ولد يقرا معانا وفلتتووووز ديما يشرح للطلبه اي شيء مش فاهمينه خليكم متفكيرين انا اميره شقرا بعيون خضر وجميله هلبا)
اميره-صباح الخير
علي-صباح النور اميره..وعيونه قلوب قلوب♥♥
اميره-عارفه مش وقته هالطلب لكن نبيك تشرحلي المتوسط الحسابي في المسئله هادي منين جي..
علي-لا عادي مش مشكله ..وقعد يشبح يمين ويسار يدور وين يقعمزوا..-تعالي للكراسي غادي نشرحلك
اميره-هيا...
وصلوا وقعمزوا
علي-وتو ياشطوره المسئله بسيطه
اميره- شن قصدك بشطوره اني غبيه
علي-ههههههههه حاجه زي هكي
اميره- ههههههه اصلا عارفه روحي
ايهم يتفرج من بعيد وعيونه بيطلع منهم نار وقلبه بيوقف ...
وقعد علي يشرح لاميره..لين وضحله كل شيء
اميره-مشكوور علي بجد بارك الله فيك..
علي-ادللي ..وحد يرفض يقعمز جنب وحده حلوه زيك ربي يحفظك...
اميره-وقفت ...تو سلام..
علي-ان شاء الله تجاوبي..
اميره-حتى انت بالتوفيق..
ايهم- مطووولين انتم نقجر نمشي ونرجع ثاني..
علي-عفوا من انت..
ايهم- وش دخلك انت وريني عرض كتافك هي..
علي-شن هيااا
وكيف بيتعاركوااا..
اميره-تي اس انت وياها ...علي هدا ولج عمي ايهم زي خوي قالت هالكلمه وقلبها وجعها..ايهم هدا علي زميلي ومان يشرحلي ف مساله..
ايهم-من غير نفس مد يده-بالجوده
علي-بأبتسامه..بيك اكتر...نشوفوك ان شاء الله
ايهم-ان شاء الله
ومشي علي
ايهم-هدا الي بتحبيه وبتنسني بيه هداااا ...لا وايهم زي خوي..خو من خو من اه ...انتي ليا اني اني وبس
اميره- والنبي اخطيني ماعنديش ليك اخلوق بكل...
ايهم- اميره ما اطيرهاليش راني شاد روحي بالسيف..
اميره-وشن بدير بتضربني ولا بتخطفني..
ايهم- امييييييييره ماتستفزينيش وايه نخطفك لو اضطريت..
اميره-ايهم عندي امتحان بنخش..
ايهم- حنستناك لازم نحكوا
اميره-ماعندنا شيء نحكوا فيه..اخطاني والعب علي غيري..
وفاتت بجنبه وشمت عطره استنشقاته بقوة قبل ماتبعد عليه .وعيونها معبيات دموع.... دموع شوق ولهفة وخيبه...
.....
عندي انا
انا-معتتتتزززز ...حبيبي ونقزت حضنته ....امتا جيت..ف الاول ماحضنيش لكن بعدين حضني ورفعني خش بيا للحوش... وخلا الباب مفتوح لكن اتقا بيا ع الشارع..
معتز- في خاطره... مستحيل هالبنت اديرها واااضحها تحبني ...مستحيل ..لكن يارب الفيديو وااضح...يااارب مانبي نخسرها هيا الحلاوه في حياتي..- كيف واصل قلت انحق رنيم قبل مانعدي للحوش
انا-نزلت ..استاحشتك مووووت ..
معتز-وين كنتي ماشيه ..
انا-للجامعه مش قتلك عندي امتحان..
معتز-امتا الامتحان
انا-الساعه 8:00
معتز-خلي انوصلك وقت عليك
انا-ياااريت مادا بيا ..خلي انقول لريما ونجي
معتز-تلقيني ف السياره..
...
خشيت لريما .لقيتها نايضه ووجهها اصفر وعيونها منفوخات من البكي ..-
انا-صباح الخير..
ريما-صباح الخير من كنتي اتكلمي
انا-معتز كيف واصل خطم عليا ..اسمعي راهو بيوصلني للجامعه..واحتمال كبير نتغدوا مع بعض..
ريما- باهي ماتعطليش عليا والغدي فوتيه..
انا-ع حسب شن يصير..
....
عند معتز -مش معقوله رنيم اديرها هيا حتى الركوب في السياره معاي ماتركب لين تشاور اختها
انا- جييييت فتحت الباب وركبت..
معتز- تو بالله ادا بالعبايه وطالعه هك حلوه شن انلبسك بس ..لا من غدوه البسي عبايه كيف عبايات الملتزمات
انا- لا والله ..شن بندير كاني حلوه والي نلبسه يطلع عليا...
معتز-ماعندك ما اديري غير شد الحوش وبطلي من الجامعه ..
انا-ههههههه وجدي وقتها يلغي الخطبه والزواج نهائي..
معتز-لا ..الا هادي اقري وامري لله..لكن ياطشه طالعه طرف..
انا-هههه اس نتحشم..
معتز-ياناعليااا..والله شوفتك بس تنسيني هموم الدنيا كلها ..نحقك بس ولو كنت حنتفجر ونغلي نبرررد طوول..
انا-الله لا يوريك لاهم لا زعل بكل...
معتز-انزلي هيا وقت عليك
انا-مسرع وصلنا
معتز- باابتسامه...انتي بس كملي امتحانك ورني عليا ..انا نعدي نحق باتي .و اهلي اندوش وانجيك..وقرن حواجبه ...اصلا نبيك ف موضوع
انا-ان شاء الله خير ..سلام تو..وخشيت جري للقاعه.
أنت تقرأ
#رواية بنت التونسية لكاتبه🌺 najah_alhaj (مكتملة)💚
Romanceبنت التونسية لكاتبه najah_alhaj🌹🌸
