#رواية بنت التونسية لكاتبه🌺 najah_alhaj (مكتملة)💚

18

روايتنا الجديده #بنت التونسيه للكاتبه najah_alhaj
قراااءه ممتعه للجميع 🌸🌸🌸
           🌸الادمن#لـــــوليــــتا👑
🌸🌸🌸🌸🌸🌸🌸🌸🌸🌸🌸
#بنت_التونسية
#الحلقة_18
~~~~~~~~~~~~~~~~~~~~~~د~~
لايكاتكم قبل ماتقرو♡♡
.....
ريما -ثاني يوم ناضت من الفجر تبلت لحم مفروم لككباب
نوضتني ...من الافجار تبي اندير كيكات مش حتى كيكه وحده تبي ثلاث انواع رد فيلفت و تشيز كيك والترامسيوا...
مش طالبه شوي نضت دوشت وشحطت روحي ومع الساعه 10 كملت..
كلمت معتز  وحكيتله ع المشيا للمزرعه ...
جهزنا رواحنا وخطم علينا عمي فرج مع مرته...ماتقدرش ريما ترفعنا لا الحوازه بعيده
ع فرج- قداش ليكم مامشيتوش للحوازه
انا-يييييه من لما بابا كان عايش ..لا استغفر الله قبل مانمشي لتونس مشيت مع جدي لكن كان فيها عمال  ماقعدناش فيها.. دوبنا خشيت شويه علمني جدي ع الكلاش امتعه ساعه وروحنا...
ريما-قاعده متفكره وتعرفي تضربي واتقنصي..
انا-مرات انقول نسيت و قداش ليا لكن بمجرد ما انشد ااسلاح نتفكر كلام بابا كله وكلام جدي بعده..
ع فرج-معناها فيه منافس ليزيد وياسر حتى هما بعد ااسلاح انتشر ديما يجو  لاحوازه ويقنصوا
ريما-اصلا كلنا مفروض نتعلموا عليه الواحد مايدريش ع الوقت
مرته-ايه والله ااخطف والسرقه كتروا..
انا-كملوا صيانتها الحوازه
مرته-ما شاء الله ياسر جابلها مهندس ايطالي  غيرها هلبا بدت جنه
ع فرج-ايه والله
ريما-قاعد فيها خيل وبط ودجاج زي قبل
ع فرج-ع حد علمي خيل و شوي معيز وظان وبقر..
انت-ما شاء الله..وكله قاعد بأسم جدي زي قبل صح
ع فرج-لا انا وفؤاد عطانا جدك حصتنا وشراها ياسر قعدت حصتك انتي واختك وحصة جدتك
انا-اها ربي يطول ف عمره جدي هالحوازه احلى حاجه ملكها ..
....
المهم كملنا هدرزه لين وصلنا
اتصدقوا لما وقفنا قدام الباب امتع الحوزه سهقت الباب كبير بشكل يخوف...انفتح وكان كهربائي ..والي شفته بعدها جنه فعلا كانت منسقه وفيها زي الاكواخ اربعه لكل عيله واحد ونوافير حوضين سباحه واحد في صاله مسكره والثاني برا وفي بنايات كبيره بعيده شكلاها للخيل وشن معاها وكلها خضره وفيها جية كلها شجر  وجيه ثانيه كلها شجر ورد بالوان تهبل حاجه خيااااااااال بصراحه..
المهم نزلنا ونزلنا حاجاتنا وصلت العيله كلها عدا بنات وولاد . ع فرج ..
كنا مقررين شوايات ع الغدي مشينا للكوخ تبع جدي كان اكبر واحد رفعت معاي الكيكه الاولى ريد فيلفت وخليت التشيز والترامسيوا في الفريز ..
ورفعت ريما الكباب الي متبلاته ..
وصلنا وكانت العيله كله ف حوش جدي يلمنا ع الكل حتى عميمه جت طيبنا الشاهي والقهوة وخديناه للعيله الي مقعمزة تشوي قدام الكوخ ..
عميمه-عطيني قهوة ياريما
انا- وانتي جديده قهوة ولا شاهي..
جديده-لاشاهي ..
جيت لعمي فؤاد
ع فؤاد- من دايرها الكيكه
ريما-هادي نوما يا عمي
اميره-مادام نوما دايراتها بناخد قبل نحسابك انتي دايرتيها
ريما-شن قصدك
اميره-ماحد يغلب نوما ف الحلو..
ريما-خزي والله تاكلي من ااكباب نقتلك.. رد بالك تعطيها يا ياسر..
ياسر- نو ناكل حصتها
اميره- و الله مافي زيك في الحار انتي ريما ...
ريما- درقي وجهك مافيش..
ربا- فوتيها يا ميروا احني جايبن حوت متبل بنتعشوا بيه كولي لين تشبعي..
انا وريما شبحنا فيها بربع عين..
انا- ووه من تبله انتي ..كان انتي قولي ما انحبش ناكل حاجه امزرطينها صغار..
روابي-شن قصدك ..ماتمزريط الا ماكلتك انتي واختك
انا-وكانه تمزريط علاش واكله تلات اطروف من الكيكه
يزيد-وللللعت..
جديد-اسكتي اناي وياها ..زي ناقر ونقير ماتتحشموش قدام  عمامك وجدكم
انا - وهيا لاش تحشي ف خشمها من الاول
عميمه - رنيييييم
انا-اسفه ..اصلا كنت انبصر
يزيد - نوضي روابي جيبي مشروب..
انا-خليك انا بنخش اصلا..
خشيت للحوش نحيت حجابي كان الجو نو وشعري انفك... ليم سمعت صوت وراي تلفت
يزيد-ماااااشااااء الله..وقرب مني
انا- اطلع برا ...
يزيد-وكتن ما طلعتش ..
انا- انعيط واناديهم كلهم
يزيد-انا مادايرلك شيء بنتفرج بس..
انا-اا والله ..ورجعت ااوشاح فوق راسي
يزيد-ما اديريش روحك شريفه عليا اني...ايوه
انا-شريفه غصبا عنك
يزيد- قرب مني اكتر وشد وجهي- فووووتيهم ااطروح هادوا  كانك خايفه حد يعرف ما تخافيش زي مابوي حافظ علي سركم مع بعض انا انحافظ نستعموا مع بعض لامن شاف ولا من دري...
انا- كنت مصدومه كيف عرف بالي دايراخ بوه...نفصت يده وضربته كف
يزيد- هادي ثاني مره اديريها والله اندمك عليها والله وقولي يزيد قال....وطلع من الباب الخلفي..
انا-كنت نرعش مع بعضي خوف رهيب الي حسيته..صح انا مادرت شيء ولا ليا ذنب لكن ع وفاء حتنقهر لو تعرف براجلها شن داير
جدتي- بصوت عالي من برا...وين المشروب ولا اتجيبي فيه من تونس..
انا--هيا هي جايه ..لفيت شعري وحطيت وشاحي رفعت المشروب وطلعت لقيتهم مكملين الشوا وحطوا للرجاله بروحهم واحني بروحنا....
تغدينا وخش جدي وعمامي ونساوينهم وعميمه بيرقدوا..
واحني ظمينا ااحوسه..ويزيد مشي لمزرعه صحابه قريب من اهني...وياسر مانعرفش وين مشي
كملنا ومشينا كلنا انلفوا في الحوازة وضحك وصور وجو يهبل مع سم ربى وروابي لكن لما ينوو الضحك يبدوا خيال بكل نصحكوا بدموعنا علي مواقفهم ومقالبهم
وصلنا للأسطبلات..ولفينا فيهم كان فيه خمس احصنه واحد ابيض و وزوز قهويات واحد اكحل يهبل..و الاخير كان مفاجاة يهبا لونه زي شعري بالزبط يقتل كستنائي
اميره-زي لون شعرم نومه
ريما-ايه حق ..
انا-محلاه
ربا-شعرك كبيعي انتي
انا-ايه..
امل-قولي ما شاء الله
ربا- ما شاء االله ..كنت بنقولها بلا ما اتقولي..
....
كلامنا كله سمعه ياسر ااي كان ورانا وحني ماحد يعلم
...
اميره-نحي وشاحك وصوري جنبه..
ياسر-احممم....
تلفتنا كلنا..
انا-وللصراحه اول مره ننتبه لي ياسر ولد عمي .كان لابس كانتيرا كحله ورافع سرواله لنص ساقه وناهض شكاره ع ظهره ...حاجه كده كانه طالع من فيلم اجنبي... عضلات وطول وشعره مشفشف شكله كان يخدم او حاجه هك
ياسر- هدايه خودي بنات عمك واطلعوا العشيه تو نطلعلكم الخيل تركبوا عليهم
امل-جد
ياسر-ايه عير اطلعوا فيه دكتور بيطري جاي للخيل..
طلعنا من جنبه وقعدت هدايه تسال فيه ع يزيد ...
...
طلعت هدايه وتتلاقى هيا وشاب اسمراني وشعره اكحل وعيون سود وكبار
هو قعد مسهم فيها وهيا نفس الشيء
هدايه- واطت راسها وتسب في روحها في خاطرها..
هو- عفوا انا عادل دكتور بيطري ..وين ياسر
هدايه- اشرت ع الاسطبالات- تلقاه داخل
وكيف بتفوت
عادل- اخت ياسر انتي؟
هدايه- اه..ايه
عادل- ما شاء الله ...
وجتنا هدايه وجهها اجمر ..
انا-خيرك ...
هدايه-شدوني بنطيح
ربا-خير دعوتك..
هدايه- شفته اادكتور ووووه عليا
روابي-قصدك حلووو ؟؟ وخيره ياسر مايفهم في تاجو مفروض خلانا انشوفوه ويشوفنا بالك ينظرب ع راسه ويخطب وحده منا
ربا- لا والله ياااااااسر بيخليه يشوفك تي يدبحه قبل مايرفع عينه..
ريما-ما انحسش فيه واعر ياسر
هدايه-ها غير ماتعرفيشي ..تي سم يالدات كان درتي حاجه هو مش راضي عليها يقولك كلام ويشبحلك شبحات تستحقري روحك تتمني اتجيك طلقه ف راسك تقتلقك ولا توقفي قدامه وقتها
انا-غير خلينا منه شن حلوو
هدايه-ايه يانوما يهبل اه وخلاص...
......
المهم فات الوقت والعشيه طلع ياسر واحد من الخيول الي لونهم قهوي...وخلى هدايه معانا تركبنا لانه تعرف تركب ..و فات جو يهب وجت عميمه وركبناها ويطلع بيها الفرس جري وهيا بووواصي اتعيط..واحني في جرتها نجرو من غير حيل لانا ميتين ضحك..لين بقدرة قادر يوقف ياسر قدام الفرس واول ماشافته بدت تهدي لين وقفت نزل عميمه وهو معصب وجي جهيتنا..بصراحه لما شفت خواته هاربات يجروا ...هربت معاهم
ياسر-هدااااااااااااااايه  والله تلا مانقتلك انتي وتوم الشر ...وفتت جنب ريما امدخن ..وصلنا للحوش داهشات قعمزت جنب جدي...اصلا الفكره فكرتي انا.. وخفت يعرف يهزبني ولا يضربني..
جدي -شن درتي تتعقل عليا..
انا- هو والله متقصدي باه ...وحكيتله وجدي يضحك لين وصل ياسر والدخان يطلع مع وذانه ..والغريب انه مادورنيش خش لخواته طول هزب هزب وطلع..
طلعت هدايه-كله منك خزي
ربا- ديري العمله واحني نتهزبوا..
روابي-لكن جو عمتي كيف تعيط..
ربا-ووالفرس اتزيد.تجري  ..هههههههه
هدايه-ماضحكوني الا امل واميره وقفوا يهزبوا في نوما واخلبن امهم تعيط
انا-ايه ...وينهم هما
هدايه-اوينهم جايات مع امهم وريما..
انا- حي خالد يبكي شكله ناض..
فات الوقت وشوينا الحوت في الليل مع سلايط وشربات تعشينا بيهم وسهرنا ع الشاهي والجو حلو...
خشت جديده و ع فرج وفؤاد وجدي ونساوين همامي بيرقدوا وحت ولاد عمتي قصي وعدي رقدوا...مه جديده..
كلنا التمينا جنب نافوره كبيره وانهدرزوا وعميمه وياسر يهدرزوا ع الثوره وشن صاير ف البلاد و يزيد الا يفنص فيا كرهني ف عمري
ربا-كساد ..شن رايكم نلعبوا
روابي-لا ..غني امل صحه
امل-فوتيني
اميره-هيا اموله غني
يزيد-قصدكم فيه حد ثاني ف العياله صوته سمح..
ربما-علاش من الاول
يزيد-شبح في ياسر- واشر بيجيه الزوز علي ياسر-انقدمولك الموسيقار الفنان ياسر فؤااااد
ربا-تراررراااا
ريما-جديااات
روابي- يهبل صوته
ريما- عمري ماسمعته يغني
عميمه-حتى احني لينا قداش ما سمعناه يغني
ياسر- ما اتحاولوش مش حنغني من تو تغني  امل نسمعوا صوتها
امل-نغني بشرط انت تعزف
ياسر-ماعندي شيء اهني نعزف بيه
يزيد-راجي كاني امحت ..قص عليه
ياسر- اربح راحتك
يزيد-والله الليله الا بتعزفلنا فيه قيتار اهني...
مشي وجاب القيتار ومده ل خوه
ياسر- غني حاجه ليبيه
ريما- فيه غنيه اميمتي شوفي لحالتي  حاجه هكي غنيها
امل-اها عرفتها
امل- شبحت ل ياسر ..اه يا ميمتي لعصام الطويل عرفتها..
ياسر- وجهه مايتفسرش بكل لكن شكله طارتله ...-عرفتها هيا ..وبدي يعزف..
امل- اه يا اميمتي..شوفي لحالتي
الي انحبه غدر يا يما وبكا عوينتي..
هيا تغني وريما تفكر في صلاح ..اميره في ايهم ..و ياسر ف عفراء...
كان صوتها حلو ومع عزفه هو الكل انسجم...
لين كملت
كلنا صفقنا..وطلبنا غنيه ثاني وثالثه ياسر يعزف وانل تغني ليله من اجمل الليالي...
لولا شبحات يزيد بس.
.......
فاتوا اليومين ورجعنا للروتين والقرايه والخدمه...
....
وفات شهر...معتز سافر..وامل اتجهز لامتحانات النصفيه...
ريما - فيه ولد امدره كبدي..
انا- وين شفتيه ف النت
ريما-تي لا يقرا معاي ف الكورس .يتلصق ومرات يشبح شبحات تقرف ويومها قالي كلام لين ضربته.
انا- كيف شن قصدك زي شن
ريما-يومها نحكوا قروب كامل وفي الاخير قلتلهم تعبانه واستأذتت بنروح لحقني وقالي
وجدي-لبستك اليوم حلوه طالعه طرف
ريما-نعم ...عفوا..احترم نفسك..
وجدي- مش قصجي ماتفهميش غلط
ريما-اوووف انا تأخرت بنروح..
وجدي- انتي ديما اتفولي تعبانه ..والله حتى انا تعبان شن رايك انريحوا بعض
ريما-شن قصدك..
وجدي-من الاخير ... انتي ليك اكتر من سنتين امطلقه واكيد فاقده الجو ...انا مستعده انعوضك في سريه  تامه ..باي شروط منك راضي
ريما- ضرباته كف - المره الجايه حنفرغ فيك لو فكرت تكلمني تافهه
...
انا-خزي السخيف..
ريما-والله بديت انخاف منه..
انا-كم مازال عليه الكورس
ريما-شهر ويتم مش هاين عليا انسيب بعد فتت شهرين..
انا-تحاشيهم ماتقعديش معاه في مكان بروحكم ما يتامن لي هالشكالات..
..
ثاني يوم
وصلت ريما للمركز وتلاقت هيا ود عمار في الباب..
ريما-صباح الخير د عمار..
د عمار-شبح فيها ن فوق ل لوطى..- خير خير..وفاته
وهيا واقفه مصدومه قعدت تشبح لعبايتها الي لابستها بلكي فيها شيء.
ريما-خيره هدا
وجدي-منو...
ريما-انخلعت....شن دخلك..وفاتت وخلاته واقف ويتوعد
جاه صاحبه..
وجدي-شن درت الي قتلك عليه
الشاب-ايه مش حتولع بكل ..
وجدي تمام ميه ميه...
....كملت اادوام وطالعه بتروح ركبت سيارتها .و ولعتها مابتش تولع ...بتتصل بياسر لقت ماعندهاش رصيد.بكل   ....
نزلت فتحت الكوفني...مافهمت شيء ...
طلع د عمار ..وشافه واقفه قبل بيساعدها لكن فاتها..
وريما امطبسه ع الكوفني حد من الخلف قرب منه و حط فوطى ع فمها وكيف بتقاوم داخت.... رفعها حطها في سيارته وصاحبه صكر السياره ...وخدي المفتاح وجي ركب معاها....
وجدي-هيا للحوازه طوول
صاحبه- عليك جسم يابرواا..مش قادر خلاص
وجدي- تي اليوم انقطعوها ...
.......
عند معتز
منا نحكوا ع الواتس اب...
وجونا حلو
لين جاه مسج ع الفايبر
المرسل- شن الجو ياكابتن..وشن جو الطرف الي خاطبها شفته من يومين ياحظك بيها..
معتز- من انت ومن عطاك الرقم
المرسل- واحد في قايمة الأحتياط امتع خطيبتك ..
معتز- خطيبتي واااثق فيها ف العب غيرها
المرسل-ما ااكونش واااثق هلبا..شن رايك في هالصوره...
معتز- يشبح في الصوره ..ومصدوم..-هادي تركيب العب غيرها
المرسل- باه شن رايك في هالفيديوا ..ووصله الفيديو..
معتز-ياو #/$## $^ هادا عمها مستحي يصير هالشيء هادي لعبه..
المرسل- ما اتغطيش عين الشمس بغربال...اصلا مش عمها بس حتى راجل اختها زمان زايط بيها لين شدتها اختها في دار نومها..وانا تو وغدوه اشبح من...
معتز- ياطووووط وقسم بالله لو نعرفك انربييك قبل مانقتلك
المرسل-ربي ال $$/# الي خاطبها قبل...تشاوو يابروو
و
#يتبع
#najah_alhaj
ارأكم تهمني ...